Read William Morgan Bible 1588 original edition Ecclesiasticus 43 Bible Online

Ecclesiasticus 43 - William Morgan Bible 1588 original edition bible

Ecclesiasticus 43

¹Godidawgrwydd amryw creaturiaid Duw. Gogoniant yr vchelder yw ’r furfafen hyfryd, yn yr olwg ar ei ogoniant ef y mae tegwch y nefoedd.

²Y mae yr haul hefyd wrth ymddangos yn mynegu am [Dduw gogoneddus] mai offeryn rhyfedd yw gwaith y Goruchaf.

³Ar hanner dydd fe a lysc y wlad, a phwy a ddichon aros ar gyfer ei wrês ef:

⁴Y mae vn yn cadw ffwrn yn boeth, tri mwy y llysc yr haul y mynyddoedd: gan chwythu allan angerdd tanllyd, a discleirio, âi belydr y mae efe yn dallu y llygaid.

⁵Mawr yw yr Arglwydd yr hwn ai gwnaeth ef, ac wrth ei orchymyn ef, efe a beidiodd ai daith.

⁶Y lleuad hefyd a wnaeth efe i sefyll yn ei hamser: i fod yn egluro yr amser, ac yn arwydd i’r byd:

⁷Wrth y lleuad y ceir gŵybod yr ŵyl, sef goleuni yn lleihau tu ar diwedd.

⁸Ar ei henw hi y mae y mis, ac efe a gynydda yn rhyfedd yn y cyfnewid.

⁹Y mae llu gwersyllol yn yr vchelder yn llewyrchu yn ffurafen y nefoedd.

¹⁰Disclairdeb y sêr sydd yn degwch i’r nefoedd, ac yn harddwch yn discleirio yn vchelder yr Arglwydd.

¹¹Wrth y gorchymyn sanctaidd y maent hwy yn sefydlu coll-farn yn eu defod, ac nid ydynt yn llosci yn eu gwiliadwriaeth.

¹²Gwêl yr enfys a chlodfora yr hwn ai gwnaeth hi, têg odieth yw hi yn ei disclaereb.

¹³Y mae hi yn amgylchu y nefoedd â chylch gogoneddus, dwylo yr Arglwydd ai hannelodd hi.

¹⁴Y mae efe wrth ei orchymyn yn gwneuthur i’r eira beidio, ac i daranau ei farn ef bryssuro.

¹⁵Am hynny yr ymegyr y tryssorau, ac yr hêd y cwmmylau fel adar.

¹⁶Yn ei fawredd y cadarnhaodd efe y cwmylau, ac y drylliwyd cerrig y cenllysc.

¹⁷Y mae twrwf ei daran ef yn cystuddio y ddaiar: a’r mynyddoedd a symmudant rhag ei olwg ef.

¹⁸Wrth ei ewyllys ef y chwyth y gwynt, a themhestl y gogledd wynt a’r trô-wynt.

¹⁹Y mae efe yn tanu eira fel adar yn ehedeg, ac fel locustiaid dinistriol y descyn efe.

²⁰Rhyfedd gan lygad [weled] tegwch ei wynder ef: a [phob] calon a ofna ei gafod ef.

²¹Efe a dywallt rew ar y ddaiar fel halen, ac wedi iddo ef rewi, y mae efe yn bîg llym.

²²Pan chwytho y gogleddwynt oer y rhewa [megis] grisial o’r dwfr, ac a orphywys ar bob llyn dwfr, ac a wisc y dyfroedd megis lluric.

²³Y mae efe yn difa y mynyddoedd, ac yn llosci y diffaethwch, ac yn diffoddi pob gwyrddlesni fel tân.

²⁴Meddiginiaeth rhag y cwbl yw cwmwl a ddelo ar frŷs, a gwlith a ddelo yn erbyn gwrês ac ai llawenycha hwynt.

²⁵Wrth yr hyn a ddychymygodd efe y llonyddodd efe y dyfnder, ac efe a blannodd ynysoedd yno.

²⁶Y rhai a hwyliant ar y môr a fynegant mor enbyd yw efe, a phan glywom ninnau a’n clustiau, nyni a ryfeddwn.

²⁷Yno y mae dieithr weithredoedd rhyfedd: pob amryw anifail a’r mor-feirch.

²⁸Trwyddo ef y mae ei angel ef yn cael hyffordd: a thrwy ei air ef y cyfāsoddwyd pob peth.

²⁹Nyni a ddywedwn lawer, er hynny ni chyrhaeddwn ni berffeithrwydd ymadrodd: efe yw ’r cwbl.

³⁰Pa fodd y gallwn ni ei ogoneddu ef, canys y mae efe o’r tu hwynt iw holl waith:

³¹Ofnadwy yw ’r Arglwydd a mawr odiaeth, a rhyfedd yw ei allu ef.

³²Pan ogoneddoch chwi yr Arglwydd derchefwch ef fwyaf ac y galloch, ac efe a ragora ar hynny.

³³A phan dderchafoch ef rhoddwch lawer o egni.

³⁴Na flinwch, canys ni chyrrheddwch chwi: pwy ai gwelodd ef, ac a fynega: a phwy ai mawryga ef megis y mae efe:

³⁵Y mae llawer peth mwy na hyn yn gudieddic: ychydic a welsom ni oi weithredoedd ef.

³⁶O blegit yr Arglwydd a wnaeth bob peth: ac i’r rhai duwiol y roddes efe ddoethineb.