Read William Morgan Bible 1588 original edition Ecclesiasticus 40 Bible Online

Ecclesiasticus 40 - William Morgan Bible 1588 original edition bible

Ecclesiasticus 40

¹Amryw drueni dyn. 11 Syccrwydd ffydd 14 Braint y rhai duwiol, a rhagoriaeth ofn yr Arglwydd. Blinder mawr a grewyd i bob dŷn, ac iau drom sydd ar feibion dynion, o’r dydd y delont hwy o groth eu mam, hyd y dydd y dychwelant hwy i fam pob peth.

²[Sef] eu meddyliau, ai braw calon, eu dychymygion am y pethau y maent hwy yn eu disgwil, ai dydd diwedd.

³O’r hwn sydd yn eistedd ar deyrn-gader gogoniant, hyd yr iselradd yr hwn sydd yn y pridd a’r lludw.

⁴O’r hwn sydd yn dwyn porphor a choron hyd yr hwn a wisc liain cri,

⁵Y mae dig a chenfigen, blinder a helbul, ac ofn marwolaeth, a llid, ac ymryson: ac yn amser cymmeryd esmwythdra yn ei wely, ei gwsc liw nos a newidia ei wybodaeth ef.

⁶Megis yn nydd amser gwilio felly yn ei gwsc ychydig neu ddim yw ei esmwythdra ef.

⁷Efe a gythryblir yn ei galon megis vn yn ffoi o flaen rhyfel, ac yn amser ei iechid efe a ddeffru, ac a ryfedda nad oedd yr ofn ddim.

⁸[Felly y mae] i bob cnawd yn ddyn ac yn anifail, ac i bechaduriaid y mae saith mwy na hyn.

⁹[Heb law hyn y mae] marwolaeth, gwaed, ymryson, y cleddyf, gorthrymder, newyn, dinistr, a ffrewyll, yn erbyn yr annuwiol y gwnaed hyn oll, ac er eu mwyn hwy y bu y diluw.

¹⁰Pob peth a ddelo o’r ddaiar a ddychwel i’r ddaiar, ac o’r dyfroedd y troir i’r môr.

¹¹Pob gwobr ac ang-hyfiawnder a ddeleuir,

¹²A ffydd a beru hyd byth bythoed.

¹³Golud y rhai ang-hyfiawn a aiff yn ddispudd fel afon: ac a wna dwrwf fel taran fawr ar law.

¹⁴[Y cyfiawn] a fydd llawen, pan agoro efe ei law: felly y derfydd am y troseddwŷr pan ddarfyddo eu golud hwynt.

¹⁵Hiliogaeth yr annuwiol ni byddant ganghennog: a’r gwraidd aflan ydynt ar ddibin y graig.

¹⁶Y gwellt glâs wrth bob dwfr ac ynglan yr afon a dynnir o flaen pob gwellt.

¹⁷Caredigrwydd sydd fel gardd baradwysaidd o fendithion: a thrugaredd a beru byth.

¹⁸Melus yw buchedd yr hwn a weithio ac a fyddo bodlon iw gyflwr, gwell na’r ddau yw yr hwn a gaffo y tryssor.

¹⁹Plāta ac adailadu ddinas a siccrha enw:

²⁰Gwin a cherdd a lawenycha y galon, felly y gwna hoffi doethineb yn fwy na’r ddau.

²¹Pibell a psaltring a wnant gynghanedd felus: a thafod mwyn sydd well na’r ddau.

²²Prŷd a thegwch a chwennych llygad: er hynny gwell yw egin glâs na’r ddau.

²³Cyfaill a chydymmaith a gyfarfyddant mewn pryd, gwraig gyd â ei gŵr sydd well na’r ddau.

²⁴Brodyr a chymmorth ydynt dda yn amser adfyd, eithr elusen a wareda yn fwy na’r ddau.

²⁵Aur ac arian a sefydlant y troed, a chyngor sydd gymmeradwyach na’r ddau.

²⁶Golud a chryfder a dderchafant y galon, ac ofn yr Arglwydd yn fwy na’r ddau:

²⁷Nid oes eisieu yn ofn yr Arglwydd, ac nid rhaid iddo ef geisio help.

²⁸Paradwysaidd ardd y fendith yw ofn yr Arglwydd, ac efe ai gorchguddiodd hi tu hwnt i bob gogoniant.

²⁹Fy mab na fydd fyw yn westai, gwell yw marw nâ gwesta.

³⁰Nid yw bywyd yr hwn a edrych ar fwrdd gŵr arall iw chyfrif yn fywyd, efe a ddifwyna ei enaid am fwyd eraill.

³¹Eithr y gŵr call a ddyscwyd yn dda a ymochel.

³²Melus yw cardotta yng-enau y digywilydd, ond yn ei fol ef y llysc tân.