Read William Morgan Bible 1588 original edition Ecclesiasticus 41 Bible Online

Ecclesiasticus 41 - William Morgan Bible 1588 original edition bible

Ecclesiasticus 41

¹Am ofn angeu, 8 ac am gospedigaeth y rhai annuwiol. Oh angeu mor chwerw yw meddwl am danat ti i’r dŷn a fyddo yn ceisio heddwch yn yr hyn a fyddo ganddo ef?

²I’r gŵr a fyddo dihelbul, ac yn llwyddiannus ym mhob peth, ac i’r hwn a ddichon etto gymmeryd ei fwyd?

³Oh angeu mor dda yw dy farn di i’r anghenus, ac i’r gwan:

⁴Ac i’r hen ddihenudd, ac i’r hwn sydd yn ofalus am bob peth, ac i’r anobeithiol, ac i’r anioeddefgar?

⁵Nac ofna angeu, cofia yr hyn a fu o’th flaen di, ac a fydd ar dy ôl di: dymma farn yr Arglwydd ar dy cnawd di.

⁶Pa ham y gwrthwynebi di ewyllys y Goruchaf: pa vn bynnac ai dec ai cant ai mîl o flynyddoedd [a roddo efe.]

⁷Nid oes cerydd yn vffern am fyw.

⁸Plant ffiaidd yw plant pechaduriaid: fel y mae y rhai a ydynt yn byw yn agos i’r annuwiol.

⁹Etifeddiaeth plant annuwiol a ddifethir, a chyd ai hiliogaeth hwynt yr erys gwradwydd yn wastad.

¹⁰Rhag tâd annuwiol yr achwyn y plant: o blegit hwy a wradwyddir oi achos ef.

¹¹Gwae chwi wŷr annuwiol y rhai a adawsoch gyfraith y Duw goruchaf: o blegit er eich amlhau, chwi a ddifethir.

¹²A phan aner chwi a enir i felldith, ac os meirw fyddwch chwi, i felldith y rhoddir chwi yn rhan.

¹³Aiff pob peth i’r ddaiar a ddelo o’r ddaiar, felly yr aiff yr annuwiol i ddestruw.

¹⁴Galar dynion fydd am eu cyrph, ond enw dynion a ddeleuir pan nid yw efe dda.

¹⁵Bydd ofalus am enw da: canys hwnnw a erys gyd â thi yn hwy na mîl o dryssorau mawrion o aur.

¹⁶Buchedd dda a gaiff nifer o ddyddiau, ac enw da a beru byth.

¹⁷Fy meibion cedwch ddoethineb mewn heddwch.

¹⁸Am ddoethineb wedi ei chuddio, a thryssor heb ei weled pa fudd sydd o’r ddau:

¹⁹Gwell yw ’r dŷn a guddio ei ffolineb na’r dyn a guddio ei ddoethineb.

²⁰Gwladeiddied gan hynny o herwydd fyng-air i: o blegit nid da yw cadw pob gwladeidd-dra, ac ni chymmer pawb fod pob peth yn ffyddlon.

²¹Cywilyddiwch yng-ŵydd tâd a mam am odineb, ac yng-ŵydd tywysog neu bendefig am gelwydd.

²²Am fai o flaen yr ynad a’r tywysog, am anwiredd yng-wydd y gynnulleidfa a’r bobl,

²³Ac am anghifiawnder yng-wydd cydymmaith a chyfaill.

²⁴Felly am ledrad lle y byddech yn aros ond am wirionedd Duw ai gyfammod [na fydded arnat gywilydd, eithr cywilyddia am benlino ar y bara, a phan i’th gerydder di am roddi a derbyn.

²⁵Yr vn modd am dewi wrth y rhai a’th gyfarchant, ac am edrych ar wraig butteinig ni byddo eiddo ti, ac am droi [dy] wyneb oddi wrth ŵr bonheddig:

²⁶Am ddwyn rhodd neu ran [neb,] ac am roddi serch ar wraig gŵr priod, ac am arfer maswedd â morwyn, am hynny na saf wrth ei gwely hi,

²⁷[Bydded yn gywilydd gennit] edliw i’th gydymmaith, ac na ddannod wedi rhoddi,

²⁸Ac am adrodd drachefn yr hyn a glywech, a dadcuddio cyfrinach: felly y byddi di yn iawn gywilyddgar, ac y cei di ffafor gan bob dŷn.