Read William Morgan Bible 1588 original edition Ecclesiasticus 10 Bible Online

Ecclesiasticus 10 - William Morgan Bible 1588 original edition bible

Ecclesiasticus 10

¹Am amryw gynneddfau llywodraethwyr. 6 Biau dîg balchder a chybydd-dod. 23 Gwir barch dyn. Barnwr doeth a ddysc ei bobl, a thywysogaeth y synhwyrol a estynnir.

²Fel y byddo barnwr y bobl y bydd ei swyddogion ef, ac fel y byddo tywysog dinas y bydd y rhai oll a ydynt yn presswylio ynddi hi.

³Brenin diddysc a ddifetha ei bobl, a thrwy synnwyr [ei] chedyrn y bydd cyfannedd dinas.

⁴Yn llaw yr Arglwydd y mae meddiant y ddaiar, ac efe a gyfyd vn buddiol mewn pryd.

⁵Yn llaw yr Arglwydd y mae gwynfyd gŵr, ac i wyneb scrifennydd efe a esyd ei anrhydedd.

⁶Na ddigia wrth dy gymydog am bob cam, ac na wna ddim mewn gweithredoedd trahaus.

⁷Câs ger bron yr Arglwydd a dynion yw balchder, ac amryfusedd anghyfiawn [a fwrir] oddi wrth y ddau.

⁸Brenhiniaeth a symmudir o’r naill genhedlaeth i’r llall o achos anghyfiawnder, a thraha, a chyfoeth trwy dwyll: pa ham y mae pridd a lludw yn falch.

⁹Nid oes dim anwirach na’r cubydd.

¹⁰O blegit y mae y cyfryw yn rhoddi ei enaid ei hun ar werth: o herwydd ei ymyscaroedd ai bwrrasant [ef] allan yn ei fywyd.

¹¹Meddig a dyrr ymmaith hir glefyd, a’r hwn sydd frenin heddyw a fydd marw y foru.

¹²Canys pan fyddo marw dŷn, efe a gaiff seirph a bwyst-filod a phryfed yn etifeddiaeth.

¹³Dechreuad balchder yw myned o vn oddi wrth Dduw, ac ymado oi galon ef oddi wrth yr hwn ai gwnaeth ef.

¹⁴Dechreuad pechod yw balchder, a’r hwn sydd yn ei ddal ef a wna ffieidd-dra yn drahaus, ac efe a ddinistrir byth.

¹⁵Am hynny y dur yr Arglwydd gospedigaeth ryfedd, ac y dinistriodd hwynt byth.

¹⁶Yr Arglwydd a ddinistriodd orseddfeingciau tywysogion, ac a wnaeth i’r rhai llednais eistedd trostynt hwy ynddynt hwy.

¹⁷Yr Arglwydd a dynnodd ymmaith wraidd y rhai beilchion, ac a blannodd y rhai gostyngedig yn eu lle hwynt mewn gogoniant.

¹⁸Yr Arglwydd a ddinistriodd wledydd y cenhedloedd, ac ai difethodd hwynt hyd sylfeini y ddaiar.

¹⁹Tynnodd [rai] o honynt ymmaith, difethodd hwynt hefyd,

²⁰A gwnaeth iw coffadwriaeth hwynt ddarfod o’r tir.

²¹Ni chrewyd balchder i ddynion, na digter meddwl i blant gwragedd.

²²Hâd diogel yw y rhai sy yn ofni yr Arglwydd, a phlanhigyn gwerthfawr yw y rhai sy yn ei garu ef: hâd amharchus yw y rhai nid ystyriant y gyfraith, hâd cyfeiliornus yw y rhai a droseddant y gorchymynnion.

²³Parchedig ym mysc brodyr yw eu tywysog, felly y mae y rhai sy ’n ofni yr Arglwydd yn ei olwg yntef.

²⁴Tywysogaeth gynnar yw ofn yr Arglwydd: eithr dinistr tywysogaeth yw creulondeb a balchder.

²⁵Ofn yr Arglwydd sydd ogoniant, yn gystal i’r cyfoethog, i’r anrhydeddus, ac i’r tlawd.

²⁶Nid cyfiawn yw amherchi tlawd synhwyrol, ac nid gweddus anrhydeddu gŵr pechadurus.

²⁷Pendefigion, a barnwŷr, a chedyrn a anrhydeddir, ac nid mwy neb o’r rhai hynny na’r hwn sydd yn ofni yr Arglwydd.

²⁸Rhai rhyddion a wasanaethant wâs synhwyrol, a gŵr doeth ni wrwgnach pan ei cerydder ef.

²⁹Na chymmer arnat fod yn ddoeth wrth wneuthur dy waith, ac na chais anrhydedd tra fyddech mewn ing.

³⁰O blegit gwell yw yr hwn sydd yn gweithio ac mewn amldra o bob peth, na’r hwn sydd anrhydeddus ac arno eisieu bara.

³¹[Fy] mab anrhydedda dy enaid yn llednais: a dod iddo y peth sydd addas iddo.

³²Pwy a gyfiawnhâ yr hwn a becho yn erbyn ei enaid ei hun: a phwy a barcha yr hwn a amharcho ei fywyd ei hun:

³³Y mae tlawd mewn parch o herwydd ei wybodaeth, ac y mae cyfoethog mewn parch o herwydd ei gyfoeth.

³⁴Yr hwn sydd barchedic mewn tlodi, pa faint mwy pe bydde efe cyfoethog: