Read William Morgan Bible 1588 original edition Ecclesiasticus 14 Bible Online

Ecclesiasticus 14 - William Morgan Bible 1588 original edition bible

Ecclesiasticus 14

¹Am dafod, cydwybod, cenfigen ac oferedd dyn. 21. Clôd doethineb. Gwyn ei fyd y gŵr ni lithrodd ai enau, ac ni phigwyd â llawer o bechodau.

²Gwyn ei fyd yr hwn ni chondemno ei enaid ei hun ef, a’r hwn ni syrthio oddi wrth ei obaith yr hon fydd yn yr Arglwydd.

³Nid da yw cyfoeth i ŵr cybydd, a pha beth a wnae gŵr cenfigennus â golud.

⁴Yr hwn sydd yn casclu [gan arbed] oddi wrtho ei hun, sydd yn casclu i arall: ac eraill a lothinebant ei dda ef.

⁵Yr hwn sydd ddrwg iddo ei hun, i bwy y mae efe yn dda: ac ni chaiff efe lawenydd oi olud.

⁶Nid oes neb waeth na’r hwn sydd yn cenfigenu witho ei hun, ac dymma wobr ei ddrygioni ef.

⁷Os gwna efe ddaioni nid oi fodd y gwna efe, ac o’r diwedd efe a wna ei ddrygioni yn amlwg.

⁸Drwg yw golwg y cenfigennus: efe a drŷ ei wyneb ac a ddirmyga ddynion.

⁹Ni lenwir dim o lygad y cybydd, ac anghyfiawnder y drygionus a wywa ei enaid ef.

¹⁰Llygad drwg fydd cenfigennus am fara, ac ag eisieu arno ar ei fwrdd.

¹¹[Fy] mab pa fodd bynnac y byddo i ti bydd dda wrthit ty hun, ac offrwm offrymmau i’r Arglwydd yn addas.

¹²Cofia nad oeda angeu, ac ni ddangoswyd i ti gyfammod vffern.

¹³Cyn dy farw bydd dda wrth [dy] gyfaill, ac yn ôl dy allu estyn, a dod iddo ef.

¹⁴Na thwylla dydi dy hun am y dydd da, ac nac aed rhan dymuniad da heibio i ti.

¹⁵Onid i arall y gadewi di dy lafur, a’r hyn y cymmeraist boen am dano iw rannu wrth goel-bren:

¹⁶Dod a derbyn a sancteiddia dy enaid,

¹⁷O herwydd nid rhaid ceisio bwyd yn vffern.

¹⁸Pob cnawd a heneiddia fel dilledyn, y cyfammod tragywyddol [yw] y byddi di farw yn ddiau fel deilen yn torri mewn pren brigog.

¹⁹Efe a furw rai, ac a dardd allan rai eraill: felly y mae cenhedlaeth cîg a gwaed, y naill sydd yn marw, a’r llall a enir.

²⁰Pôb gwaith pwdr a dderfydd, a’r hwn sydd yn ei weithio ef a aiff gyd ag ef.

²¹Gwyn ei fyd y gŵr mewn doethineb a fefyrio bethau da, a’r hwn yn synhwyrol a ymrysymma am bethau sanctaidd.

²²Yr hwn a feddwl am ei ffordd hi yn ei galon, a fydd dehallgar yn ei dirgeledigaethau hi: dos ar ei hôl hi fel ôlrhen-wr, a chynllwyn yn ei ffyrdd hi.

²³Yr hwn a edrycho trwy ei ffenestri hi, a thrwy ei dorau hi a gaiff glywed.

²⁴Yr hwn a letteuo yn agos iw thŷ hi, ac a yrro ei hoel iw pharwydydd hi a esyd ei babell ger llaw iddi hi,

²⁵Ac a lletteua yn llettŷ y rhai daionus, ac a esyd ei feibion tann ei chyscod hi, ac a erys tann ei brig hi.

²⁶Hi ai cyscoda ef rhag y gwrês, ac efe a letteua yn ei gogoniant hi.