Read William Morgan Bible 1588 original edition Doethineb 6 Bible Online

Doethineb 6 - William Morgan Bible 1588 original edition bible

Doethineb 6

¹Cyngori bennaethiaid a swyddogion. Gwrandewch gan hynny (o frenhinoedd) a dehallwch, oh farn-wŷr eithafedd y ddaiar cymmerwch ddysc.

²Rhoddwch glust llywodraeth-wŷr y dyrfa, a’r rhai a ydych feilchion o werin cenhedloedd.

³O blegit y cryfder a gawsoch chwi gan yr Arglwydd, a’r gallu gan y Goruchaf, yr hwn a ymofyn am eich gweithredoedd, ac a chwilia allan eich meddyliau chwi.

⁴Am i chwi yn wenidogion oi frenhiniaeth ef na farnasech yn iniawn, ac na chadwasoch y gyfraith, ac na rodiasoch yn ôl ewyllys Duw,

⁵Yn aruthr ac yn ebrwydd y daw efe arnoch chwi, o herwydd barn dost sydd i’r llywodraeth-wŷr.

⁶Y lleiaf a ddichon gael maddeuant yn drugarog, a’r cedyrn a gystuddir yn gadarn.

⁷O blegit yr hwn sydd Arglwydd ar bawb nid ystyr wyneb, ac ni afna fawredd: canys efe a wnaeth y mawr a’r bychan, ac a ofala yr vn modd am bawb.

⁸Ond ar y cedyrn y daw hawl gadarn.

⁹Wrthych chwi am hynny frenhinoedd y mae fyng-eiriau mau fi, fel y dyscoch chwi ddoethineb heb ballu.

¹⁰O blegit y rhai a gadwant y pethau sanctaidd yn sanctaidd a sancteiddir, a’r rhai ai dyscant hwy a gânt beth iw atteb trostynt eu hun.

¹¹Chwennychwch fyng-eiriau mau fi, dymunwch [hwynt,] ac chwi a fyddwch ddyscedig.

¹²Doethineb sydd ddisclaer, ac ni dderfydd: hawdd y canfyddir hi gan y rhai ai hoffant, a hawdd y ceir hi gan y rhai ai ceisiant hi.

¹³Y mae hi yn myned i gyfarfod y rhai ai chwennychant, fel yr adwaener hi yn gynt.

¹⁴Nid rhaid poen i’r hwn a gyfodo yn foreu am dani hi: o blegit efe ai caiff hi yn eistedd wrth ei ddryssau.

¹⁵Canys perffeithrwydd synnwyr yw meddwl am dani hi, a’r hwn a wilio am dani hi a sydd ddiofal yn ebrwydd.

¹⁶O blegit y mae hi yn myned o amgylch, dan geisio y rhai ydynt deilwng o honi hi, y mae hi yn ymddangos yn llawen iddynt hwy ar bob llwybr, ac yn cyfarfod â hwynt ar bob meddwl.

¹⁷Ei dechreuad hi yw gwir chwant i addysc.

¹⁸Gofal am addysc yw cariad, a chariad yw ceidwad ei chyfreithau hi, a siccrwydd o anllwgredigaeth yw gwrando ar y gyfraith.

¹⁹Anllwgredigaeth sydd yn peri bod yn agos i Dduw.

²⁰O blegit chwant doethineb sydd yn dwyn i’r deyrnas.

²¹Am hynny ô frenhinoedd y bobl os melus gennych orseddfeingc, a theyrn-wielyn, anrhydeddwch ddoethineb fel y teyrnasoch byth.

²²Eithr beth yw doethineb, a pha fodd y gwnaed hi: Mi a fynegaf ac ni chuddiaf rhagoch chwi y dirgelwch: eithr o ddechreuad ei genedigaeth hi yr ô lrheiniaf, ac y gosodaf ei gwybodaeth hi yn amlwg, ac nid âf fi tros y gwirionedd.

²³Ac ni chydymdeithiaf fi â chenfigen ddihoenedic, oblegit ni bydd y neb ai gwenel yn gyfrannog o ddoethineb.

²⁴Iechydwriaeth y byd yw llawer o ddoethion, ac attec y bobl yw brenin call.

²⁵Am hynny cymmerwch addysc trwy fyng-eiriau mau fi, ac chwi a gewch fudd.