Read William Morgan Bible 1588 original edition Ecclesiasticus 30 Bible Online

Ecclesiasticus 30 - William Morgan Bible 1588 original edition bible

Ecclesiasticus 30

¹Am gospedigaeth plant 14 mor felus yw iechyd a llawenydd. Yr hwn sydd yn caru ei fab ai mynych ffrewylla ef, fel y llawenycho efe yn ei ddiwedd ef.

²Yr hwn a addysco ei fab a gaiff lawenydd o honaw ef, ac a orfoledda oi achos ef ym mysc ei gydnabod.

³Yr hwn sydd yn dyscu ei fab a ddigia ei elynion, ac a orfoledda oi blegit ef o flaen ei gyfeillion.

⁴Er marw ei dad ef, etto y mae efe megis heb farw, am adel o honaw ef ar ei ôl vn cyffelyb iddo ei hun.

⁵Yn ei fywyd efe ai gwelodd ef, ac a fu lawen oi blegit: ac yn ei ddiwedd ni bu efe athrist.

⁶Efe a adawodd vn i ddial yn erbyn ei elynion, ac vn i dalu diolch iw gyfeillion.

⁷Yr hwn sydd yn cospi ei fab a rwym ei archollion ef, er cythryblu ei emyscaroedd ef ar bob bloedd.

⁸March gwyllt a aiff yn sceler, a mab a adewir iddo a aiff yn anllywodraethus.

⁹Llocha dy fab, ac efe ath ddychrynna di: chware ag ef, ac efe a’th dristâ di.

¹⁰Na chyd chwardd ag ef rhag gofidio o honot, ac escwyd dy ddannedd o’r diwedd.

¹¹Na ddod iddo ef rydd-did yn ei ieuenctid, ac na fydd ddiystyr am ei annwybodaeth ef.

¹²Gostwng ei warr ef yn ei leuēgtid, a thorr ei ystlys tra fyddo efe plentyn, rhag iddo annufyddhau i ti pan galedo efe, a bod yn ofid calon i ti.

¹³Addysca dy fab, a chymmer boen gyd ag ef, fel na thramgwyddech trwy ei anniwarthrwydd ef.

¹⁴Gwell yw ’r iach cryf ei gyfansoddiad, na’r cyfoethog yr hwn y curwyd ei gorph.

¹⁵Iechyd a chyfansoddiad da sydd well na phob aur, a chorph iachus na golud anfeidrol.

¹⁶Nid oes gyfoeth gwell nag iechyd corph: ac nid oes llawenyd gwell na llawenydd calon.

¹⁷Gwell yw marwolaeth nag enioes chwerw, neu nychtod barhaus.

¹⁸Pethau da wedi eu cau mewn safn caead yw gwledd wedi ei gosod ar fedd.

¹⁹Pa fudd a wna diod offrwm i eulyn? o blegit ni fwyttu efe, ac ni arogla: felly yr hwn y mae yr Arglwydd yn ei erlid.

²⁰Yr hwn sydd yn gweled âi lygaid ac yn tuchan, sydd fel dispaidd yn canfod morwyn, ac yn vcheneidio.

²¹Na ddod dy enaid i dristwch, ac na chystuddia dy di dy hun a’th gyngor dy hun.

²²Llawenydd calon yw enioes dyn, a hirhoedl yw gorfoledd gŵr.

²³Hoffa dy enaid, a chyssura dy galon: a gyrr dristwch ym mhell oddi wrthit.

²⁴O blegit tristwch a ddifethodd, ac a laddodd lawer.

²⁵Cenfigen a dig ydynt yn lleihau dyddiau: a gofal sydd yn dwyn henaint cyn yr amser.

²⁶Calon hoiw a da a ofala [yn vnic] am ei bwyd yn [ei] gwledd.