Read William Morgan Bible 1588 original edition Doethineb 19 Bible Online

Doethineb 19 - William Morgan Bible 1588 original edition bible

Doethineb 19

¹Marwolaeth yr Aiphtiaid, a llawenydd yr Hebræaid. 18 Y modd y porthwyd yr Hebræaid â sofl-ieir. 17 Bôd pob peth megis yn gydtun yn gwasanaethu i wneuthur daioni i’r duwiol. Eithr digter didrugaredd a barhâodd hyd y diwedd i’r annuwolion.

²O blegit efe a ŵydde o’r blaen yr hyn a ddigwydde iddynt hwy: mai wedi iddynt adel iddynt fyned, ai gyrru hwynt yn daer: y bydde edifar ganddynt, ac yr erlidlent hwynt.

³Canys pan oeddynt hwy yn galaru, ac yn ŵylofain wrth feddau y meirw, hwy a ddychymmygasant feddwl ynfyd arall, a’r rhai a yrrasent hwy allan dan ymbil â hwynt [am fyned] y rhai hynny a erlidiasant hwy megis rhai yn ffoi.

⁴O blegit addas anghenrhaid ai harweiniodd hwynt i’r diwedd hwn, ac a wnaeth [iddynt hwy] anghofio y pethau a ddigwyddasent, fel y cyflawnent hwy mewn gofid y cystudd yr hwn oedd yn ôl.

⁵Fel y cae dy bobl trwy brawf adnabod ffordd ryfedd, at y caent hwythau farwolaeth ddieithr.

⁶O blegit pob creadur yn ei ryw ei hun a luniwyd trachefn o newydd i wasanaethu y gorchymynnion hyn yn nailltuol, sef, cadw dy blant di yn ddiniwed.

⁷Y cwmwl a gyscododd tros eu gwersyll hwynt, a lle y buase dwfr o’r blaen y gwelid llawr o dîr sych, îe yn y môr coch yr oedd ffordd ddirwystr, a maes yn dwyn gwellt glâs yn y ffrwd chwyrn:

⁸Trwy yr hon y daeth yr holl genedl [sef] y rhai a amddeffynnodd dy law di, gan weled gwrthiau rhyfedd.

⁹Fel meirch y porthesid hwynt, ac fel ŵyn y llamment hwy, gan dy foliannu di ô Arglwydd eu gwaredudd hwynt.

¹⁰O blegit hwy a gofiasant y pethau a ddigwyddase iddynt yn eu hymdaith, y modd yn lle eppiliaeth anifeiliaid y dygase y ddaiar allan ŵybed, ac y dygase yr afonydd allan lawer o lyffaint yn lle pyscod.

¹¹Yn ddiweddaf hwy a welsant eppiledd newydd o adar, pan ddygwyd hwynt trwy flŷs i ddymuno bwyd daintaethiol.

¹²O blegit sofl-ieir a ddaethant o’r môr yn ddiddanwch iddynt hwy: ac ar y pechaduriaid y daeth dialedd.

¹³Nid heb wneuthur gwrthieu o’r blaen trwy egni taranau: o herwydd yr oeddynt hwy yn heuddu dioddef am eu hanwiredd: o blegit yr oeddynt hwy yn dwyn dygyngâs i’r dieithraid, y rhai hynny ni dderbynient, y rhai presennol nid adwaenet hwy, a’r rhai hyn a gaethiwasant [sef] y dieithraid a wnaethent iddynt hwy ddaioni.

¹⁴Ac nid hynny yn vnic, y mae rhyw ragor rhyngthynt hwy: o blegit yn anfodlon-gar yr oeddynt hwy yn derbyn dieithraid.

¹⁵Eithr y rhai hyn wedi eu derbyn hwynt yn llawen a gystuddiasant â phoenau aruthrol, y rhai oeddynt gyfrannogion o’r vn gyfraith.

¹⁶A’r rhai hyn a darawyd â dallineb fel [y tarawsid] y rhai hynny wrth ddrws y cyfiawn pan geisiodd pob vn y ffordd iw ddrws ei hun, wedi eu hamgylchu hwynt â thywyllwch anferthol.

¹⁷O blegit yr elementau a newidiwyd o honynt eu hun yn gyfleus fel y newidia sain cynghanedd mewn psaltring yr henw er bod y swn yn aros bob amser, megis y gellir ystyried wrth edrych yn graff ar y pethau a wnaed.

¹⁸Pethau daiarol a droed yn bethau o’r dwfr, a phethau nofiadwy a aethant ar y ddaiar,

¹⁹Y tân oedd nerthol yn y dwfr wedi gollwng tros gôf ei rinwedd ei hun, a’r dwfr a anghofiase ei naturiaeth i ddiffoddi.

²⁰Yn y gwrthwyneb ni wnaeth y fflam nac i gnawd yr anifeiliaid llygradwy y rhai a rodient arno, nac i’r hyn oedd o ymborth nefol (fel iâ tawddadwy o rywogaeth, i doddi) ddarfod.

²¹Dy bobl a fawrygaist, ac a anrhydeddaist ti ym mhob dim ô Arglwydd: ac ni bu ffiaidd gennit fod gyd â hwynt bob amser, ac ym mhob lle. Terfyn doethineb Salomon.