Read William Morgan Bible 1588 original edition Ecclesiasticus 15 Bible Online

Ecclesiasticus 15 - William Morgan Bible 1588 original edition bible

Ecclesiasticus 15

¹Cynneddfau doethineb. 11 Atteb yn erbyn gan escusodion pechaduriaid. Yr hwn sydd yn ofni yr Arglwydd a wna hynny, a’r hwn sydd yn dal gŵybodaeth y gyfraith ai caiff hi.

²Fel mam y cyferfydd hi ag ef, ac fel gwraig forwynaidd y derbyn hi ef.

³Hi ai portha ef â bara deall, a ai dioda ef â dwfr doethineb.

⁴Os siccrheir ef wrthi hi, ni ogwydda efe: os yngymnal efe wrthi hi ni wradwyddir ef.

⁵Hi ai cyfyd goruwch ei gymydogion, ac a egyr ei safn ef yng-hanol y gynnulleidfa.

⁶Llawenydd a choron gorfoledd a gaiff efe: ac hi a rydd iddo enw tragywyddol yn etifeddiaeth.

⁷Eithr dynnion ansynhwyrol ni chânt afel arni hi.

⁸Gwŷr pechadurus hefyd ni chânt ei gweled hi: pell yw hi oddi wrth falchder, a gwŷr celwyddog ni chofiant hi.

⁹Nid gweddus clôd yng-enau pechadur,

¹⁰O blegit nid yr Arglwydd ai hanfonodd hi iddo ef: canys trwy ddoethineb y treuthur clôd, a’r Arglwydd ai llwydda ef.

¹¹Na ddywet o herwydd yr Arglwydd yr ydwyf fi ymmaith: o blegit ni ddylit ti wneuthur yr hyn sydd ddrwg ganddo ef.

¹²Na ddywet, efe a’m lluniodd i, o blegit nid rhaid iddo ef wrth ŵr pechadurus.

¹³Câs gan yr Arglwydd bôb ffieidd-dra, ac nid da yw hynny gan y rhai ai hofnant ef.

¹⁴Efe a wnaeth ddŷn o’r dechreuad, ac ai gadawodd ef yn llaw ei gyngor ei hun [gan ddywedyd]

¹⁵Os mynni, ti a elli gadw y gorchymynnion, a gwneuthur ffyddlondeb gymmeradwy.

¹⁶Efe a osododd o’th flaen di dân a dwfr estyn dy law at yr hwn a fynnech di.

¹⁷[Y mae]o flaen dynion enioes ac angeu.

¹⁸A’r hyn a fynno efe a roddir iddo ef.

¹⁹O blegit mawr yw doethineb yr Arglwydd, ac y mae yntef yn gryf o allu, ac yn gwcled pôb peth.

²⁰Hefyd y mae ei olwg ef ar y rhai sy yn ei ofni ef, ac efe a fyn adnabod holl waith dŷn.

²¹Ni orchymynnodd efe i neb wneuthur yn annuwiol, ac ni roddes efe gennad i neb i bechu.