Read William Morgan Bible 1588 original edition Ecclesiasticus 11 Bible Online

Ecclesiasticus 11 - William Morgan Bible 1588 original edition bible

Ecclesiasticus 11

¹Am ostyngeiddrwydd ac iawn farn. 14 Bod Duw yn Awdur pob peth. 30 Nid yw pawb iw ddwyn i dy vn Doethineb y gostyngedig a dderchaiff ei ben ef, ac ai gesyd ef ym mysc pendefigion.

²Na chanmol ŵr wrth ei brŷd, ac na ffieiddia ef wrth yr olwg arno ef.

³Bechan ym mysc yr ehediaid yw ’r wenynen, a phen melysdra yw ei ffrwyth hi.

⁴Na orfoledda o herwydd gwisc o oddillad, ac na ymdderchaf yn amser anrhydedd: o blegit rhyfedd yw gweithredoedd yr Arglwydd, ai weithredoedd ef ydynt ddirgel i ddynion.

⁵Llawer teyrn a eisteddasant a’r lawr, ar hwn ni thybie dŷn a ddug y goron.

⁶Llawer cadarn a amharchwyd yn ddirfawr, a’r anrhydeddus a roddwyd i feddiant eraill.

⁷Nac achwyn cyn chwilio [y peth,] myn ŵybod yn gyntaf ac yna beia.

⁸Na farna cyn clywed, ac na fwrw air ym mysc ymadroddion [rhai eraill.]

⁹Nac ymryson am y peth nid yw [yn perthyn] iti, ac na chydeistedd ym marn pechaduriaid.

¹⁰[Fy] mab na fydded dy waith ar lawer o bethau: o herwydd os trin i lawer peth ni byddi difai, os dilyni ni oddiweddi, ac os ffoi ni ddiengi.

¹¹Y mae a lafuria ac a boena ac a fryssia, ac o hynny y mae yn fwy ei eisieu ef.

¹²Y mae [vn] anniben ac arno eisieu help, yn fychan ei nerth, ac yn fawr ei dlodi, a golwg yr Arglwydd a edrychodd arno ef er daioni, ac ai derchafodd ef oi waeldra.

¹³Ac efe a dderchafodd ei ben ef o drueni, a llawer pan welsant a fu ryfedd ganddynt oi blegit ef.

¹⁴Da a drwg, ennioes ac angen, tlodi a chyfoeth oddi wrth yr Arglwydd y maent hwy.

¹⁵Oddi wrth yr Arglwydd y mae doethineb a chyfarwyddyd a gwybodaeth cyfraith: oddi wrtho ef y mae cariad a ffyrdd gwerthredoedd da

¹⁶Cyfeiliorni a thywyllwch a gŷd grewyd â phechaduriaid, a drygioni a heneiddia yn y rhai sy yn gorfoleddu mewn drygioni.

¹⁷Rhodd yr Arglwydd a beru i’r rhai duwiol, ai ewyllys da ef a ffynna byth.

¹⁸Y mae [dŷn] yn cyfoethogi trwy ei gallineb ai gynhilwch, ac dyna ei rann ef oi gyflog am iddo ddywedyd,

¹⁹Mi a gefais esmwythdra, ac yn awr mi a fwytâf o’m da bôb amser: ac ni’s gŵyr efe pa amser a aiff heibio iddo ef, ac y gedu efe hwynt i arall, ac y bydd efe marw.

²⁰Saf di yn dy gyfammod, ac ymddiddan yn hwnnw, a heneiddia yn dy waith.

²¹Na fydded rhyfedd gennit am waith pechadur, creda i’r Arglwydd, ac aros yn dy boen.

²²O blegit hawdd yw yng-olwg yr Arglwydd yn ddisymmwth ddiattreg gyfoethogi y tlawd.

²³Bendith yr Arglwydd sydd yn gyflog i’r duwiol, ac mewn awr fuan y gwna efe iw fendith ef darddu.

²⁴Na ddywer, pa rhaid i mi ryngu bodd: a pha ddaioni sydd i mi bellach:

²⁵Na ddywet y mae gennif fi ddigon, ac y mae gennif lawer, a pha niwed a gâf fi yn [fy] mywyd bellach?

²⁶Yn amser daioni yr ydys yn gollwng drygioni dros gof, ac yn amser drygioni nid ydys yn coffau daioni.

²⁷Am fod yn hawdd o flaen yr Arglwydd dalu i ddŷn, yn ei ddydd diwedd yn ôl ei weithredoedd.

²⁸Cystudd awr a wna anghofio daintethion, a dadcuddiad ei weithredoedd a bair ddiwedd dŷn.

²⁹Na chyfryf neb yn ddedwydd cyn marw, ac wrth ei blant yr adweinir gŵr.

³⁰Na ddŵg bôb dŷn i’th dŷ, o herwydd aml yw cynllwyn diafol.

³¹Fel pettris wedi ei dal mewn ogof, felly y mae calon y balch: ac fel gwiliedudd yn dringo i le y caffo efe gwymp.

³²O blegit y mae efe yn cynllwyn gan droi y da yn ddrwg, ac efe a esyd fai yn erbyn y rhai etholedig.

³³O wreichionē fechan y daw llawer o farwor, a dŷn pechadurus a gynllwyn am waed.

³⁴Gochel ddryg-ddŷn (o blegit drygioni y mae efe yn ei lunio) rhag iddo roddi arnat ti anaf byth.

³⁵Derbyn ddieithr-ddŷn i dŷ, ac efe a’th dralloda di â blinder, ac a’th yrr di o’r eiddot dy hun,