Read William Morgan Bible 1588 original edition Ecclesiasticus 26 Bible Online

Ecclesiasticus 26 - William Morgan Bible 1588 original edition bible

Ecclesiasticus 26

¹Clod gwraig dda, 5 y pedwar peth erchyll, 8 eiddigedd gwraig ai drygioni, 33 y tri pheth anweddus. Gwyn ei fyd gŵr y wraig dda: canys ddauddyblyg fydd rhifedi ei ddyddiau ef.

²Gwraig ŵrol a lawenycha ei gŵr, ac a gyflawna flynyddoedd ei fywyd ef mewn heddwch.

³Rhan dda yw gwraig dda, ac yn rhan y rhai ydynt yn ofni yr Arglwydd y rhoddir hi.

⁴Y mae gan dlawd a chyfoethog galon dda at yr Arglwydd, ac hwy a orfoleddant bob amser yn wyneb-lawen.

⁵Rhag tri pheth yr arswydodd fyng-halon i, a rhag y pedwerydd golwg yr ofnais i.

⁶Enllib dinas, a thorf o bobl,

⁷A gau destiolaeth: blinach nag angeu ydynt hwy oll.

⁸Baich calon a galar yw gwrag yn dal eiddigedd wrth wraig, a ffrewyll tafod yw ’r hon sydd yn cyfrannu â phawb.

⁹Iau ŷchen yn siglo yw gwraig ddrwg, ac y mae ei pherchennog megis yn ymaflyd mewn scorpion.

¹⁰Digter mawr yw gwraig feddw, ac ynfyd, ac ni chela hi ei gwarth ei hun.

¹¹Putteindra gwraig a adweinir wrth dderchafiad [ei] llygaid [hi,] ac wrth [ei] hamrantau [hi.]

¹²Dod ti gadwriaeth siccr ar ferch anhywaith, rhag os caiff hi rydd-did iddi ei [cham] arfer ei hun.

¹³Gwilia ar y llygad digywilydd, ac na ryfedda os gwna efe fai â thi.

¹⁴Fel yr egyr fforddol sychedig ei safn pan gaffo efe ffynnon: felly yr yf hi o bob dwfr cyfagos, yr eistedd hi wrth bob pawl, ac yr egyr gawell yn erbyn y saeth.

¹⁵Grâs gwraig a wna ei gŵr yn hyfryd, ai gwybodaeth hi a wna ei escyrn ef yn freision.

¹⁶Rhodd yr Arglwydd yw gwraig ddistaw gall, ac nid oes cydwerth i enaid a gymero addysc.

¹⁷Grâs ar râs yw gwraig gywilyddgar a ffyddlon,

¹⁸Ac nid oes dim a ddichon bwyso yn gyfaddas ei diwair feddwl hi.

¹⁹Fel y mae yr haul yn codi yn vchelder yr Arglwydd: felly y mae tegwch gwraig dda yng-wychter ei thŷ.

²⁰Fel cannwyll yn goleuo mewn canhwyllbren sanctaidd: felly y mae tegwch yrŷd mewn oedran diwegi.

²¹Fel colofnau aur mewn morteisiau arian: felly y mae traed têg gyd a dwyfron siccr.

²²[Fy] mab cadw flodau dy ieuengtid yn iach, ac na ddod dy gryfder i ddieithriaid.

²³Wedi it geisio y rhan ffaethaf o’r maes oll, haua dy hâd dy hun gan obeitho yn dy fonedd.

²⁴Felly dy hiliogaeth di y rhai a fyddant byw gan gael hyder o fonedd a gynnyddant.

²⁵Gwraig a’r werth a gyfrifir i fod vn wedd a hŵch, a’r briod a gyfrifir yn dŵr rhag angeu i’r rhai ai harferant.

²⁶Gwraig annuwiol a roddir yn rhan i ŵr anwir, a’r dduwiol a roddir i’r hwn sydd yn ofni yr Arglwydd,

²⁷Gwraig anhonest a bair ammarch, eithr merch honest a barcha ei gŵr.

²⁸Megis ci y cyfrifir gwraig anhywaith, a’r gywilyddgar a ofna yr Arglwydd.

²⁹Y wraig yr hon sydd yn perchi ei gŵr ei hun, a wêl pawb yn ddoeth, a’r hon ai amharcho ef a gydnebydd pawb ei bod yn annuwiol a balch.

³⁰Gwyn ei fyd gŵr y wraig dda: o blegit dau ddyblyg fydd rhifedi ei flynyddoedd ef.

³¹Am wraig floeddgar a siaradus yr edrychir i darfu gelynnion.

³²Enaid pob dyn tebyg i’r rhai hyn a ddwg ei fywyd mewn terfyscoedd rhyfel.

³³Am ddau beth y mae fyng-halon i yn athrist, ac am y trydydd y daeth arnaf ddigter.

³⁴Bod rhyfelwr yn anghenus trwy eisieu, ac os dirmygir gwŷr synhwyrol.

³⁵Yr hwn a ddychwelo o gyfiawnder i bechod yr Arglwydd ai paratoa ef i’r cleddyf: anhawdd yw tynnu marsiandwr heb fai, ac ni chyfiawnheir tafarn-wr oddi wrth bechod.