Read William Morgan Bible 1588 original edition Ecclesiasticus 44 Bible Online

Ecclesiasticus 44 - William Morgan Bible 1588 original edition bible

Ecclesiasticus 44

¹Clôd Enoch, Noe ac Abraham. Canmolwn y gwŷr enwoc y rhai a oeddynt dadau i ni wrth hiliogaeth.

²Llawer o ogoniant a gafodd yr Arglwydd iw fawredd erioed trwyddynt hwy.

³Y rhai a lywodraethasant ar eu teyrnasoedd, ac a oeddynt wŷr enwoc o allu yn ymgynghori yn synhwyrol, ac yn treuthu prophwydoliaethau.

⁴Hwy a flaenorasant y bobl trwy gyngor a thrwy ddeall cyfraith y bobl: geiriau doethion oeddynt yn eu hathrawiaeth hwynt.

⁵Hwy a geisiasant allan felusdra cerdd, ac a draethasant ganiadau scrifennedic.

⁶Gwŷr cyfoethogion cedyrn o nerth a heddychlon yn eu cartref oeddynt hwy.

⁷Y rhai hyn oll yn eu cenhedlaethau a gawsant ogoniant, a gorfoledd yn eu dyddiau.

⁸Bu [rhai] o honynt hwy y rhai a adawsant enw [ar eu hôl] fel yn mynegu [eu] clôd [hwynt.]

⁹Bu hefyd rai heb fod coffa am danynt hwy, ac a ddifethwyd fel pe na’s buassent, ac a aethant fel pe na’s ganesid hwynt, ai plant gyd â hwynt.

¹⁰Eithr gwŷr trugarog oedd y rhai hyn, cyfiawnder pa rai ni’s anghofiir.

¹¹Gyd ai hiliogaeth hwynt yr erys etifeddiaeth dda: y mae eu hiliogaeth hwynt yn y cyfammod.

¹²Y mae eu hiliogaeth hwynt yn y cyfammod, ai plant hwynt gyd â hwythau.

¹³Byth y peru eu hiliogaeth ai gogoniant ni ddeleuir.

¹⁴Eu cyrph a gladdwyd mewn heddwch: ac y mae eu henw yn byw byth.

¹⁵Y bobl a fynegant eu doethineb hwy, a’r gynnulleidfa a draetha eu clôd hwynt.

¹⁶Enoch a ryglyddodd fodd i Dduw, ac a fudwyd ymmaith yn siampl o edifeirwch i’r cenhedlaethau.

¹⁷Noe a gafwyd yn berffaith [ac] yn gyfiawn: ac yn amser digter efe a wnaed yn gymmod.

¹⁸An hynny [pan] fu y diluw,

¹⁹Cyfammod tragywyddol a wnaed ag ef, na ddifethid pob cnawd trwy ddiluw [mwy.]

²⁰Abraham sydd dâd mawr i lawer o genhedloedd, ac ni chafwyd ei fath ef mewn gogoniant: efe a gadwodd gyfraith y Goruchaf, ac a ddaeth mewn cyfammod ag ef.

²¹Hefyd efe a osododd y cyfammod yn ei gnawd, ac wrth ei brofi, efe a gafwyd yn ffyddlon.

²²Am hynny y siccrhaodd efe iddo ef trwy lw: y bendithid y cenhedloedd yn ei hâd ef,

²³Yr amlheid ef fel llwch y ddaiar, ac y caent hwy etifeddu o fôr i fôr, ac o’r afon i eithaf y ddaiar.

²⁴Felly y siccrhaodd efe i Isaac (er mwyn Abraham ei dad) fendith pob dŷn a’r cyfammod, ac a wnaeth iddynt orphywyso ar ben Iacob.

²⁵Efe ai hadnabu ef gan ei fendithio, ac a roddodd iddo ef etifeddiaeth, ac a nailltuodd ei rān ef, ac ai rhānodd ym mysc y deuddec llwyth.

²⁶Ac efe a ddug allan o honaw ef wŷr trugarog, y rhai a gawsant ffafor yng-olwg pob dŷn.