Read William Morgan Bible 1588 original edition Ecclesiasticus 22 Bible Online

Ecclesiasticus 22 - William Morgan Bible 1588 original edition bible

Ecclesiasticus 22

¹Am y diog. 12 A’r ffôl. 18 Am gydwybod siccr. 24 A chyfeillach dda. Y Diog sydd gyffelyb i garrec fydr, a phawb a chwibana er ammarch iddo ef.

²I fiswail tommennau y cyffelybir y diog, pob vn ai cymmero i fynu a escwyd ei law.

³Gwradwydd y tâd sydd yng-anedigaeth [mab] ni chymmer addysc: a merch [ffôl] sydd mewn ammarch.

⁴Merch gall fydd etifedd ei gŵr, a’r wradwyddus yn dristwch iw thâd.

⁵Yr hyf a wradwydda dâd a gŵr, ac a amherchir gan y ddau.

⁶[Megis] cerdd mewn tristwch yw ymadrodd allan o amser: ac mewn pryd [y bydd] ffrewyllau, ac addysc doethineb.

⁷Plant yn cael [eu] cynhaliaeth mewn buchedd dda ydynt yn cuddio difonedd eu rhieni, a phlant yn ymffrostio mewn dirwyg ac anoethineb ydynt yn halogi bonedd eu carennydd.

⁸[Megis] assio llestr pridd y mae yr hwn sydd yn dyscu y ffol, a chodi y mae efe y chai a ydynt yn cyscu o ddyfnder cwsc:

⁹Mynegu i vn yn cyscu y mae yr hwn sydd yn mynegu [peth] ivn ffôl: a phan ddarffo, efe a addywed: beth yw [hyn:]

¹⁰Wyla am y marw canys y mae diffig goleuni, ac wyla am y ffôl, canys y mae diffig synnŵyr.

¹¹Wyla yn felusach am y marw am iddo ef orphywys: canys [gwaeth] na marwolaeth yw bywyd y ffôl.

¹²Saith niwrnod [fydd] o alar am y marw, ac am y ffôl holl ddyddiau ei enioes ef.

¹³Na amlha eiriau gyd a’r angall, ac na thyret at yr annoeth, o herwydd efe o eisieu deall a ddiystyra bob dim.

¹⁴Ymgadw oddi wrtho ef rhag cael blinder, ac na’th haloger di gan ei frynti ef.

¹⁵Cilia oddi wrtho ef, a thi a gei orphywysdra, ac na ddifrawa yn ei ynfydrwydd ef.

¹⁶Beth sydd drymmach na phlwm: a pha enw sydd iddo ef ond plwm:

¹⁷Haws yw dwyn tywod, a halen, a darn o haiarn na dŷn ansynhwyrol.

¹⁸Cysswlt coed wedi ei rwymo yn adailadaeth ni ddettyd er ei escwyt: felly calon wedi ei siccrhau trwy feddylfryd cyngor nid arswyda bob amser gan ofn.

¹⁹Calon wedi ei chadarnhau â ddeall synhwyrol sydd fel gwchter o dywod ar bared llyfn.

²⁰Ni pheru cloddiau wedi eu gosod yn vchel yn erbyn y gwynt.

²¹Felly calon ofnus gyd â meddwl vn ffôl ni pheru yn erbyn pob ofn.

²²Yr hwn a bigo lygad a ddwg ddagrau allan, a’r hwn a bigo galon a ddwg allan ddioddefaint.

²³Yr hwn a deifl garreg at adar ai tarfa hwynt, a’r hwn sydd yn gwradwyddo ei gyfaill sydd yn dattod cefeillach.

²⁴Pe tynnit gleddyf ar [dy] gyfaill na anobeitha: o herwydd y mae cymmod.

²⁵Pe agorit dy safn yn erbyn [dy] gyfaill, nag ofna: oblegit y mae iawn: ond am wradwydd, a balchder, a dadcuddiad cyfrinach, a dyrnod trwy dwyll: am y pethau hyn y ffŷ pob cyfaill ymmaith.

²⁶Cadw ffyddlondeb a’th gymydog yn [ei] dlodi, fel y gallech lawenychu yn ei wynfyd ef.

²⁷Aros wrtho ef yn amser cystudd, fel y byddech gyd etifedd yn ei etifeddiaeth ef: nid yw tlodi bob amser iw diystyru, na’r cyfoethog angall iw fawr berchi.

²⁸O flaen tân y mae tarth ffumer a mwg: felly y mae difenwi o flaen celanedd.

²⁹Nid cywilydd fydd gēnif amddeffin fynghyfaill, ac nid ymguddiaf rhagddo ef.

³⁰Os digwydd i mi ddrwg oiblegit ef, pob vn a glywo a ochel rhagddo ef.

³¹Pwy a rydd i mi gadwriaeth ar fyng-enau, a sêl gyfrwys ar fyng-wefusau: fel na syrthiwn yn ddisymmwth oddi wrthi hi, ac na’m difethe fy nhafod fi.