Read William Morgan Bible 1588 original edition Ecclesiasticus 36 Bible Online

Ecclesiasticus 36 - William Morgan Bible 1588 original edition bible

Ecclesiasticus 36

¹Gweddi y ffyddloniaid yn erbyn gelynnion yr eglwys. 22 Clôd gwraig dda. Cymmer drugaredd arnom ni ô Arglwydd, Duw pawb, ac edrych.

²A gyrr dy ofn ar y cenhedloedd y rhai ni’th geisiasant.

³Cyfot di law ar y cenhedloedd dieithr: gâd iddynt weled dy allu di.

⁴Megis i’th sancteiddir yn ein mysc ni ger eu bron hwynt, felly mawrhaer di yn eu mysc hwythau ger ein bron ninnau.

⁵Fel i’th adwaenant megis yr ydym ninnau yn dy adnabod, canys nid oes Duw ond tydi oh Arglwydd.

⁶Adnewydda yr arwyddion, a chyfnewidia y rhyfeddodau.

⁷Dangos dy law a’th ddeheu-fraich yn ogoneddus, fel y mynegant dy wrthiau.

⁸Cyffroa dy lid a thywallt dy ddigter.

⁹Cymmer y gwrthwynebwr ymmaith a dryllia y gelyn.

¹⁰Gwna i’r amser ddyfod yn fuan, cofia y digofaint fel i’th ddadcano dy ryfeddodau di.

¹¹Gâd i ddigofaint tanllyd ddifa y neb a ddiango, a chaffed y rhai a wnant niwed i’th bobl eu difetha.

¹²Dryllia bennau tywysogion y cenhedloedd y rhai a ddywedant, nid oes ond nyni.

¹³Cascl holl lwythau Iacob, a chymmer di hwynt yn etifeddiaeth i ti megis o’r dechreuad.

¹⁴Oh Arglwydd trugarha wrth y bobl y rhai a elwir ar dy enw di, ac wrth Israel yr hwn a elwaist di yn gyntaf-anedic.

¹⁵Tosturia wrth Ierusalem dinas dy gyssegr, a’th orphywysfa dy hun.

¹⁶Llanw Sion â’th anfeidrawl rinweddau, a’th bobl â’th ogoniant.

¹⁷Dod destiolaeth i’r pethau a greaist ti yn y dechreuad, a chyfot brophwydi yn dy enw.

¹⁸Dod wobr i rhai ydynt yn aros wrthit ti, a chaffer dy brophwydi di yn ffyddlon.

¹⁹Gwrando ô Arglwydd weddiau dy weision tros dy bobl yn ôl bendith Aaron i’r bobl fel y gwypo y rhai oll a ydynt ar y ddaiar dy fod ti yn Arglwydd tragywyddol.

²⁰Y bol a dreulia bob bwyd, ond y mae rhyw fwyd yn well na bwyd arall.

²¹Y genau a edwyn fwyd hela, felly yr edwyn calon gall eiriau celwyddoc.

²²Calon wrthnysig a bair dristwch, ond dyn a ŵyr lawer a feddiginiatha hynny.

²³Gwraig a dderbyn bob gŵr: eithr y mae rhyw ferch yn well na merch arall.

²⁴Tegwch gwraig a lawenycha wyneb ei gŵr, ac a ddwg i ddŷn yr hyfrydwch mwyaf.

²⁵Os bydd yn ei thafod hi [ymmadrodd] trugaroc, llednais, ac iachol, nid fel eraill y mae ei gŵr hi.

²⁶Y mae perchen gwraig [dda] yn dechreu cael cyfoeth, sef help fel ef ei hun, a cholofn gorphywysdra.

²⁷Lle nid oes cae yr anrheithir y cnwd, ac lle nid oes gwraig yr ochneidia vn dā gyrwydro.

²⁸Pwy a goelia williad wedi ymdaclu, ac yn gwibio o ddinas i ddinas: felly y mae am y dŷn nid oes ganddo nyth, eithr lletteu ym mha le bynnac yr elo hi yn nos arno ef.