Read William Morgan Bible 1588 original edition Ecclesiasticus 33 Bible Online

Ecclesiasticus 33 - William Morgan Bible 1588 original edition bible

Ecclesiasticus 33

¹Ffrwyth a daioni ofn Duw. 8 Mai Duw sydd yn rhoddi i bob peth ei ragoriaeth. 18 Fe a ddyle dyn gadw ei rogoriaeth tra fydde byw. 23 Y modd y mae arfer gweision a gwenidogion. NI ddigwydd niwed i’r hwn a ofno yr Arglwydd, eithr mewn profedigaeth [Duw] ai gwared ef eil-waith.

²Nid câs gan y doeth y gyfraith, ond yr hwn a ragrithio [sydd] ynddi hi megis mewn rhyferthwy mawr.

³Dŷn synhwyrol a ymddyried i’r gyfraith, a’r gyfraith a fydd ffyddlon iddo yntef.

⁴Er eglured fyddo yr hyn a ofynner, darpar dy ymadrodd, ac felly i’th wrandewir: bydd sicr o’r peth, yna atteb.

⁵Calon y ffol sydd fel olwyn men: ai feddyliau ydynt fel echel dro.

⁶Megis y gweryra ystalwyn can bawb a eisteddo arno ef, felly y gwna cyfaill gwatwarus.

⁷Pa ham y mae diwrnod yn rhagori diwrnod, gan fôd goleuni pob diwrnod yn y flwyddyn yn dyfod o’r haul:

⁸Trwy ŵybodaeth yr Arglwydd y gwahanwyd hwynt,

⁹Efe a gyfnewidiodd yr amserau a’r gwiliau.

¹⁰[Rhai] o honynt hwy a dderchafodd efe, ac a sancteiddiodd efe, ac efe a osododd [rai] o honynt hwy yn rhifedi y dyddiau.

¹¹Dynion a wnaed oll o’r ddaiar, ac o bridd y crewyd Adda.

¹²Yr Arglwydd trwy fawr wybodaeth ai nailltuodd hwynt, ac a wnaeth eu ffyrdd hwynt yn amryw.

¹³Rhai o honynt hwy a fendithiodd, ac a dderchafodd efe, a [rhai] o honynt hwy a sancteiddiodd, ac a nessaodd efe atto ei hun: [rhai] o honynt hwy a felldithiodd, ac a ddarostyngodd efe, ac ai trôdd hwynt allan oi lle.

¹⁴Megis [y mae] y clai yn llaw y crochenudd, ai holl ddigwydd wrth ei ewyllys ef: felly y mae dŷn yn llaw yr hwn ai gwnaeth ef, i roddi iddo efe fel y gwelo efe yn dda.

¹⁵Y mae daioni yn erbyn drygioni, ac einioes yn erbyn angeu: felly y mae y duwiol yn erbyn y pechadur, a’r pechadur yn erbyn y gŵr duwiol.

¹⁶Felly edrych ar holl weithredoedd y Goruchaf, bob yn ddau y maent hwy y naill yn erbyn y llall.

¹⁷Minne a ddeffroais yn ddiweddaf fel vn yn lloffa ar ôl cynhaiafwŷr y grawn-wîn: trwy fendith yr Arglwydd y cynnyddais: ac y llenwais fyng-winwryf fel cynhaiafwr grawnwîn.

¹⁸Dehallwch nad i mi fy hunan y cymerais i boen, ond i bawb a geisiant athrawiaeth.

¹⁹O bendefigion [a’r bobl oll] clywch: ô lywodraethwŷr y gynnulleidfa gwrandewch.

²⁰Na ddod awdurdod arnat ty hun i fab nac i wraig, i frawd nac i gydymmaith tra fyddech di byw: ac na ddod dy dda i arall rhag bod yn edifar i ti, a gorfod it ymbil â hwynt.

²¹Tra fyddech di fyw a bod anadl ynot: na newidia dy gyflwr er vn dŷn.

²²Canys gwell yw bod ar dy blant dy eisieu di, nac i ti edrych yn nwylo dy blant.

²³Cymmer dy ragor yn dy holl weithredoedd: ac na anafa dy barch.

²⁴Yn y dydd y gorphennech di ddyddiau dy enioes, ac yn yr amser diweddaf dod dy etifeddiaeth.

²⁵[Rhodder] gwellt a gwialen a phwn i’r assen: [felly] bara, a chospedigaeth a gwaith i’r gwenidog.

²⁶Gwna iddo ef weithred trwy gospedigaeth, ac efe a gais orphywysdra, llaesa [dy] law iddo ef, ac efe a gais rydd-did.

²⁷Iau ac irai a ostwng warr [yr ŷch] ac ar wenidog drwg y mae yn rhaid rhoi cospedigaeth a blinder.

²⁸Gyrr ef iw waith fel na byddo efe segur o blegit llawer o ddrygioni a ddyscodd segurud.

²⁹Gosot ef ar ei waith canys felly y gwedde iddo ef.

³⁰Oni bydd vfydd dod heirn trymion arno ef: ond na ddod ormod ar vn cnawd, ac na wna ddim heb pwyll.

³¹Os bydd gennit wenidog bydded ef i ti fel dy enaid dy hun: o blegit mewn gwaed y cefaist ti ef, os bydd gennit wenidog gwna o honaw ef fel o frawd: canys fe a fydd mor rhaid i ti wrtho ef ac wrthit dy hun.

³²Os cospi di ef ar gam a chodi o honaw yntef a ffoi ymmaith, pa ffordd y ceisi di ef: