Read William Morgan Bible 1588 original edition Ecclesiasticus 29 Bible Online

Ecclesiasticus 29 - William Morgan Bible 1588 original edition bible

Ecclesiasticus 29

¹Am echwyn. 14. elusen 17 machniaeth 15 am gartref er tylotted fyddo. Yr hwn sydd yn gwneuthur trugaredd sydd yn rhoddi echwyn iw gymmodog, a’r hwn sydd yn ei gadarhau ef ai law, sydd yn cadw y gorchymynnion.

²Dod echwyn i’th gymmydog yr amser y byddo rhaid iddo ef, a thâl trachefn i’th gymmydog yn yr amser.

³Cadw dy air yn siccr, a gwna yn ffyddlon ag ef, a thi a gei wrth dy raid bôb amser.

⁴Llawer a gyfrifasant echwyn fel peth wedi ei gael, ac a barasant flinder i’r rhai ai helpiasant hwy.

⁵Y mae efe yn cussanu ei ddwylo ef hyd oni dderbynio efe: ac efe a ostwng ei leferydd am arian ei gymmydog.

⁶Ac yn amser talu efe a oeda yr amser, ac a rydd atteb hwyr-frydig, ac a wna escus o’r amser.

⁷Ac os dichon efe roddi, prin y dwg efe yr hanner: ac efe a gyfrif hynny fel peth wedi ei gael.

⁸Os amgen [wedi] iddo ef ei ddifuddio ef am ei arian, ai gael ef yn elyn heb achos:

⁹Efe a dâl iddo ef felldithion a difenwad: efe a dâliddo ef ammarch yn lle anrhydedd.

¹⁰Llawer a droesant ddŷn ymmaith rhag drwg, ac a ofnasant ei difuddio.

¹¹Er hynny bydd ddioddefgar wrth drueni, ac nac oeda dy elusen iddo ef.

¹²Cynnorthwya y tlawd er mwyn y gorchymyn, ac na thro ef ymmaith yn ei angen.

¹³Coll dy arian er mwyn cyfaill neu frawd, ac na chuddia hwynt tann garreg iw colli.

¹⁴Gosot dy dryssor lle y mae y Goruchaf yn gorchymyn, ac efe a fydd mwy buddiol i ti nag aur.

¹⁵Cae dy eluseu yn dy gelloedd, ac hi a’th wared ti o bôb niwed.

¹⁶Hi a ymladd trosot ti yn well na tharian cryf, ac na gwaiw-ffon gadarn yn erbyn y gelyn.

¹⁷Gŵr da a fachnia tros ei gymmydog, a’r hwn a gollodd gywilydd-dra ai gâd ef.

¹⁸Na angofia garedigrwydd meichie, o blegit efe ai rhoddes ei hun trosot ti,

¹⁹Pechadur a anrheithia ferchie da.

²⁰Pechadur wedi machino a ffŷ, a’r difuddiol a âd yn [ei] feddwl yr hwn ai gwaredodd ef.

²¹Machniaeth a ddifethodd lawer vn goludog, ac ai symmudodd hwynt fel tonn o’r môr.

²²Hi a wnaeth i wŷr cedyra fudo, fel y cyrwydrasant hwy ym mysc cenhedloedd dieithr.

²³Y pechadur a drosseddo orchymynnion yr Arglwydd a syrth mewn machniaeth, a’r hwn a ddilyn wobr a syrth mewn cyfraith.

²⁴Cynnorthwya dy gymmydog yn oref ac y gallech, a gwilia arnat dy hun rhag syrthio o honot.

²⁵Dechreu bywyd dŷn yw dwfr a bara a dillad, a thŷ yn gorchguddio gwarth.

²⁶Gwell yw bywyd y tlawd tann dô cledr, na gwleddau danteithiol o’r eiddo rhai eraill.

²⁷Am fawr a bychan bydd fodlon, ac ni chei di glywed gwradwydd i’th dŷ.

²⁸Bywyd drwg [yw gwibio] o dŷ i dŷ, ac lle yr ymdeithi di, ni elli agoryd dy safn.

²⁹Ti a letteui, ac a ddiodi rai anniolchgar, ac a gei glywed chwerwder am hynny.

³⁰Tyret ymdeithudd gwna ’r bwrdd yn drefnus, ac od oes dim gennit dod i mi fwyd.

³¹Tyret allan ymdeithudd o flaen yr anrhydeddus, y mae yn rhaid i mi wrth fy nhŷ, y mae fy mrawd yn lletteua gyd â mi.

³²Trwm yw hyn i’r hwn sydd ganddo synnwyr, gorafyn y tŷ, a gwradwydd y benthygiwr.