Read William Morgan Bible 1588 original edition Ecclesiasticus 42 Bible Online

Ecclesiasticus 42 - William Morgan Bible 1588 original edition bible

Ecclesiasticus 42

¹Chwaneg o’r pethau nid rhaid i ddyn mor cywilydd o honynt, 9 am ferch gwr ai wraig, 15 anfeidrol wybodaeth Duw. Nac ystyr berson i bechu, ac na fydded arnat gywilydd am y pethau hyn:

²Sef am gyfraith y Goruchaf, ai gyfammod, nac am y farn a wnêl i’r annuwiol fod yn gyfiawn:

³Am ystyried wrth dy gyfeillion, ac ymdeith-wŷr, nac am rannu etifeddiaeth rhwng cyfeillion:

⁴Am fod yn ofalus am gloriannau a phwysau, nac am feddiannu llawer neu ychydig:

⁵Am iniondeb yn prynu a gwerthu, nac am ddyscu llawer ar blant, nac am dynnu gwaed o ystlys gwâs drwg.

⁶Da yw selio rhag gwraig ddrwg, a chloi lle y byddo llawer o ddwylo.

⁷Pan roddech beth at arall, dod tann rif a phwys, dod a derbyn wrth scrifen.

⁸Trwy ddyscu yr anoeth a’r angall a’r cleiriach a ymrysono ag ieuenetid y byddi di wîr ddyscedic a chymeradwy ger bron pob dŷn byw.

⁹Merch a bair iw thâd wilied yn ddirgel, ai ofal ef am dani hi a luddia ei gwsc ef, rhag iddi nac yn ei hieuengtid flodeuo yn rhy fuan, na chael ei chasau wrth gyttal.

¹⁰Rhag ei halogi hi yn ei morwyndod, ai beichiogi yn nhŷ ei thâd, ac iddi wneuthur bai pan fyddo gyd â gŵr, ac er cyttal fod yn ammhlantadwy.

¹¹Cadw yn sicer ferch wammal rhag iddi wneuthur dy elynnion yn llawen, a pheri i’r ddinas sôn am danat, ac i’r bobl feio arnat, a’th wradwyddo ym mysc pobl lawer.

¹²Nac eyrych ar degwch pob dŷn, ac nac aros ym mysc gwragedd.

¹³O blegit o ddillad y daw gwyfyn: a drygioni gwraig o wraig.

¹⁴Gwell yw gŵr drygionus na gwraig fuddiol, [sef] gwraig yr hon a wradwydda yn ddanodus.

¹⁵Mi a gofiaf weithredoedd yr Arglwydd, ac a fynegaf yr hyn a welais: yng-eiriau yr Arglwydd [y ceir] ei weithredoedd ef.

¹⁶Pan oleno yr haul efe a oleua ar bob peth: felly y mae gwaith yr Arglwydd yn llawn oi ogoniant ef.

¹⁷Oni wnaeth yr Arglwydd iw rai sanctaidd fynegu ei holl ryfeddodau ef, y rhai a siccrhaodd yr Holl-alluoc, fel y bydde pob peth yn siccr yn ei ogoniant ef:

¹⁸Y mae efe yn chwilio y dyfnder allan, a’r galon, ac yn deall eu cyfrwysdra hwynt y mae y Goruchaf.

¹⁹Canys y mae y Goruchaf yn gwybod gwybodaeth, ac yn gweled arwyddion yr amseroedd, y mae efe yn mynegu pethau a fuant a phethau a fyddant, ac yn dadcuddio ôl pethau dirgel.

²⁰Nid aiff vn meddwl heibio iddo ef, ac ni bydd vn gair yn guddiedic oddi wrtho ef.

²¹Efe a harddodd fawredd ei ddoethineb, ac y mae efe o dragywyddoldeb i dragywyddoldeb.

²²Ni ellir estyn etto ef na thynnu oddi wrtho ef: nid rhaid iddo ef wrth gyngor neb.

²³Mor hyfryd yw ei holl wethredoedd ef, îe hyd yn oed gwreichionen fe a ellir gweled.

²⁴Y mae y rhai hyn oll yn byw, ac yn parhau byth, a pha bryd bynnac y mae yn rhaid wrthynt hwy, y maent hwy yn vfyddhau oll.

²⁵Y maent hwy oll yn ddau ddyblyg, y naill ar gyfer y llall, ac ni wnaeth efe ddim a diffic arno.

²⁶Y mae y naill yn siccrhau daioni y llall, a phwy a gaiff ddigō o edrych ar ei ogoniant ef: