Read William Morgan Bible 1588 original edition Doethineb 3 Bible Online

Doethineb 3 - William Morgan Bible 1588 original edition bible

Doethineb 3

¹Diogelwch y duwiol 11 a thrueni yr annuwiol. Eithr y maeeneidiau y rhai cyfiawn yn llaw Dduw, ac ni chyffwrdd cystudd â hwynt.

²Yrhai angall oeddynt yn tybied eu bod hwynt yn meirw: niweidiol hefyd y cyfrifyd eu diwedd hwynt,

³Ai mynediad oddi wrthym ni yn ddinistr: eithr y maent hwy mewn heddwch.

⁴O blegit er eu cystuddio hwynt yng-olwg dynion, y mae eu gobaith yn llawn tragywyddoldeb.

⁵Ac lle y cospir hwynt ychydig, hwynt a gânt lawer o fudd: o blegit Duw sydd yn eu profi hwynt, ac yn eu cael yn addas iddo ei hun.

⁶Y mae efe yn eu profi hwynt fel aur yn y ffwrn, ac yn eu derbyn hwynt fel perffeith ffrwyth aberth.

⁷Ac yn amser eu gofwy y discleiriant hwy, ac y rhedant fel gwreichion mewn sofl.

⁸Hwynt a farnant genhedloedd, ac a lywodraethant bobloedd, ai Harglwydd hwynt a deyrnasa byth.

⁹Y rhai a ymddyriedant iddo ef a ddeallant y gwirionedd, a’r rhai ffyddlon mewn cariad a arhosant gyd ag ef: oblegit grâs a thrugaredd sydd yn ei sainct ef, ac fe a synnir ar ei etholedigion ef.

¹⁰Eithr yr annuwiol (fel y meddyliâsant) a gafant gospedigaeth, y rhai a ddiystyrasant y cyfiawn, ac a wrthodâsant yr Arglwydd.

¹¹Annedwydd yw yr hwn a ddiystyro ddoethineb ac addysc: ac ofer yw eu gobaith: o blegit eu llafur a fydd ddiffrwyth, ai gwaith yn ddifudd.

¹²Eu gwragedd ydynt yn angall, ni plant yn ddrygionus.

¹³Melldigedic yw eu heppil hwynt. Canys dedwydd yw ’r amhlantadwy ddihalogedic yr hon ni phrofodd wely mewn pechod, hi a gaiff ffrwyth pan ymweler a’r eneidiau.

¹⁴Felly yr dispaidd yr hwn ni wnelo anwiredd ai ddwylo, ac ni feddwl ddrygiom yn erbyn yr Arglwydd: canys iddo ef y rhoddir dewisol râd ffydd, a’r rhan gymeradwyaf yn nheml yr Arglwydd.

¹⁵Enwoc yw ffrwyth poen dda, a gwreiddin synnwyr yr hon ni ddiflanna.

¹⁶Eithr plant y godinebus fyddant ammherffaith, a’r hâd [a gaffer] o wely amwir a ddiwreiddir.

¹⁷O blegit os hir hoedloc fyddant ni wneir dim cyfrif o honynt hwy, ai henaint fydd amharchus yn y diwedd.

¹⁸Eithr os yn fuan y diweddir hwynt ni chânt obaith, na chyssur yn nydd cydnabyddiaeth.

¹⁹O blegit aruthrol fydd diwedd cenhedlaeth anghyfiawn.