Read William Morgan Bible 1588 original edition Ecclesiasticus 16 Bible Online

Ecclesiasticus 16 - William Morgan Bible 1588 original edition bible

Ecclesiasticus 16

¹Am blant drygionus, 6 Dialedd Duw yn erbyn yr annuwiol. 25 Doethineb Duw yn ei weithredoedd. Na ddymuna lawer o blant diriaid, ac na fydd lawen o blant annuwiol: os amlhânt na fydd lawen o honynt hwy, oni bydd ofn yr Arglwydd arnynt.

²Nac ymddyriet iw henioes hwynt, ac na hydêra ar eu lluosogrwydd hwynt.

³Canys gwell yw vn cyfiawn nâ mîl.

⁴A gwell yw marw heb plant na chael plant annuwiol.

⁵Vn synhwyrol a wna ddinas yn gyfannedd, ac yn ebrwydd y gwneir tylwyth yr annuwiol yn anghyfannedd.

⁶Llawer o’r fath hyn a welodd fy llygad i: a’m clust a glywodd bethau cadarnach nâ hyn.

⁷Yng-hynnulleidfa pechaduriaid y cynneu tân, ac yng-henhedlaeth anghredadwy y llysc digofaint.

⁸Ni bu efe fodlan ir hên gewri oll, y rhai a ymmadawsant yng-hryfder eu ffolineb.

⁹Nid arbedodd efe gymmydogion Lot, y rhai a ffieiddiodd efe am eu balchder.

¹⁰Ni thrugarhâodd efe wrth genedl ddestruw, y rhai a aethant allan yn eu pechodau y rhai a wnaethent hwy.

¹¹Ac felly y cadwodd yr Arglwyd trwy drugaredd ac addysc chwe chant mil o wŷr traed y rhai a gasclesid yng-haledwch eu calon, gan guro a thosturio gan daro ac iachau, ac os bydde vn gwar-syth ym mysc y, bobl rhyfedd oedd hyn os bydde efe difai.

¹²Gyd ag ef y mae trugaredd, a digofaint.

¹³Yn fuan y bydd efe yn gadarn cymmodlon, neu yn tywallt digofaint: yn ôl amldra ei drugaredd y bydd ei argyoeddiad ef: yn ôl ei weithredoedd y barna efe ŵr.

¹⁴Ni ddiangc pechadur ai anrhaith, ac ni phalla amynedd y duwiol.

¹⁵Dod le i bob elusen: o blegit pob vn a gaiff yn ôl ei weithredoedd: yr Arglwydd a galedodd Pharao fel nad adwaene efe ef, fel y bydde ei rym ef yn hyspus i’r creadur tān y nefoedd, ei drugaredd ef sydd amlwg i bob creadur: ag adamant y gwahanodd efe ei oleuni a’r tywyllwch.

¹⁶Na ddywet, yr Arglwydd a’m cuddia fi, a phwy o’r vchelder a’m cofia fi:

¹⁷Ym mysc pobl lawer ni’m cofir fi: canys beth yw fy enaid: wrth y creadur anfeidrol?

¹⁸Wele y nef, îe nef y nefoedd, y dyfnder a’r ddaiar a’r hyn sydd ynddynt hwy a siglant, pan ofwyo efe: yr holl fyd a wnaed ac yr ydys yn ei wneuthur sydd wrth ei ewyllys ef.

¹⁹Y mynyddoedd a seiliau y ddaiar, pan edryche yr Arglwydd arnynt hwy, a gyd-escydwent gan ddychryn.

²⁰Hefyd ni feddwl calon am danynt hwy yn addas.

²¹A phwy a ddeall ei ffyrdd ef? y mae temhestl yr hon ni wêl dŷn, ac y mae mwy oi waith ef yn ddirgel.

²²Pwy a draetha neu a ddioddef weithredoedd ei gyfiawnder ef: o herwydd pell yw ’r cyfammod a holiad pob peth wrth farw.

²³Y difalch a feddwl hyn, a’r gwr angall cyfeiliornus sydd yn meddwl pethau ffôl.

²⁴Gwrando arnafi fy mab, a dysc ŵybodaeth: ac wrth fyng-eiriau mau fi gwilia ar dy galon.

²⁵Mi a ddangosaf addysc tann bwys, ac a draethaf yn ofalus am ei gŵybodaeth hi.

²⁶Wrth farn yr Arglwydd y mae ei weithredoedd ef o’r dechreuad, ac efe a ddosparthodd eu rhannau hwynt er pan wnaed hwynt.

²⁷Efe a addurnodd ei weithredoedd byth: y mae ei dywysogaeth yn ei law ef byth bythol: ni newynasant, ac ni flinasant yn ei waith, ac ni pheidiasant ai waith ef.

²⁸Ni flinodd yr vn ei gymydog.

²⁹Ac nid anghredant ei air ef byth.

³⁰Wedi hyn yr edrychodd yr Arglwydd ar y ddaiar, ac efe ai llanwodd hi âi ddaioni.

³¹Y mae efe yn cuddio ei hwyneb hi â chelanedd pob peth byw, ac iddi hi y maent hwy yn dychwelyd.