Read William Morgan Bible 1588 original edition Ecclesiasticus 46 Bible Online

Ecclesiasticus 46 - William Morgan Bible 1588 original edition bible

Ecclesiasticus 46

¹Clôd Iosua, Caleb a Samuel. Cryf mewn rhyfel oedd Iesus mab Nafe, dilynwr Moses mewn prophwydoliaethau.

²Yr hwn (yn ôl ei enw) a oedd fawr ei iechydwriaeth i etholedigion Duw i ymddial ar y gelynion a gyfodent iw herbyn hwynt fel y cae Israel ei etifeddiaeth.

³Pa ogoniant a gafodd efe yn derchafu ei ddwylo, ac yn tynnu ei gleddyf yn erbyn dinasoedd:

⁴Pwy a safodd felly oi flaen ef: canys efe oedd dywysog ar ryfel yr Arglwydd.

⁵Onid er ei fwyn ef y safodd yr haul, ac y gwnaed vn diwrnod cyhŷd â dau:

⁶Efe a alwodd ar y llywydd goruchaf, pan oedd y gelynion yn ei orthrymmu ef o bob parth a’r mawr Iôr ai gwrandawodd ef gan roddi cerrig cessair mawr odieth.

⁷Efe a ruthrodd ar y cenhedloedd â rhyfel, ac yn y goriwared efe a ddifethodd y gwrthwynebwŷr.

⁸Fel y galle y cenhedloedd adnabod ei arfogaeth ef, maio flaen yr Arglwydd yr oedd efe yn rhyfela, o blegit efe oedd yn ymlid ar ôl [vn] cadarn.

⁹Ynamser Môses hefyd y gwnaeth efe â Chaleb hefyd fab Iephun waith elusen, gau sefyll yn erbyn y gelynion, ac attal y bobl rhag pechu, a lluddio y grwgnach drygionus.

¹⁰Ac hwynt hwy ill dau a ddianghasant: o chwe chant mîl o wŷr traed, iw dwyn hwynt i mewn i’r etifeddiaeth, sef i’r wlâd a oedd yn llifeirio o laeth a mêl.

¹¹I Caleb hefyd y rhoddes yr Arglwydd gryfoer, ac efe a arhoes gyd ag ef hyd ei henaint fel yr aeth efe i vchelder y wlâd, ai hâd ef ai gorescynnodd yn etifeddiaeth.

¹²Fel y galle holl feibion Israel weled mai da yw dilyn yr Arglwydd.

¹³Y barnwyr hefyd bôb vn erbyn ei henw,

¹⁴Y rhai oll ni phutteiniodd eu calon, a pha rai bynnac ni throasant oddi wrth yr Arglwydd a ydynt yn caffael coffadwriaeth enwoc.

¹⁵Y mae eu hescyrn yn ireiddio yn eu lle, ac y mae eu henw hwynt yn cyfnewidio ym mhlant y rhai a gânt anrhydedd.

¹⁶Samuel y prophwyd yr hwn a oedd hoff gan yr Arglwydd a osododd frenhiniaethau, ac a eneiniodd dywysogion ar ei bobl.

¹⁷Trwy gyfraith yr Arglwydd y barnodd efe y gynnulleidfa, a’r Arglwydd a ystyriodd wrth Iacob.

¹⁸Y prophwyd a gafwyd yn ddiwyd wrth ei ffydd, ac efe a adnabuwyd wrth ei eiriau.

¹⁹Canys efe a alwodd ar yr Arglwydd galluoc, pan orthrymmodd y gelynnion ef o amgylch wrth offrymmu yr oen sugno.

²⁰A’r Arglwydd a daranodd o’r nefoedd, ac a wnaeth glywed twrwf ei daran a sŵn mawr.

²¹Felly y drylliodd efe dywysogion y Tyriaid a phenaethiaid y Philystiaid oll.

²²A chyn amser ei hîr hun, efe a destiolaethodd o flaen yr Arglwydd ai eneinioc, na ddygase efe o dda neb gymmaint, ac escid: ac nid achwynodd neb rhagddo ef.

²³Ac wedi iddo ef huno, efe a brophwydodd ac a ddangosodd i’r brenin ei ddiwedd, ac a dderchafoed ei lef o’r ddaiar gan brophwydo y deleid anwiredd y bobl.