Read William Morgan Bible 1588 original edition Ecclesiasticus 23 Bible Online

Ecclesiasticus 23 - William Morgan Bible 1588 original edition bible

Ecclesiasticus 23

¹Gweddi yr awdr. 6 Ai gyngor yn erbyn tyngu a difenwi. 19 Tri mawr fai: meddwl brwd, gwr godinebus, a gwraig butteinic. Oh Arglwydd (tâd ac Arglwydd yr enioes oll) na âd fi yn eu cyngor hwynt, ac na âd i mi syrthio oi plegit hwynt.

²Pwy a esyd ffrewyllau yn fy meddwl, ac addysc doethineb yn fyng-halon i: fel i’m arbedechô Arglwydd am fy amryfusedd: eithr na âd ti draha y rhai ydynt yn pechu o’r gwir-gwaith ddioddef.

³Fel na chynnyddo fy anwybodaeth i, ac na amlhao fy mhechodau i yn ddinistr: ac na syrthiwyf fi o flaen fyng-wrthwynebwŷr na llawenychu o’m gelynion y rhai y mae eu gobaith yn bell oddi wrth dy drugaredd di.

⁴Oh Arglwydd dâd a Duw fy mywyd i na ddod i mi olwg vchel: eithr tyn oddi wrth dy weision feddwl cawraidd.

⁵Tro oddi wrthif fi ofer obaith a chwant a dal bob amser yr hwn a fynne dy wasanaethu di, na oddiwedded awydd i’r bol fi, nac anlladrwydd: ac na ddod fi dy wâs i fod o feddwl digywilydd.

⁶Gwrandewch blant addysc genau cywir: a’r hwn ai cadwo ni ddelir ef yn ei ymadroddion.

⁷Pechadur a ddelir yn ei anghallineb, trwyddynt hwy y tramgwydda y difenwr a’r balch.

⁸Na arfer dy enau i dyngu, ac na ymgynnefina a henwi yr hwn sydd sanctaidd.

⁹Oblegit megis ni bydd ychydig glesiau ar y gwâs a holer yn oestadol: felly yr hwn a dyngo ac a henwo [Dduw] bob amser ni bydd lân oddi wrth bechod.

¹⁰Y gŵr a dyngo lawer a lenwir o anwiredd, ac nid ymedu dialedd ai dŷ ef.

¹¹Os pecha efe, ei bechod fydd yn ei erbyn ef: ac os diystyr yw ganddo ef, y mae efe yn pechu y dau cymmaint.

¹²Os yn ofer hefyd y tyngodd efe, ni chyfiawnheir ef: o blegit fe a lenwir ei dŷ ef o ddialedd.

¹³Y mae ymadrodd wedi ei wisco â marwolaeth: na chaffer [hwnnw] yn etifeddiaeth Iacob.

¹⁴O herwydd hyn oll a dynnir ymmaith oddi wrth y rhai duwiol, ac ni threiglir hwynt mewn pechodau.

¹⁵Nac arfer dy enau i anghymmesurwydd o dyngu: o blegit y mae yn hynny ymadrodd pechadurus.

¹⁶Meddwl am dy dâd a’th fam, o blegit ti a eisteddi ym mysc pendefigion.

¹⁷Rhag dy anghofio di o honynt hwy, a dihoeni o honot o’th waith dy hun, ac ewyllysio o honot na’th anesid, a melldithio o honot ddydd dy anedigaeth.

¹⁸Y dŷn a ymarfero â geiriau gwradwyddus, ni chymmer addysc tra fyddo byw.

¹⁹Dau fath sydd yn pechu llawer, a’r trydydd syd yn dwyn digofaint.

²⁰Meddwl brwd fel y tân poeth yr hwn ni ddiffodd nes ei ddarfod.

²¹A dŷn godinebus yn ei gorph cnawdol, yr hwn ni phaid hyd oni chynneuo efe dân.

²²Y mae pob bara yn felus gan ddŷn godinebus, ni phaid efe hyd oni ddarfyddo.

²³Dŷn yn trosseddu oddi wrth ei wely ei hun a ddywed yn ei feddwl, pwy sydd yn fyngweled:

²⁴Y mae tywyllwch o’m hamgylch i, ac y mae y parwydydd yn fyng-huddio i, ac nid oes neb yn fyng-weled i, beth sydd arnafi ei ofn: ni chofia y Goruchaf fy mhechodau i: felly llygaid dynion y mae efe yn eu hofni.

²⁵Ac ni ŵyr efe fod llygaid yr Arglwydd goruchaf yn fil eglurach.

²⁶Y rhai ydynt yn canfod holl ffyrdd dynion, ac yn meddwl am y rhannau cuddiedig.

²⁷Cyn creu dim pob peth oedd hyspus iddo ef, ac wedi eu gorphen y mae efe yn canfod y cwbl.

²⁸Yn heolydd y ddinas y dielir ar hwn, ac ef a ddelir lle ni’s amheuodd efe.

²⁹Felly y wraig yr hon sydd yn gadel ei gŵr, ac yn ceisio etifeddiaeth o arall.

³⁰O blegit yn gyntaf hi a anghredodd i gyfraith y Goruchaf, ac yn ail hi a bechodd yn erbyn ei gŵr, ac yn drydydd hi a dorrodd briodas trwy odineb, ac a geisiodd blant o ŵr arall.

³¹Honno a ddygir allan yn y gynnulleidfa, ac fe a fydd edrych ar ei phlant hi.

³²Ni wreiddia ei phlant hi, ac ni ddwg ei changhennau hi ffrwyth.

³³Ei choffadwriaeth hi a dderfydd yn felldith, ac ni ddeleuir ei hanniwarthrwydd hi.

³⁴A’r rhai a adewir a gânt wybod na’d oes dim well nag ofn yr Arglwydd: na dim felusach nâr hwn sydd yn gwllied ar orchymynnion Duw.

³⁵Gogoniant mawr yw dilyn Duw: a hîr hoedl yw derbyn o honnaw ef dy di.