Read William Morgan Bible 1588 original edition Ecclesiasticus 1 Bible Online

Ecclesiasticus 1 - William Morgan Bible 1588 original edition bible

Ecclesiasticus 1

¹1 Gan roddi i ni lawer a mawrion bethau trwy y gyfraith a’r prophwydi, ac eraill ai dilynasant hwy, am ba rai y mae yn rhaid canmol Israel o herwydd addysc a doethineb: 2 A hynny fel nad yw yn rhaid yn vnic i’r darllennyddion fyned yn ddoethach, eithr hefyd i’r rhai sy yn chwennychu dyscu fod yn fuddiol i’r rhai oddi allan gan draethu, ac scrifennu: hefyd: 3 Fy nhaid i Iesus gan ei roddi ei hun yn fynychaf i ddarllen y gyfraith a’r prophwydi, ac eraill o lyfrau y tadau, ac wedi cael digonol hyfedrwydd ynddynt hwy, 4 A ddygwyd rhagddo i scrifennu peth o’r pethau cymmwys i addysc a doethineb: 5 Fel y galle y rhai ydynt awyddus i ddysc wedi bod yn gyfrannogion o hyn gynnuddu yn fwy trwy reol buchedd. 6 Am hynny cymmerwch gyngor yn ewyllyscar, ac yn ymarhous i ddarllen, ac i faddeu, os rhai wedi i mi gymmeryd poen yn cyfieuthu a welant na chawsom ni rym rhyw eiriau. 7 O blegit nid ydynt hwy o’r vn rym â hwynt eu hun pan draether hwynt (...)

²Pwy a rif dywod y môr: na’r dafnau glaw: na dyddiau y bŷd:

³Pwy a ôlrhain allan vchder y nefoedd: na llêd y ddaiar: na’r dyfnder: na doethineb:

⁴Crewyd doethineb yn gyntaf o’r cwbl, a deall synwyr erioed.

⁵Ffynnon doethineb yw gair yr Arglwydd [yr hwn sydd] yn y goruchelder: ai ffyrdd hi yw y gorchymynnion tragywyddol.

⁶I bwy y dadcuddiwyd gwreiddin doethineb, a phwy a ŵybu ei chyfrwysdra hi:

⁷Vn sydd ddoeth iw ofni yn fawr, [ac] yn eistedd ar ei orsedd-faingc.

⁸Yr Arglwydd ai creawdd hi, ac [ai] gwelodd, ac ai rhifodd.

⁹Ac ai tywalltodd hi ar ei holl waith, ynghyd â phob cnawd yn ôl ei ddawn ef, ac efe ai rhoddes hi i’r neb ai carant ef.

¹⁰Gogoniant ac hyfrydwch a llawenydd a choron gorfoledd yw ofn yr Arglwydd.

¹¹Ofn yr Arglwydd sydd ddifyrrwch i’r galon, ac a rydd lawenydd a hyfrydwch a hir hoedl.

¹²Diwedd da fydd i’r hwn a ofno yr Arglwydd, ac efe a fandithir yn ei ddydd diwedd.

¹³Dechreu doethineb yw ofni yr Arglwydd, ac efe a grewyd gyd a’r ffyddloniaid yn y groth.

¹⁴Hi a osododd sylfaenau tragywyddol gyd â dŷnion, ac ym mysc eu hiliogaeth hwynt fe a gredit iddi hi.

¹⁵Ofni yr Arglwydd yw cyfiawnder doethineb, ac sydd yn eu llenwi hwynt ai ffrwyth hi.

¹⁶Hi a lanwodd eu holl dai hwynt âi thlyssau, ai hyscuboriau hwynt âi chnwd hi.

¹⁷Dawn Duw i heddwch yw pob vn o’r ddall.

¹⁸Coron doethineb yn dwyn allan ffrwyth heddwch, ac iechydwriaeth iachol yw ofni yr Arglwydd: canys y mae gorfoledd yn ymhelaethu i’r rhai ai carant ef.

¹⁹Doethineb a lawiodd ddeall a gwybodaeth synŵyr, ac a dderchafodd ogoniant y rhai ai meddiannent hi.

²⁰Gwreiddin doethineb yw ofni yr Arglwydd, ai changhennau ydynt hir hoedl.

²¹Ofn yr Arglwydd sydd yn gyrru pechodau ymmaith, ac (os peru) sydd yn troi digofaint ymmaith.

²²Ni ddichon gŵr digllon gael ei gyfrif yn gyfiawn: oblegit bôd athrylith ei ddigllonedd ef yn dramgwyddus iddo ef.

²³Y dioddefgar a ddioddef tros amser, ac wedi hynny y blagura llawenydd iddo ef.

²⁴Efe a guddia ei eiriau tros amser, a gwefusau llawer a fynegant ei synnwyr ef.

²⁵Yn nhryssorau doethineb y mae parablau gwybodaeth: eithr ffiaidd yw duwioldeb gan bechadur.

²⁶Os chwennychi ddoethineb cadw y gorchymynnion, a’r Arglwydd ai rhydd hi i ti.

²⁷O blegit doethineb ac athrawiaeth yw ofn yr Arglwydd, a’r hyn sydd fodlon ganddo ef yw ffydd ac addfwyndra,

²⁸Nac amme ofn yr Arglwydd pan fyddech mewn angen, ac na ddos atto ef â chalon ddau ddyblyg.

²⁹Na ragrithia o flaen dynion, eithr gochel rhag dy wefusau.

³⁰Na dderchafa dydi dy hun rhag i ti syrthio a dwyn anniwarthrwydd i’th enaid dy hun.

³¹O blegit yr Arglwydd a ddadcuddia dy holl gyfrinach di, ac a’th fwrw di i lawr ynghanol y gynnulleidfa.

³²Canys ni ddaethost ti mewn gwirionedd ofn yr Arglwydd, eithr y mae dy galon yn llawn twyll.