Read William Morgan Bible 1588 original edition Ecclesiasticus 35 Bible Online

Ecclesiasticus 35 - William Morgan Bible 1588 original edition bible

Ecclesiasticus 35

¹I ba aberthau y mae Duw bodlon. 14 Gweddi yr ymddifad a’r weddw a’r gostyngedic. Y Mae y neb sydd yn cadw y gyfraith yn dwyn digon o offrymmau.

²Y neb sydd yn dilyn y gorchymynnion sydd yn aberthu iechydwriaeth.

³Ac y mae yr hwn a dalo ddiolch megis yn offrymmu peillied, ar hwn a roddo elusen yn aberthu moliant.

⁴Ewyllys yr Arglwydd yw troi oddi wrth ddrygioni: a bodloni yw ymado ag anghyfiawnder.

⁵Nac ymddangos ger bron yr Arglwydd yn wag-law.

⁶O blegit hyn oll a wneir o achos y gorchymyn.

⁷Y mae offrwm y duwiol yn gwneuthur yr allor yn frâs, a pheraidd yw ei arogl ef ger bron y Goruchaf.

⁸Aberth y gŵr cyfiawn sydd gymeradwy, ac nis gollyngir tros gof ei goffadwriaeth ef.

⁹Gogonedda Dduw yn ewyllyscar, ac na ddod flaen-ffrwyth dy ddwylo yn brin.

¹⁰Dangos dy wyneb yn llawen ym mhob rhodd: a chyssegra dy ddecfed yn siriol.

¹¹Dod i’r Arglwydd megis y rhoddes yntef i tithe, ac fel y mae dy allu yn ewyllyscar.

¹²O blegit diolchgâr yw yr Arglwydd, ac efe a dâl saith gymmaint: na wna dy rodd yn brinnach.

¹³Na phrinhâ mo’th offrwm, canys ni dderbyn efe mo honaw: ac nac edrych ar aberth anghyfiawn.

¹⁴O blegit yr Arglwydd sydd farn-wr, ac nid yw efe yn ystyried wyneb neb.

¹⁵Nid ystyria efe berson yn erbyn y tlawd, eithr efe a wrendu weddi y gorthrymedic.

¹⁶Ni ddiystyra efe ddeisyfiad yr ymddifad na’r weddw, pan dywallto hi ei gweddi.

¹⁷Onid yw dagrau y weddw yn descyn ar ei gruddiau hi, ai llefain yn erbyn y neb sydd yn eu peri:

¹⁸Yr hwn a addôlo [Dduw] a fydd cymmeradwy, ai weddi ef a gyredd hyd y cwmylau.

¹⁹Gweddi y gostyngedic a aiff trwy y cwmylau, ac nis diddenir hi nes ei dyfod yn agos, nid ymmedu hi nes i’r Goruchaf edrych arni hi a barnu y cyfiawn, a gwneuthur barn.

²⁰A’r Arglwydd nid oeda, ac nid erys y cadarn wrthynt hwy, nes dryllio cefn y rai creulon.

²¹A rhoddi dial ar y cenhedloedd a dwyn ymmaith luosogrwydd y rhai trahaus, a dryllio lwynau y rhai anghyfiawn.

²²Nes iddo ef dalu i [bob] dŷn yn ôl eu haeddedigaethau: a gobrwyo dynion yn ôl eu meddyliau.

²³Nes iddo farnu ei bobl, ai llawenychu hwynt ai drugaredd ef.

²⁴Mor hyfryd yw trugaredd yn amser adfyd: fel y cwmylau glaw yn amser sychder.