Read William Morgan Bible 1588 original edition Ecclesiasticus 28 Bible Online

Ecclesiasticus 28 - William Morgan Bible 1588 original edition bible

Ecclesiasticus 28

¹Cyngor yn erbyn chwant i ddial. 10 A rhyfyg y tafod. Y Dialwr a gaiff ddialedd gan yr Arglwydd, ac efe gan gadw a geidw ei bechodau ef.

²Maddeu i’th gymmydog ei gam, ac yna pan weddiech di y maddeuir dy bechodau dithe.

³Dŷn i ddŷn a geidw ddig, ac a gais gan yr Arglwydd feddiginiaeth,

⁴Ni thrugarha efe chwaith wrth ddŷn cyffelyb iddo ei hun, ac efe a ymbil tros ei bechodau.

⁵Y mae efe yn gnawd yn cadw digter: pwy gan hynny a drugarha wrth ei bechod yntef:

⁶Cofia y diwedd, a phaid a dal galanastra.

⁷Na fygwth chwaith i’th gymmydog ddinistr, na marwolaeth: eithr aros wrth y gorchymynnion.

⁸Cofia y gorchymynnion, ac na ddigia wrth dy gymmydog.

⁹[Cofia] hefyd gyfammod y Goruchaf, a dirmyga annwybodaeth.

¹⁰Ymgadw rhag cynnen, a thi a wnei yn llai dy bechodau: o blegit gŵr digllon a gynneu gynnen.

¹¹Gŵr pechadurus a dralloda gyfeillion, ac a fwrw lid rhwng rhai heddychol.

¹²Fel y byddo defnydd y tân felly y llysc efe, ac fel y byddo cadernid y gynnen y cynnydda y tân, fel y byddo cryfoer dŷn y bydd ei ddigofaint ef, ac yn ôl cyfoeth dŷn y cyfyd efe ei lid.

¹³Y mae ymryson prysur yn cynneu y tân, a chynnen bryssur yn tywallt gwaed.

¹⁴Os chwythi di wreichionen hi a gynneu: ond os poeri di arni hi, hi a ddiffydd: ac y mae y ddau yn dyfod o’r genau.

¹⁵Melldithiwch yr athrodwr a’r ddau dafodiog: o blegit llawer-vn heddychlon a ddifethasant hwy.

¹⁶Tafod dau ddyblyg a gynhyrfodd lawer ac ai gwascarodd hwynt o genhedlaeth i genhedlaeth.

¹⁷Dinasoedd cedyrn a ddinistriodd efe hefyd, a theiau pendefigion a ddifethodd efe.

¹⁸Tafod dauddyblig a fwriodd wragedd gwrol allan, ac ai diddymmodd hwynt oi llafur.

¹⁹Yr hwn a wrandawo arno ef ni chaiff efe lonydd, ac ni phresswylia yn ddistaw.

²⁰Dyrnod ffrewyll a wna glais, a dyrnod tafod a ddryllia escyrn.

²¹Llawer a syrthiasant o herwydd min y cleddyf, ond nid cymmaint ag a syrthiasant o blegit y tafod.

²²Gwyn ei fyd yr hwn a amddeffynnwyd rhagddo, ac nid aeth yn ei ddigofaint ef.

²³Yr hwn ni thynnodd ei iau ef, ac ni rwymwyd ai rwymau ef: o blegit iau haiarn yw ei iau ef, a rhwymau prês yw ei rwymau ef.

²⁴Marwolaeth ddrwg yw ei farwolaeth ef, a mwy buddiol yw vffern nag ef.

²⁵Ni chaiff efe lywodraeth ar y rhai duwiol, ac ni loscir hwynt yn ei flam ef.

²⁶Y rhai ydynt yn gadel yr Arglwydd a syrthiant tano, ac arnynt hwy y llysc efe heb ddiffoddi: efe a yrrir arnynt hwy fel llew, ac fel lleopard y difa efe hwynt.

²⁷Wele cae dy dyddyn â drain, eithr gwna i’th enau ddorau a chlôau.

²⁸Rhwym dy arian a’th aur, pwysa hefyd dy ymadrodd, a gwna i’th enau borth a chol.

²⁹A gochel rhag llithro o honot trwyddynt hwy, ac rhag syrthio o honot o flaen y cynllwyn-wr.