Read William Morgan Bible 1588 original edition Ecclesiasticus 32 Bible Online

Ecclesiasticus 32 - William Morgan Bible 1588 original edition bible

Ecclesiasticus 32

¹Y modd y mae llywodraethu, ac vfyddhau. 15 Am ofn a gobaith. Os gwnaethant di yn llywodraethwr na fallchia, bydd iddynt megis vn o honynt hwy,

²Gofala a bydd ystyriol am danynt hwy.

³Yna bydd di gymmwynascar, ac wedi it fyned yn gymmeradwy gorphywys fel y byddech lawen oi plegit hwynt, ac y derbyniech goron i’th harddu.

⁴Dywet wrth henuriad, canys hyn sydd weddus i ti.

⁵Wrth [draethu] gofalus wybodaeth rhwystra gerdd.

⁶Na thywallt ymadrodd pan fyddo amser i wrando, ac na ddangos dy ddoethineb allan a amser.

⁷Megis sêl o garbwncl mewn gwisc o aur yw cyssain music wrth gwmpeniaeth gwîn.

⁸Megis sêl o Smaragdus mewn boglyn o aur yw melusdra music gyd âr gwîn melus.

⁹Ti ŵr ieuangc llefara pan fyddo rhaid, a hynny yn brin pan i’th ofynner ddwy-waith.

¹⁰Gwna ddibē ar dy ymadrodd: [cynnwys] lawer yn ychydig eiriau.

¹¹Bydd megis vn a gŵybodaeth ganddo, ac yn ddistaw hefyd.

¹²Nac ymgystadla ym mysc gwŷr mawr, ac na siarad lawer lle y byddo henaf-gwŷr.

¹³O flaen taran yn y man y daw mellten, ac o flaen y llednais yr aiff ffafor.

¹⁴Cyfot mewn prŷd, ac na fydd olaf: rhêd i’th dŷ, ac na segura.

¹⁵Yno chware, a gwna dy feddwl, ond nid mewn pechod na geiriau trahaus.

¹⁶A bendithia am hyn [oll] yr hwn a’th wnaeth, ac a’th lanwodd âi ddaioni.

¹⁷Y neb a ofna yr Arglwydd a dderbyn ei athrawiaeth ef: a’r hwn a foreu godo [atti hi] a gaiff ewyllys da.

¹⁸Yr hwn a geisio y ddeddf a lenwir â hi: a’r rhagrithiwr a dramgwydda wrthi hi.

¹⁹Y rhai a ofnant yr Arglwydd a gânt farn [dda,] a chyfiawnder a gynneu fel goleuni.

²⁰Y pechadur a wrthyd gerydd, ac a gaiff siampl wrth ei ewyllys eu hun.

²¹Gŵr [a gymmero] gyngor ni ddiystyra ddeall: ond y dieithr a’r balch nid ofna ofn:

²²Ac wedi iddo wneuthur [y peth] efe a fydd heb gyngor ganddo.

²³[Fy mab] na wna ddim heb gyngor, ac wedi gwneuthur nac edifarhâ.

²⁴Na ddôs rhyd ffordd lithrig, ac na thramgwydda wrth gerrig, nac ymddyried ychwaith i’r ffordd wastad.

²⁵Gwilia dy blant dy hun.

²⁶Ym mhob gweithred dda coelia dydi dy hun, ac dymma gadwedigaeth y gorchymynniō.

²⁷Yr hwn a gredo i’r Arglwydd a ddisgwil ar y gorchymyn, a’r hwn a obeithio ynddo ef, ni bydd eisieu arno.