Read William Morgan Bible 1588 original edition Ecclesiasticus 34 Bible Online

Ecclesiasticus 34 - William Morgan Bible 1588 original edition bible

Ecclesiasticus 34

¹Oferedd dewiniaeth, coelion a breuddwydion. 6 Ar Dduw yn vnic y mae i ni roddi hyder. 20 Pa aberthau nid yw Duw fodlon iddynt. Ofer a chelwyddog obaith fydd gan ŵr ansynhwyrol, a breuddwydion a falchiant y rhai angall.

²Megis vn yn dala cyscod, ac yn ymlid gwynt yw yr hwn a goelio i freuddwydion.

³Hyn yn vnic yw gweledigaeth breuddwydion, cyffelybrwydd wyneb ar gyfer wyneb.

⁴Pa lendid a geir o’r aflan, a pha wirioned o’r celwydog:

⁵Ofer yw dewiniaeth, coelion, a breuddwydion.

⁶Llenwir dy feddwl di ag ofer ddychymygiō fel gwraig yn escor: o ddieithr i’r Goruchaf anfon gweledigaeth, na ddod dy feddwl arni hi.

⁷Breuddwydion a dwyllasant lawer, a’r rhai a obeithiasant ynddynt hwy a fethasant.

⁸Heb gelwydd y perffeithir y gyfraith, a pherffeithrwydd genau ffyddlon yw doethineb.

⁹Y gŵr a gerddodd lawer a ŵyr lawer.

¹⁰A’r hwn a gafodd brawf o lawer o bethau a ddengys synnwŷr.

¹¹Echydig a ŵyr yr hwn ni phrofwyd: a’r hwn a dwyllwyd sydd aml ei ddichell.

¹²Mi a welais lawer yn fy amryfusedd, a’m synnwyr i yw yr hyn a lunir yn fy ymadroddion.

¹³Mi a fum yn fynych mewn perigl marawolaeth, ac mi a achubwyd trwy râs Duw.

¹⁴Yspryt y rhai a ofnant yr Arglwydd a gaiff fyw.

¹⁵O blegit y mae eu gobaith hwynt ar eu Hachubwr.

¹⁶Yr hwn sydd yn ofni yr Arglwydd nid ofna ddim, ac ni ddychrynna, o blegit efe yw ei obaith ef.

¹⁷Gwyn ei fyd enaid y neb a ofno yr Arglwydd.

¹⁸I bwy y mae efe yn coelio? a phwy yw ei gadernid ef:

¹⁹Y mae llygaid yr Arglwydd ar y rhai ai carant ef yn amddeffynfa nerthol, ac yn gadernid siccr, yn gyscot rhag gwrês, ac yn gyscot rhag brydaniaeth hanner dydd, ac yn geidwad rhag tramgwyddo, ac yn help rhag syrthio.

²⁰Yr hwn sydd yn dderchafu yr enaid, ac yn llewyrchu y llygaid, ac yn rhoddi iechid, a bywyd, a bendith.

²¹Dirmygus yw offrwm yr hwn a abertho dda anghyfiawn, ni byddir bodlon i roddion y rhai anwir.

²²Nid yw y Goruchaf fodlon i offrymmau yr annuwiol, ac nid am lawer o aberthau y maddeu efe bechod.

²³Megis vn yn lladd y mab o flaen y tad yw’r yr hwn a offrymmo aberth o dda y tylodion.

²⁴Bywyd y tlodion yw bara yr anghenus, a dŷn gwaedlyd yw yr hwn trwy dwyll ai dygo ef.

²⁵Lladd ei gymmydog y mae yr hwn a ddygo ei luniaeth ef.

²⁶A thywallt gwaed y mae yr hwn a dwyllo y gwâs cyflog am ei gyflog.

²⁷Pan fyddo vn yn adailadu, ac arall yn tynnu i lawr, pa fudd a gânt hwy ond poen:

²⁸Pan fyddo vn yn gweddio ag arall yn melldithio, lleferydd pa vn a wrendu yr Arglwydd:

²⁹Y neb a ymolcho wedi cyffwrdd ar marw, ac a gyffyrddo, ac ef eil-waith: pa fudd a gaiff efe oi ymolchiad:

³⁰Felly y dŷn a ymprydio o blegit ei bechodau, ac a aiff trachefn, ac ai gwna hwynt, pwy a wrendu ar ei weddi ef: a pha fudd fydd iddo ef am ymddarostwng?