Read William Morgan Bible 1588 original edition Ecclesiasticus 39 Bible Online

Ecclesiasticus 39 - William Morgan Bible 1588 original edition bible

Ecclesiasticus 39

¹Cynneddfau y doeth i o Godidawgrwydd gweithredoedd yr Arglwydd 24 Bod pob peth er budd a lles ir duwiol ac er afles a niwed i’r annwiol. Hwnnw a gais ddoethineb y rhai oll a fuant gynt, ac a dreulia ei amser yn y prophwydi.

²Efe a geidw eiriau gwŷr enwoc, ac a aiff i drofeuydd dammegion.

³Efe a gais ddirgelwch diharebion, ac a erys yn wastadol yng-haled gwestiwnau dammegion.

⁴Efe a wasanaetha ym mysc pendefigion ac a ymddengys yng-ŵydd tywysogion.

⁵Efe a aiff i wlâd cenhedloedd dieithr, ac a fyn ŵybod pa dda a pha ddrwg sydd ym mysc dynion.

⁶Efe a rydd ei feddwl ar fyned yn foreu ac yr Arglwydd yr hwn ai gwnaeth ef, ac efe a weddia ger bron y Goruchaf.

⁷Efe a egur ei enau mewn gweddi, ac a weddia tros ei bechodau.

⁸Pan fynno yr Arglwydd mawr, efe a lenwir ag yspryt deall,

⁹Efe a draetha ei eiriau doethion, ac yn ei weddi efe a folianna yr Arglwydd.

¹⁰Efe a gyfarwydda ei gyngor, ai ŵybodaeth ef, ac a feddylia am ei ddirgelwch ef.

¹¹Efe a ddengys athrawiaeth ei ddysceidiaeth, ac a lawenycha yng-hyfraith cyfammod yr Arglwydd.

¹²Llawer a ganmolant ei synnwyr ef, ac ni’s deleir hi byth:

¹³[Nid] ymmedu ei goffadwriaeth ef, eithr ei enw a beru yn oes oesoedd.

¹⁴Cenhedloedd a fynegant ei ddoethineb ef, a’r gynnulleidfa a draetha ei glôd ef.

¹⁵Tra parhao, efe a âd enw gwell na mil [eraill,] ac pan fyddo efe marw efe a bair iddo ei hun glôd.

¹⁶Mynegaf etto yr hyn a feddyliais, o blegit yr ydwyf fi mor llawn a’r lleuad yn y llawn lloned.

¹⁷Gwrandewch arnafi chwi rai sanctaidd, blodeuwch fel rhosyn wedi ei blannu wrth afon mewn maes.

¹⁸A dygwch flodau fel gardd lili, rhoddwch arogl a chênwch fawl,

¹⁹Clôdforwch yr Arglwydd am ei holl weithredoedd, gan ganu â gwefusau ac â thelynau, a dywedwch yn eich clôdforedd,

²⁰Holl weithredoedd yr Arglwydd ydynt dda odiaeth, ai holl orchymynnion ef ydynt mewn prŷd: nid rhaid dywedyd beth yw hyn: mewn prŷd y ceisir hyn holl:

²¹Wrth ei air ef yr oedd y dwfr fel mur, a’r llynnau dyfroedd wrth air ei enau ef.

²²Yn ei orchymmyn ef y mae pob dim a ryglydda bodd, a phwy a ddichon lleihau ei iechydwriaeth ef:

²³Gweithredoedd pob cnawd ydynt ger ei fron ef, ac ni ellir cuddio dim oi olwg ef.

²⁴Y mae efe yn edrych o dragywyddoldeb hyd dragywyddoldeb, ac nid oes dim rhyfedd ger ei fron ef,

²⁵Nid rhaid gan hynny dywedyd beth yw hyn: o blegit efe a wnaeth bob peth ir peth y mae yn rhaid wrthynt hwy.

²⁶Ei fendith ef a orchguddia fel afon, ac a ddwfrha y ddaiar fel llif.

²⁷Fel y try efe y dyfroedd yn dir cras-poeth: felly y caiff y cenhedloedd ei ddig ef yn etifeddiaeth.

²⁸Ei ffyrdd ef ydynt iniawn i’r rhai sanctaidd, a thramgwydus i’r anwir.

²⁹Pethau da a grewyd o’r dechreuad i’r rhai da, a phethau niweidwl i bechaduriaid.

³⁰Y pethau pennaf o anghenrheidiau bywyd dŷn yw dwfr, tân, a haiarn, a halen, a blawd gwenith, a llaeth, a mêl, a gwîn, ac olew, a dillad.

³¹Y rhai hyn oll ydynt dda i’r duwiol, felly y troir hwynt yn niwed i’r pechaduriaid.

³²Y mae ysprydion a wnaed er dialedd, ac yn eu dig y cryfhaant hwy eu ffrewyllau: yn y diwedd bwy a dywalltant ddigter ac a ostegant lid yr hwn ai gwnaeth hwynt.

³³Tân a môr, a newyn a marwolaeth, y rhai hyn oll a wnaed er dialedd.

³⁴Dannedd bwyst-filod, ac scorpionau, a gwiberod, a’r cleddyf ydynt yn dial er dinistr ar yr annuwolion.

³⁵Byddant lawer pan gyfodo efe.

³⁶A pharod fyddant hwy ar y ddaiar pan fyddo rhaid wrthynt hwy, a phan ddelo eu hamser nid ant hwy tros y gorchymyn.

³⁷Am hynny yr ymnerthais i o’r dechreuad, ac a feddyliais, ac [ai] gadewais mewn scrifen.

³⁸Holl waith yr Arglwydd ydynt dda, ac hwy a geir wrth bob rhaid yn eu hamser.

³⁹Ni ellir dywedyd, gwaeth yw hyn nâ hyn accw: o blegit cymmeradwy fydd pob vn yn ei amser.

⁴⁰Am hynny yn awr âr galon oll ac a’r genau, canmolwch a chlodforwch enw yr Arglwydd.