Read William Morgan Bible 1588 original edition Doethineb 16 Bible Online

Doethineb 16 - William Morgan Bible 1588 original edition bible

Doethineb 16

¹Cosp addol-wyr gau dduwiau. 20 A daioni Duw i’r ffyddloniaid. AM hynny y cospwyd hwynt a’r cyffelyb, fel yr haeddent, ac y dialeddwyd hwynt â lluosogrwydd o anifeiliaid.

²Yn lle yr hwn ddialedd y gwnaethost ti ddaioni i’th bobl dy hun, i ba rai o herwydd chwant eu blŷs hwynt y paratoaist ti sofl-ieir yn ymborth o flâs dieithr.

³Fel y cafodd y rhai hynny pan oeddynt yn blysio eu troi oddi wrth y bwyd, o herwydd y chwant a ddangosasant hwy i’r pethau a anfonasit er eu bôd yn anghenrheidiol, a’r rhai hyn weddi eu bôd tros ychydig ennyd mewn eisieu a wnaed yn gyfrannogion o archwaeth mewydd.

⁴O blegit yr oedd yn rhaid i angen yr hwn ni ellid ei ochel ddyfod ar y rhai hynny a arferasent drahusdeb: eithr i’r rhai hyn digon oedd yn vnic ddangos pa fodd y rhoed dialedd ar eu gelynnion hwynt.

⁵Canys pan ddaeth creulon lîd bwyst-filod arnynt ai llygru hwynt â brathiadau seirph dolennoc,

⁶Nid hyd y diwedd yr arhôdd dy ddigofaint di: iw rhybuddio y blinwyd hwynt ychydig o ennyd, gan gael gwystl am yr iechydwriaeth i feddwl am orchymyn dy gyfraith di.

⁷O blegit yr hwn a droed [at yr arwydd hwnnw,] nid gan yr hyn o welid yr iecheid efe, eithr gennit ti iachawdur pob peth.

⁸A thrwy hyn y gwnaethost ti i’n gelynnion ni gredu mai tydi yw yr hwn sydd yn achub o bôb drwg.

⁹Y rhai a laddodd brath locwstiaid a chacwn, ac ni chaed meddiginiaeth iddynt hwy: o blegit hwy a haeddent eu cospi a’r cyfryw.

¹⁰Ond ni wnai dannedd dreigiau gwenŵynic niwed i’th blant di: o blegit dy drugaredd di a ddeue yn erbyn hynny, ac ai hiachae hwynt.

¹¹Canys i feddwl am dy ymadroddion di y brathwyd hwynt, ac hwy yn ebrwydd a iachauwyd, rhag iddynt trwy syrthio mewn dyfn angof, fyned fel na ellid eu syfur er dy ddaioni di.

¹²O blegit nid llysieun nac eli ai iachaodd hwynt, eithr dy air di (oh Arglwydd) yr hwn sydd yn iachau pôb dim.

¹³O herwydd y mae i ti feddiant ar enioes ac angeu, ac yr ydwyt ti yn dwyn i wared hyd byrth vffern, ac yn dwyn i fynu trachefn.

¹⁴A dŷn yn ei ddrygioni a ladd [vn,] a phan elo yr yspryd allan ni ddychwel efe, ac ni ddettyd efe yr enaid a gymmerit ymmaith.

¹⁵Eithr amhossibl yw diang rhag dy law di.

¹⁶O blegit yr annuwolion y rhai ydynt yn gwadu eu bôd yn dy adnabod di a ffrewyllwyd o nerth dy fraich di, gan gael eu herlid â rhyfedd law â chenllysc, ac â chafodau heb allu eu gochelyd, ac hwy a ddifethwyd a thân.

¹⁷A’r hyn sydd ryfeddaf y tân oedd yn gweithio fwy-fwy o achos y dwfr yr hwn sydd yn diffoddi pob peth: canys y byd sydd yn ymladd tros y rhai cyfiawn.

¹⁸Canys weithie fe a fydde llai y fflam, fel na losce hi yr anifeiliaid a anfonid yn erbyn y rhai annuwiol, eithr trwy weled hwy a allent ŵybod mai trwy farn Duw y cystuddid hwynt.

¹⁹Ac weithie efe a losce ym mysc y dwfr yn fwy nag y galle tân, i ddifetha ffrwyth tir yr anghyfiawn.

²⁰Yn lle hynny â bwyd angelion y porthaist ti dy bobl dy hun, a thi a anfonaist iddynt hwy fara parod o’r nefoedd yn ddiboen, yr hwn a wasanaethe i bôb hyfrydwch, ac i bôb cymmwys archwaeth,

²¹Eithr dy sylwedd di sydd yn dangos felysed gennit dy blant, yr hon sydd yn gwasaenaethu yr hwn a gyfarfyddo â hi, ac yn ymdymheru at yr hyn a ewyllysio vn.

²²Yr eira hefyd ar iâ a oeddynt yn dioddef y tân ac heb doddi, fel y gallent hwy ŵybod mai ’r tân yr hwn oedd yn ffaglu yn y cenllysc ac yn llewyrchu yn y glaw oedd yn difetha ffrwyth y gelynnion.

²³Hwn hefyd (fel y cae y rhai cyfiawn eu cynnal) a ollyngodd ei allu dros gof.

²⁴O blegit y creadur yr hwn sydd yn dy wasanaethu di (yr hwn a wnaethost bôb peth a annelir i beri dialedd ar yr anghyfiawn, ac a ddadannelir i wneuthur daioni i’r rhai a ymddyriedant ynot ti.

²⁵Am hynny efe yna yn ymrithio i bôb beth a wasanaethe dy râs di (yr hwn fydd yn maethu pôb peth) wrth ewyllys y rhai anghenus.

²⁶Fel y dysco dy blant di, y rhai fydd hoff gennit ti (ô Arglwydd) nad cynnyrch ffrwyth sydd yn porthi dŷn, eithr mai dy air di sydd yn cadw y rhai a gredant ynot.

²⁷O blegit y peth ni lygrodd y tân wedi ei dwymno ychydig gan belydr yr haul a feiriolodd yn ebrwydd.

²⁸Fel y bydde hyspys y dylid achub blaen yr haul i rodddi diolch i ti, a gweddio attat ti cyn codi haul.

²⁹O blegit gobaith yr aniolchgar a dawdd fel iâ y gaiaf, ac a ddifera fel dwfr difudd.