Read William Morgan Bible 1588 original edition Doethineb 11 Bible Online

Doethineb 11 - William Morgan Bible 1588 original edition bible

Doethineb 11

¹1 Y gwrthiau a wnaed er Israel. 13 Dialedd Duw ar bechaduriaid. 28 Mawr allu a thrugaredd Dduw. HI a gyfarwyddodd eu gweithredoedd hwynt yn llaw y prophwyd sanctaidd.

²Hwy a ymdeithiasant trwy y diffaethweb anghyfāneddol, ac a osodasant eu pebyll mewn lleoedd anhyffordd.

³Hwy a safasant yn erbyn y rhai a ryfelent iw herbyn hwynt, ac a ddialasant ar eu gelynion.

⁴Daeth syched arnynt hwy, ac hwy a alwasant arnat ti, ac fe a roddwyd iddynt hwy ddwfr o’r graig ddibin, a meddiginiaeth rhag syched o’r maen caled.

⁵Canys trwy y pethau y cystuddiwyd eu gelynion hwynt,

⁶Trwy ’r vn pethau y cawsant hwy fudd, pan oedd eisieu arnynt.

⁷Yn lle y ffynnon o afon redegog wedi ei chythryblu â gwaed gwaedlyd yn gerydd i’r gorchymyn am ladd y plant,

⁸Y rhoddaist di iddynt hwy amlder o ddwfr heb ei obeitho.

⁹Gan ddangos trwy y sy ched a oedd yr amser hwnnw, pa fodd y cystuddiesit ti y gwrthwyneb-wŷr.

¹⁰O blegit pan demptiwyd hwynt (er eu dyscu hwynt yn drugarog) hwy a ŵybuont pa fodd y dialeddwyd, y rhai annuwiol a farnwyd mewn digofaint.

¹¹Y rhai hyn a brofaist ti fel tâd gan eu rhybuddio, a’r lleill a holaist ti fel brenin tost gan eu barnu yn euog.

¹²Y rhai yn absennol, ac yn bresennol a gystuddiwyd yr vn modd.

¹³O blegit tristwch a gofid dau ddyblyg a ddaeth arnynt hwy wrth gofio y pethau a aethent heibio.

¹⁴Canys pan glywsant hwy wrth eu cystudd ei hun gael o honynt hwy sudd, hwy a feddyliasant am yr Arglwydd.

¹⁵O blegit yr hwn a wadasent hwy yn watwarus gynt wedi ei fwrw allan ai daflu ymmaith, a fu ryfedd ganddynt hwy yn niwedd damwain, gan fod arnynt fyched amgen na’r rhai cyfiawn.

¹⁶Am eu annehallgar fyddyliau anghyfiawn hwynt trwy y rhai yn amryfus y gwasanaethasant ymlusciaid anrhesymmol a bwystfilod gwael, yr anfonaist lawer o amfeiliaid heb reswm i ddial arnynt hwy:

¹⁷Fel y gallent hwy ŵybod mai trwy y pethau y pecha neb y chstuddir ef.

¹⁸O blegit ni rwystrwyd dy law yr hon sydd holl alluog ac a wnaeth y byd o afluniaidd ddefnydd fel na allase anfon arnynt hwy lawer o eirth, a llewod hŷf.

¹⁹Neu anifeiliaid dieithr llawn o ddig diattrec: neu yn anadlu anadl tanllyd, neu yn gyrru allan dwrwf mŵg yr hwn a drŷ y gwynt: neu wreichion aruthrol oi llygaid fel mellt.

²⁰Y rhai ni alle eu niwed hwynt yn vnic eu dinistrio hwy, eithr eu golwg hwynt hefyd eu difetha hwynt trwy yrru dychryn.

²¹Heb law hyn hefyd trwy vn awel y gallent hwy syrthio, wrth gael eu hymlid gan ddialedd, ai gwascaru trwy yspryt dy nerth di: eithr tydi a drefnaist bob peth wrth fesur, rhif, a phwys.

²²Bob amser yr ydwyt ti yn gallu llawer, a phwy a wrthwyneba nerth dy fraich di:

²³O blegit megis tippin allan o gloriānau yw ’r holl fŷd, ac megis defnyn o wlith y boreu yr hwn a ddescyn ar y ddaiar.

²⁴Ond yr ydwyt ti yn trugarhau wrth bob peth, oblegit ti a elli bob dim, ac yr ydwyt heb gymmeryd arnat weled pechodau dynion fel yr edifarhaent hwy.

²⁵Y mae yn hoff gennit ti bob peth a’r y sydd, ac nid ffiaid gennit ddim a’r a wnaethost îe ni wnaethost ti ddim a’r a oedd gâs gennit ti.

²⁶Yr ydwyt ti yn arbed pob peth: o blegit yr eiddot ti ydynt hwy o Arglwydd yr hwn sydd yn caru eneidiau.