Read William Morgan Bible 1588 original edition Ecclesiasticus 2 Bible Online

Ecclesiasticus 2 - William Morgan Bible 1588 original edition bible

Ecclesiasticus 2

¹Ymma y cynghorir y ffyddloniald i ddilyn amynedd a gobaith. Fy mâb os deui i wasanaethu yr Arglwydd, paratoa dy enaid i brofedigaeth.

²Iniona dy galon a dioddef: ac na wna frys yn yr amser y dygir [profedigaeth.]

³Glŷn wrtho heb ymmado, fel i’th gynnydder hyd dy ddiwedd.

⁴Derbyn yn llawen yr hyn a ddigwyddo, a bydd ymarhous am gyfnewid dy ostyngiad.

⁵O blegit aur a brofir yn tân: a dynion cymmeradwy yn ffwrn gostyngiad.

⁶Creda iddo ef, ac efe a’th dderbyn di: iniona dy lwybrau, a gobeitha ynddo ef.

⁷Y rhai ydych yn ofni yr Arglwydd credwch iddo ef, ac ni phalla eich gwobr chwi.

⁸Y rhai ydych yn ofni yr Arglwydd gobeithwch am ddaioni, ac am lawenydd tragywyddoldeb a thugaredd.

⁹Y rhai ydych yn ofni yr Arglwydd ymarhoswch am ei drugaredd ef, ac na chiliwch rhag eich syrthio.

¹⁰Edrychwch ar y cenhedloedd gynt a gwelwch: pwy a ymddyriedodd i’r Arglwydd ac a wradwyddwyd:

¹¹Neu pwy a arhosodd yn ei ofn ef ac a adawyd: neu pwy a alwodd arno ef ac yntef yn ei ddiystyru ef:

¹²O blegit tosturiol, a thrugarog, ymarhous, ac aml ô drugaredd yw ’r Arglwydd: ac y mae efe yn maddeu pechodau, ac yn achub yn amser trallod.

¹³Gwae galonnau ofnus, a dwylo llesc, a’r pechadur a gerddo ddau lwybr.

¹⁴Gwae yr galon lesc: o herwydd nid yw yn credu: am hynny ni amddeffynnir hi.

¹⁵Gwae chwi y rhai a gollasoch amynedd.

¹⁶A pha beth a wnewch chwi pan edrycho yr Arglwydd:

¹⁷Y rhai a ofnant yr Arglwydd ni anghredant ei esriau ef: a’r rhai ai carant ef a gadwant ei ffyrdd ef.

¹⁸Y rhai a garant yr Arglwydd a geisiant ewyllys da ganddo ef.

¹⁹A’r rhai ai carant ef a lenwir a’r gyfraith.

²⁰Y rhai a garant yr Arglwydd a baratoant eu calon, ac a ostyngant eu heneidiau ger ef fron ef

²¹[Gan ddywedyd,] syrthiwn yn nwylo Duw, ac nid yn nwylo dynion.

²²O herwydd fel y mae ei fawredd ef: felly y mae ei drugaredd ef.