Read William Morgan Bible 1588 original edition Ecclesiasticus 37 Bible Online

Ecclesiasticus 37 - William Morgan Bible 1588 original edition bible

Ecclesiasticus 37

¹Pa fodd y mae i ni adnabod ein cyfeillion a’n cynghorwyr, 12 Mai âr duwiol y dylem ni ymgyfeillach. Pob cydymmaith a ddywed, da gennif finne ef: eithr y mae cydymmaith yn vnic o enw.

²Onid erys tristwch hyd angeu, pan droo cyfaill neu gydymmaith i fod yn elyn:

³O ryfyg drygionus, o ba le yr ymdreiglaist ti i orchguddio y ddaiar â thwŷll:

⁴Rhyw gyfaill a wna yn lawen gyd ai gydymmaith yn ei lawenydd, ac a fydd yn ei erbyn ef yn amser adfyd.

⁵Rhyw gyfaill a gymmer boen gyd ai gydymmaith er mwyn ei fol, ond efe a gymmer darian yn erbyn y gelyn.

⁶Nac anghofia dy gydymmaith yn dy galon, eithr meddwl am dano ef pan fyddech yn gyfoethog.

⁷Na ymgynghora a’r hwn sydd yn dy wilied di, eithr cêl dy gyfrinach rhag y rhai sy yn cenfigennu wrthit ti.

⁸Pob cynghorwr a genmyl ei gyngor: ac y mae a gynghora ar ei fudd ei hun.

⁹Cadw dy feddwl oddi wrth dy gynghorwr, a myn wybod yn gyntaf pa raid fydd i ti wrtho ef (o blegit y mae efe [ond odit] yn cynghori trosto ei hun) rhag iddo dy fradychu di:

¹⁰A dywedyd wrthit ti, da yw dy ffordd, ac yna sefyll gyferbyn â thi i weled beth a ddigwyddo i ti.

¹¹Na ymgynghora âr neb a’th amheuo di: a chêl dy gyfrinach oddi wrth y rhai a genfigennant wrthit,

¹²Nag â gwraig am yr hon y mae eiddigedd rhyngthi hi â hi, nag â’r llwfr am ryfel, nac a’r marchnadwr am gyfnewid, nac a’r prynnwr am werthu, nac a’r cenfigennus am ddiolchgarwch, nac a’r anrhugaroc am gymwynas.

¹³Nac a’r diog am ddim gwaith, nac a’r gwâs a gyfloger tros flwyddyn am orphen peth, nac â gwas diog am lawer o waith.

¹⁴Na ddisgwil wrth y fath hyn am ddim cyngor.

¹⁵Eithr bydd yn fynych gyd â gŵr duwiol yr hwn a wyddost ti ei fod yn cadw gorchymynnion yr Arglwydd,

¹⁶Yr hwn a fyddo yn ei feddwl fel dy feddwl dithe, yr hwn os tramgwyddi di a gydofidia â thi.

¹⁷Cadw dy gyfrinach yn dy galon: o blegit nid oes neb ffyddlonach i ti nâ honno.

¹⁸Canys y mae meddwl dyn yn arfer weithieu o fynegu mwy na saith o wilwyr yn eistedd mewn twr gwilio vchel.

¹⁹Ac o flaen hyn oll gweddia ar y Goruchaf ar i wirionedd gyfarwyddo dy ffordd di

²⁰Dechreuad pob gwaith yw ymadrodd, ac o flaen pob gweithred [aed] cyngor.

²¹Arwydd cyfnewidiad llawenydd yw ’r wyneb, a phedwar peth sydd yn codi da a drwg, enioes ac angeu, a’r tafod sydd yn llywodraethu yn wastad arnynt hwy.

²²Y mae rhyw wr dichellgar yn dyscu llawer eraill, ac yn amhroffidiol iw enaid ei hun.

²³Y mae vn atcâs doeth o eiriau: gan hwnnw nid oes dim doethineb.

²⁴O blegit ni roddes yr Arglwydd râs iddo ef, canys efe a adawyd heb bob doethineb.

²⁵Rhyw vn sydd gall iw enaid ei hun, a ffrwyth ei synnwyr ef sydd ganmoladwy yn y genau.

²⁶Gwr doeth a ddysc ei bobl, a ffrwyth ei synnwyr ef ydynt siccr.

²⁷Gwr doeth a gaiff ddigon o fendith, a’r rhai oll ai gwelant ef ai cyfrifant ef yn happus.

²⁸Oes gŵr sydd yn rhifedi ei ddyddiau ef, a dyddiau Israel ydynt anifeiriol.

²⁹Y doeth a etifedda ogoniant ym mysc ei bobl, ai enw a fydd byth.

³⁰Fy mab prawf dy enaid tra fyddech byw: gwêl yr hyn sydd ddrwg iddo, ac na âd iddo ei wneuthur ef.

³¹Nid yw pob peth yn fuddiol i bawb, ac nid yw pob enaid yn fodlon i bob peth.

³²Na ymlanw â phob dainteithion, ac na ruthra i fwyd.

³³O lawer o fwyd y daw clefydau, ac ymlenwi a ddaw i ormod gwrês.

³⁴Trwy ormodedd y bu feirw llawer, ond yr hwn a ymgeidw a estyn ei hoedl.