Read William Morgan Bible 1588 original edition Ecclesiasticus 25 Bible Online

Ecclesiasticus 25 - William Morgan Bible 1588 original edition bible

Ecclesiasticus 25

¹Y tri pheth hoff a’r tri pheth câs, 9 y naw dedwydd, 9 a’r wraig sceler. Gan dri pheth yr euthym i yn dêg, ac y codais i yn dêg ger bron yr Arglwydd a dynion.

²Cydundeb brodyr, a chyfeillach cymmydog, a gŵr a gwraig yn cŷd-ddwyn ai gilydd.

³A thri math [ar ddŷn] sydd gâs gan fy enaid i, ac yr ydwyf yn anfodlon iawn iw buchedd.

⁴Tlawd balch, a chyfoethog celwyddog, a hen-wr godinebus angall.

⁵Oni chesclaist ti yn dy ieuengtid, pa fodd y cei di yn dy henaint?

⁶Mor dêg yw barn ar rai penllwyd: a medru cyngor ar henaf-gwŷr:

⁷Mor dêg yw doethineb henafgwŷr, a meddylfryd a chyngor mewn rhai anrhydeddus:

⁸Coron henaf-gwŷr yw gwybod llawer, ai gorfoledd yw ofn yr Arglwydd.

⁹Naw meddwl a gyfrifais i yn ddedwydd yn fyng-halon, a’r decfed a draethaf fi a’m tafod.

¹⁰Dŷn yn byw yn llawen oi blant, ac yn gweled cwymp ei elynnion.

¹¹Gwyn ei fyd yr hwn sydd yn cyttal â gwraig synhwyrol, a’r hwn ni lithrodd ei dafod, ac ni wasanaethodd yr hwn sydd anaddas iddo ef.

¹²Gwyn ei fyd yr hwn a gafodd synnwyr, ac ai mynego wrth y rhai sy yn gwrando.

¹³Mor fawr yw ’r hwn sydd yn cael doethineb? ond nid oes neb vwch na’r hwn sydd yn ofni yr Arglwydd.

¹⁴Cariad yr Arglwydd sydd eglurach nâ dim.

¹⁵I ba beth y cyffelybir yr hwn sydd yn cael afael arno ef:

¹⁶Ofn yr Arglwydd yw dechreuad ei gariad ef, a ffydd yw dechreuad glynu wrtho ef.

¹⁷[Dewis] bob dyrnod ond dyrnod [ar] y galon: a phob drygioni ond drygioni gwraig.

¹⁸[Dewis] bob niwed ond niwed caseion, a phob dial ond dial gelynnion.

¹⁹Nid oes pen waeth na phen sarph, na digofaint waeth na digofaint gelyn.

²⁰Gwell gennifi gyttal â llew, ac â draig, na chyttal â gwraig ddrwg.

²¹Y mae drygioni gwraig yn newidio ei hwyneb hi, ac yn gwneuthur ei hwyneb-pryd hi cyn ddued ag arth.

²²Yng-hanol ei gymmydogion y syrthia ei gŵr hi, ac efe a vcheneidia oi anfodd oi hachos hi.

²³Bychan yw pob drwg wrth ddrwg gwraig, syrthied coel-bren pechadur arni hi.

²⁴Fel y mae dringfa dywodlyd i draed henaf-gwr, felly y mae gwraig siaradus i ŵr distaw.

²⁵Na syrth at degwch gwraig, ac na chwennych wraig er trythyllwch.

²⁶Dîg, a digywilydd-dra, a gwaith mawr yw gwraig, os rhydd hi iw gwr [ei gynhaliaeth.]

²⁷Calon isel, ac wyneb sarrig ac archoll calon yw gwraig ddrwg.

²⁸Dwylo gweniaid, a gliniau rhyddion yw ’r hon ni chynorthwya ei gŵr yn ei vchenaid.

²⁹Trwy wraig y daeth dechreu pechod, ac oi phlegit hi yr ydym ni yn meirw oll.

³⁰Na ddod i ddwfr le: fyned trosodd, nac i wraig ddrwg rydd-did i fyned allan.

³¹Onid aiff hi wrth dy law di, tor hi oddi wrth dy gnawd, dod [yscar] a gollwng [hi] yn rhydd.