Read William Morgan Bible 1588 original edition Ecclesiasticus 45 Bible Online

Ecclesiasticus 45 - William Morgan Bible 1588 original edition bible

Ecclesiasticus 45

¹Clôd Moses Aaron a Phinees. Moses yr hwn a oedd hoff gan Dduw a dynion, ac y mae ei goffadwriaeth yn fendigedic.

²Efe ai gwnaeth ef yn debyg i ogoniant y sainct, ac ai mawrygodd ef gan beri iw elynion ei ofni ef: trwy ei eiriau ef y gwnaeth efe i ryfeddodau beidio.

³Efe ai gwnaeth ef yn ogoneddus yng-olwg brenhinoedd, efe a roddes gyd ag ef orchymyn at ei bobl, ac a ddangosodd iddo ef ei ogoniant.

⁴Efe ai sancteiddiodd ef mewn ffydd a gostyngeiddrwydd, ac ai dewisodd ef o flaen pob dŷn.

⁵Efe a wnaeth iddo ef glywed ei lais ef, ac ai dug ef i’r cwmwl,

⁶Ac efe a roddes y gorchymynnion oi flaen ef, sef cyfraith bywyd a gŵybodaeth, efe a ddyscodd y cyfammod i Iacob, ai farnedigaethau i Israel.

⁷Efe a dderchafodd Aaron sanct, ei frawd ef; yr hwn a oedd debyg iddo ef o lwyth Lefi.

⁸Efe a siccrhaodd iddo ef gyfammod tragywyddol, ac a roddes iddo ef offeiriadaeth y bobl: efe ai gwnaeth ef yn ddedwydd mewn harddwch,

⁹Ac efe ai gwiscodd ef â gwisc ogoneddus efe ai gwiscodd ef â gorfoledd cyflawn, ac ai gwrgysodd ef ag offer cadernid,

¹⁰Llawdr-wisc, pais ac Ephod.

¹¹Efe ai hamgylchodd ef â phomgranadau [ac] â chlychau aur lawer o amgylch, i seiniopan gerdde efe, i wneuthur sŵn yr hwn a glywid yn y deml, ac i fod yn goffadwriaeth i feibion ei bobl ef.

¹²Ac â gwisc sanctaidd o aur, â sidan glâs, â phorphor, ac amryw waith, â dwyfronnec barn ag arwyddion gwirionedd,

¹³Ac â gwaith cywraint o scarlat ac â meini gwerthfawr wedi eu cerfio fel sêl, ai gosod mewn aur trwy waith eurych er coffadwriaeth: ac scrifen wedi ei cherfio yn ôl nifer meibion Israel.

¹⁴Ar y meitr [y gwiscase efe] goron o aur fel cerfiedic bortreiad sancteiddrwydd yn harddwch anrhydeddus, yn waith godidog, yn hyfryd i’r llygaid, yn hardd ac yn dêg.

¹⁵Ni bu y fath oi flaen ef,

¹⁶Ac er ioed ni wiscodd neb dieithr hwynt, eithr ei feibiō ef yn vnic, ai ŵyrion ef bob amser.

¹⁷Dwy waith yn y dydd yn wastadol y poeth offrymmid eu haberthau hwynt.

¹⁸Moses ai cyssegrodd ef, ac ai heneiniodd ag olew sanctaidd.

¹⁹Aeth yn gyfammod tragywyddol iddo ef, ac iw hâd cyhŷd ag y parhao y nefoedd, gael gwasanaethu iddo ef, ac offeiriadu hefyd a bendithio y bobl yn ei enw ef.

²⁰Efe ai dewisodd ef o flaen pob [dŷn] byw i offrymmu offrwm i’r Arglwydd a phêr arogldarth er coffadwriaeth, i wneuthur cymmod tros y bobl.

²¹Efe a roddes iddo ef ei orchymynnion ac yng-hyfammod y gyfraith awdurdod i ddyscu ei destiolaethau ef i Iacob, ac i egluro ei gyfraith ef i Israel.

²²Dieithriaid a safasant iw erbyn ef, ac a genfigennasant wrtho ef yn yr anialwch, (sef y gwŷr y rhai a oeddynt gyd â Dathan ac Abiram a chynulleidfa Core) mewn llid a digter.

²³Yr Arglwydd a welodd hyn, ac ni bu fodlon: eithr hwy a ddifethwyd yn llidiawgrwydd ei ddigter ef.

²⁴Efe a wnaeth arnynt hwy wrthiau gan eu difetha â flam dân.

²⁵Ac efe a roddes chwaneg o ogoniant i Aaron, ac a roddes iddo etifeddiaeth blaen ffrwyth, y cyntaf-anedic a rannodd efe iddo.

²⁶Yn gyntaf efe a arlwyodd iddo ef ddigon o fara: o blegit y maent hwy yn cael bwyta aberthau yr Arglwydd y rhai a roddes efe iddo ef, ac iw hâd.

²⁷Eithr ni roddes efe etifeddiaeth iddo ef o dir y bobl, ac nid oes iddo ef etifeddiaeth ym mysc y bobl: oblegit efe ei hun yw rhan ei etifeddiaeth ef.

²⁸Phinees mab Eleazar a oedd y trydydd mewn gogoniant: am iddo ef ddwyn zêl yn ofn yr Arglwydd:

²⁹A sefyll o honaw ef i fynu ag ewyllys da a pharod, a gwneuthur cymmod tros Israel, pan droasse y bobl ymmaith.

³⁰Am hynny y gwnaeth efe ag ef gyfammod heddychlon, y cae efe fod yn swyddog ar y cyssegr, ac ar ei bobl, fel y bydde braint yr offeiriadaeth iddo ef ac iw hâd byth.

³¹[Efe a wnaeth] gyfammod â Dafydd mab o lwyth Iuda, [y bydde] etifeddiaeth y brenin o fab i fab yn vnic: eithr etifeddiaeth Aaron a oedd iw hâd ef. Rhodded [Duw] ddoethineb yn eich calō chwi i farnu ei bobl ef yn gyfiawn fel na ddeleer eu daioni hwynt, ac [y coffânt hwy] ei ogonant ef trwy eu cēhedlaethau.