Read William Morgan Bible 1588 original edition Ecclesiasticus 3 Bible Online

Ecclesiasticus 3 - William Morgan Bible 1588 original edition bible

Ecclesiasticus 3

¹1 Am anrhydeddu tâd a mam. 10 Am fendith tâd a mam. 11 Am ddirgelwch Duw. 22 Na ddylid manwl chwilio dirgeledigaethau Duw. [Fy] mhlant clywch fi eich tâd, a gwnewch felly fel y byddoch gadwedic.

²O blegit yr Arglwydd a roddes i’r tâd anrhydedd gan y plant, ac a siccrhaodd farn y fam ar [ei] meibion.

³Yr hwn sydd yn perchi ei dâd sydd yn cael maddeuant am [ei] bechod.

⁴A’r hwn sydd yn anrhydeddu ei fam sydd fel [vn] yn casclu tryssor.

⁵Yr hwn a barcho [ei] dâd a gaiff lawenydd oi blant, ac efe a wrandewir y dydd y gweddio efe.

⁶Hîrhoedloc fydd yr hwn a anthydeddo [ei] dâd: a’r hwn a vfuddhao yr Arglwydd a bair orphywysdra iw fam.

⁷Yr hwn sydd yn ofni yr Arglwydd a barcha [ei] dâd, ac a wasanaetha y rhai ai cenhedlasant ef fel arglwyddi.

⁸Parcha dŷ dad a’th fam ar weithred a gair, fel y delo i ti fendith gan ddynion.

⁹O blegit bendith y tâd a siccrha deiau y plant, a melldith y fam a ddiwreiddia sylfeini.

¹⁰Na ymffrostia yn ammarch dy dad: o herwydd nid parch i ti fydd ammarch dy dad.

¹¹Canys ammarch fydd i ddyn o amharch ei dad: a gwarth plant yw mam ddianiwarth.

¹²[Fy mab] cynnorthwya [dy] dad yn [ei] henaint: ac na thristâ ef yn dy fywyd.

¹³Os palla ei synnwyr, cyd ddwg: ac na amharcha [eithr parcha] ef yn dy holl gryfder.

¹⁴O herwydd nid anghofir [dy] elusen i’th dâd.

¹⁵Eithr hi a fydd yn adailadaeth yn erbyn pechodau: yn nydd trallod y meddylir am danat ti, a’th bechodau a doddir megis [pan ddel] meiriol ar iâ.

¹⁶Mor enllibus yw yr hwn sydd yn gadel ei dad, ac [mor] felldigedig gan Dduw yw yr hwn sydd yn digio ei fam.

¹⁷[Fy] mab gorphen dy waith yn llednais, a [phob] dŷn cymmeradwy a’th hoffa di.

¹⁸Pa fwyaf fyddech, ymddarostwng dy hun yn fwyaf: a thi a gei ffafor yng-ŵydd yr Arglwydd.

¹⁹Y mae llawer yn vchelradd ac yn anrhydeddus, eithr i’r rhai llednais y datcuddir dirgeledigaethau: canys mawr yw gallu yr Arglwydd a’r rhai gostyngedig ai hanrhydeddant ef.

²⁰Na chais yn anehallgar bethau rhygaled i ti, ac na chais yn angall bethau rhy gryfion i ti: y pethau a orchymynnwyd meddwl am hynny yn sanctaidd.

²¹O blegit nid rhaid i ti weled pethau cuddiedig a’th lygaid.

²²Na fydd fanylach yn dy ymadroddion nag y byddo rhaid.

²³Canys fe a ddangoswyd i ti fwy nag a ddichon dynion eu deall.

²⁴Eu hofer dŷb a dwyllodd lawer, a drwg amcan a lescaodd eu deall hwynt.

²⁵Oni bydd canhwyllau dy lygaid cennyt fe a fydd eisieu goleuni arnat: ond os bydd eisieu gwybodaeth na fynega [hynny.]

²⁶Drwg fydd ar galon galed yn y diwedd: a’r hwn a hoffo enbydrwydd a ddifethir ag ef.

²⁷Calon galed a lwythir â phoenau: a’r pechadur a chwanega bechodau ar bechodau.

²⁸Yng-hospedigaeth y balch nid oes meddiginiaeth, ei lwybrau ef a ddiwreiddir: o herwydd gwreddio planhigyn drygioni ynddo ef.

²⁹Calon y dehallgar a feddwl am gyffelybrwydd, a chlust y gwrandawydd yw dymuniad y doeth.

³⁰Dwfr a ddiffydd dân poeth, a thrwy elusen y ceir maddeuant am bechodau.

³¹A’r Arglwydd yr hwn sydd yn talu cymmwynasau sydd yn cofio wedi hynny: a’r [cyfryw] yn amser ei dramgwydd a gaiff ganllaw.