Read William Morgan Bible 1588 original edition Ecclesiasticus 27 Bible Online

Ecclesiasticus 27 - William Morgan Bible 1588 original edition bible

Ecclesiasticus 27

¹Bod bai wrth brynu a gwerthu. 5 Y modd y mae adnabod dyn. 11 Cynneddf y ffol. 16 Brynted yw dadcuddio cyfrinach. 27 Bod drygioni dyn yn dyfod arno ei hun. O Achos peth cyffredinol y pechodd llawer: a’r hwn sydd yn ceisio cael amldra a drŷ ei olwg ymmaith.

²Rhwng cysswlt cerrig y gyrrir gwanas, a rhwng prynu a gwerthu yr ymwthia pechod.

³Oni ddeil efe yn ofn yr Arglwydd yn ddiwyd, ebrwydd y dimstrir ei dŷ ef.

⁴Wrth escwyd y gogr yr erys y brynti, felly anrhaith dŷn yn ei ymrysymmiad ef.

⁵Y ffwrn sydd yn profi llestri pridd, felly y mae profedigaeth dŷn yn ei ymadrodd ef.

⁶Ei ffrwyth a ddengys goleddiad y pren, felly y gwna traethiad y meddwl yng-halon dŷn.

⁷Na chanmol ŵr cyn [clywed ei] ymmadrodd: oblegit dyna brofedigaeth dŷn.

⁸Os dilyni di gyfiawnder ti ai goddiweddi hi, ac ai gwisci hi fel gwisc laes ogoneddus.

⁹Adar a arhoasant gyd âi cyffelyb, a’r gwirionedd a drŷ at y rhai a weithiant.

¹⁰Fel y cynllwyn llew i helfa, felly y gwna pechod i’r rhai a weithredant ddrygioni.

¹¹Traethiad y duwiol sydd bob amser am ddoethineb, a’r angall a newidia fel lleuad.

¹²Ym mysc yr ansynhwyrol cadw amser, a thyret yn fynych i fysc y rhai pwyllog.

¹³Baich yw traethiaid ffyliaid, ai chwerthiniad fydd am ddigrifwch pechod.

¹⁴Ymadrodd yr hwn a dyngo lawer a wna i’r gwallt godi, ac ymsywyn y cyfryw a wna gaeu clustiau.

¹⁵Ymsywyn beilchion a bair gelanedd, ai difenwad hwynt sydd flin ei chlywed.

¹⁶Yr hwn sydd yn dadcuddio cyfrinach a gollodd ei gredyniaeth, ac ni chaiff efe gyfaill wrth ei fodd.

¹⁷Hoffa [dy] gyfaill, a gwna yn ffyddlon ag ef.

¹⁸Eithr os dadcuddi di ei gyfrinach ef, na ddilyn ar ei ôl ef.

¹⁹Oblegit megis y mae dŷn yn difetha ei elyn, felly y mae efe yn difetha ei gymmydog.

²⁰Ac fel pe gollynge gŵr aderyn oi law, felly y gollyngaist dy gymmydog ac ni’s deli ef.

²¹Na chanlyn ef: oblegit y mae efe ym mhell, ac wedi ffoi fel iwrch o fagl.

²²O blegit fe a ellir iachau archoll, ac y mae cymmod am ddifenwad.

²³Eithr yr hwn a ddadcuddiodd gyfrinach a gollodd [ei] gredyniaeth.

²⁴Y mae yr hwn sydd yn amneidio ai lygad yn adailadu drŵg, a’r hwn ai hadwaeno ef a gilia oddi wrtho ef.

²⁵Efe a wna ei enau yn swyn yn dy ŵydd di, a rhyfedd fydd ganddo ef dy ymadrodd di: wedi hynny efe a drŷ ei chwedl, ac a fwrw fai ar dy ymadrodd di.

²⁶Llawer a gaseais i [arno ef] ar ni welwn ddim tebyg iddo ef: yr Arglwydd hefyd ai casaodd [ef.]

²⁷Y neb sydd yn taflu carreg yn vchel sydd yn ei thaflu hi ar ei ben ei hun: a dyrnod tywyllodrus a wahana ar choll.

²⁸Yr hwn a glodio ffôs a syrth ynddi hi.

²⁹A’r hwn a osodo rwyd a ddelir â hi.

³⁰Yr hwn a wnelo ddrwg, arno ef yr erys efe: ac ni chaiff efe ŵybod o ba le y mae efe yn dyfod iddo ef.

³¹Gwatwargerdd, a dannodedd y beilchion, a dialedd a gynllwyn iddynt hwy fel llew.

³²Mewn magl y delir y rhai ydynt yn llawen ganddynt syrthio y rhai duwiol, a chyn eu marwolaeth y treulia gofid hwynt, digter, a llid: ffiaidd hefyd yw ’r pethau hyn, a’r pethau hyn y bydd gŵr pechadurus meddiannol o honynt.