Read William Morgan Bible 1588 original edition Ecclesiasticus 24 Bible Online

Ecclesiasticus 24 - William Morgan Bible 1588 original edition bible

Ecclesiasticus 24

¹Clod doethineb. Doethineb a gemnyl ei henaid, ac a orfoledda ym mysc ei phobl.

²Hi a egur ei safn yng-hynnulleidfa y Goruchaf, ac a orfoledda ger bron ei allu ef [gan ddywedyd,]

³Mi a ddeuthym o enau y Goruchaf, ac a orchuddiais y ddaiar fel niwl.

⁴Mi a bresswylais yn y goruchelder, a’m gorseddfaincg i sydd mewn colofn o gwmwl.

⁵Myfi a amgylchais gylch y nesoedd fy hunan, ac a rodiais yng-waelod y dyfnder.

⁶Cefais feddiant o donnau y môr, ac o’r holl dîr, ac o bob pobl a chenhedlaeth.

⁷A chyd a’r rhai hyn oll y ceisiais i orphywysdra, fel y cyfannedwn yn etifeddiaeth rhyw vn.

⁸Yna i’m gorchymynnodd creawdudd pob peth, a’r hwn a’m creawdd inne a wnaeth i’m pabell i orphywyso, ac a ddywedodd:

⁹Presswylia yn Iacob, a chymmer etifeddiaeth yn Ierusalem.

¹⁰Efe a’m creawdd i o’r dechreuad cyn y byd, ac ni phallaf fi byth, mi a wasanaethais ger ei fron ef yn y babell sanctaidd.

¹¹Ac felly im siccrhawyd i yn Sion, gwnaeth efe hefyd i mi orphywyso yn y ddinas sanctaidd, ac yn Ierusalem y mae fyng-allu i.

¹²Ac mi a wreiddiais ym mysc pobl anrhydeddus yn rhan yr Arglwydd ai etifeddiaeth.

¹³Fel cedryn Libanus y derchafwyd fi, ac fel cupreswydden ym mynyddoedd Hermon.

¹⁴Fel palmwydden Engadi y derchafwyd fi, ac fel planhigion rôs yn Iericho.

¹⁵Fel oliwydden hardd mewn maes têg, fel planwydden wrth ddyfroedd i’m derchafwyd.

¹⁶Fel Cinamwn, ac fel swpp o bêr-aroglau, ac megis myr dewisol y rhoddais fy mher arogl.

¹⁷Fel galbanum, ac Onyx, ac siorax, ac fel tarth thus mewn papell.

¹⁸Mi a estynnais fyng-hanghennau fel Tarebinchus, a’m canghennau ydynt ogoneddus a grawslawn.

¹⁹Fel gwinwydden y tarddodd pêr arogl o honofi, a ffcwyth gogoniant a chyfoeth yw fy mlodau mau fi.

²⁰Mam cariad da, ac ofn, a gwybodaeth, a gobaith sanctaidd ydwyfi:

²¹Yr ydwyfi yn rhoddi [y rhai hyn] yn dragywyddol i’m meibion y rhai a ddywedo efe.

²²Deuwch attafi y rhai a ydych yn fy chwenychu i, a llanwer chwi âm ffrwythau i.

²³Canys melusach yw fyng-hoffadwriaeth na’r mêl, a’m etifeddiaeth na’r dil mêl.

²⁴Bydd ar y rhai am bwytânt i newyn etto, ac ar y rhai am hyfant i y bydd sychedd etto.

²⁵Ni wradwyddir byth yr hwn a vfyddhao i mi, ac ni phecha y rhai a weithiant trwofi.

²⁶Llyfr cyfammod y goruchaf Dduw yw hyn oll.

²⁷[Sef] y gyfraith yr hon a orchymynnodd Moses i ni yn etifeddiaeth yng-hynnulleidfa Iacob, na phellwch fod yn gryfion yn yr Arglwydd, fel y cadarnhao efe chwi, glynwch wrtho ef: yr holl alluog Arglwydd sydd Dduw yn vnic, ac nid oes iachawdur ond efe.

²⁸Yr hwn ai ddoethineb sydd yn llenwi pob peth fel Pison, ac fel Tigrys yn nyddiau y [ffrwythau] newydd.

²⁹Yr hwn sydd yn llenwi deall fel Euphrates, ac fel yr Iorddonen yn amser cynhaiaf.

³⁰Yr hwn sydd yn dangos addysc gwybodaeth fel goleuni, ac fel Gêon yn nyddiau cynhaiaf gwîn.

³¹Ni orphennodd y cyntaf ei hadnabod hi: felly nid ôlrheiniodd y diweddaf hi allan.

³²O blegit y mae ei meddylfryd hi yn helaethach na’r môr, ai chyngor na’r dyfnder mawr.

³³Yr ydwyf fi doethineb, fel ffôs yn dyfod o afon:

³⁴Ac fel aber yr euthym i baradwys.

³⁵Mi a ddywedais y dwfrhawn fyng-ardd o’r oref, ac y mwydwn fyng-hyfiawn ireidddra.

³⁶Ac wele fe a aeth fy ffôs yn afon, a’m hafon i yn fôr.

³⁷Am fy mod i yn egluro addysc fel y cyfddydd, ac yn ei dangos hi ym mhell.

³⁸O herwydd yr ydwyf fi yn tywallt athrawiaeth fel prophwydoliaeth, ac mi ai gadawaf hi i oesoedd tragywyddol.

³⁹Gwelwch nad trosof fy hunan y cymmerais i boen, eithr tros bawb ai ceisiant hi.