Read William Morgan Bible 1588 original edition Doethineb 8 Bible Online

Doethineb 8 - William Morgan Bible 1588 original edition bible

Doethineb 8

¹Amryw ffrwythau doethineb. Y Mae hi ’n cyrheuddyd o gwrr bwygilidd yn rymmusol: ac yn cyfleu pob peth yn fuddiol.

²Hon a gerais i ac a geisiais o’m hieuengtid, ac a geisiais ei phriodi yn ddyweddi i mi: canys cu oedd gennifi ei thegwch hi.

³Y mae hi yn gwneuthur ei bonedd yn ogoneddus trwy gyttal gyd â duw, a bod Arglwydd pob beth yn hoff ganddo hi.

⁴Athro yw hi ar athrawiaeth Dduw, ac hi sydd yn dewis ei weithredoedd ef.

⁵Os meddiant dymunol ym mywyd [dŷn] yw cyfoeth, beth gyfoethogath na doethineb, yr hon sydd yn gwneuthur pob peth:

⁶Ac os synnwyr a wna, pwy vn o’r pethau ydynt a wna yn well na hi:

⁷Os cyfiawnder a hoffa neb, rhinweddau da yw ei llafur hi: canys y mae hi yn dyscu sobreiddrwydd, a fynwyn, cyfiawnder, a gwroldeb: nâ pha rai nid oes dim mwy ei fudd i ddynion yn [eu] bywyd.

⁸Os chwēnyche neb gael siccrwydd gwybodaeth lawer hi a ŵyr y perhau gynt, ac a ddychymig y pethau a fyddant, y mae hi yn gwybod dichellion geiriau, ac yn medru dirnâd cwestiwnau caled, ac yn gwybod yr arwyddion, a’r rhyfeddodau, a’r hyn a ddamwain mewn tymmor, ac amser cyn eu dyfod.

⁹Am hynny yr arfaethais ddwyn hon i gyttal â mi, gan ŵybod y cynghore hi i mi bethau da, ac i’m diddane fi mewn gofal a thristwch.

¹⁰Trwyddi hi y câf fi barch yn y dyrfa, ac anrhydedd gan henuriaid, a minne yn ieuangc,

¹¹Y ceir fi yn gyflym mewn barn, ac y byddaf fi rhyfedd yng-olwg cedyrn:

¹²Yr arhoesant wrthif tra tawyf, ac y gwrandawant tra llefarwyf, ac y gosodant eu dwylo ar eu geneuau os fi a draethwn lawer:

¹³Trwyddi hi y caf fi dragywyddoldeb, ac y gadawaf goffadwriaeth tragywyddol i’r rhai a fyddant ar fy ôl i,

¹⁴Y llywodraethaf fi y bobl, ac y darostyngir cenhedloedd i mi.

¹⁵Teiranniaid aruthrol a’m hofnant i, ym mysc y gwerin i’m gwelir i yn dda, ac yn y rhyfel yn gryf, pan elwyf fi i’m tŷ, mi a gŷd orphywysaf gyd â hi.

¹⁶O blegit nid oes chwerwder wrth gyttal â hi, na blinder wrth gŷd fyw â hi, ond llawenydd a gorfoledd.

¹⁷Wrth feddwl hyn ynof fy hûn, ac wrth gofio yn fyng-halon mai yng-harennydd doethineb y mae tragywyddoldeb,

¹⁸A bod hyfrydwch daionus ym ei chyfeillach hi, a golud diball yn llafur ei dwylo hi, a bod synnwyr o ymarfer ag ymddidan â hi, a bod parch wrth fod yn gyfrannog oi hymadroddion hi, mi a geisiais o amgylch pa fodd y cawn hi attaf.

¹⁹Yr oeddwn i yn fachgen o athrylith dda, ac a gawswn ysprydoliaeth dda.

²⁰Ie yn hytrach wedi i mi ddyfod yn dda y deuthym i gorph dihalogedic.

²¹Ond pan wybum na chawn hi oni rodde Dduw hi, ac mi synnwyr oedd wybod rhodd pwy a oedd hi, mi a ddaethym at Dduw, ac a ymbiliais, ac a ddywedais o’m holl galon: