Read William Morgan Bible 1588 original edition Ecclesiasticus 47 Bible Online

Ecclesiasticus 47 - William Morgan Bible 1588 original edition bible

Ecclesiasticus 47

¹Clôd Nathan, Dafydd, a Salomon. Wedi hyn y cyfododd y prophwyt Nathan yn nyddiau Dafydd.

²Fel y neilltuir y brasder oddi wrth yr offrwm: felly [y nailltuwyd] Dafydd oddi wrth feibion Israel.

³Ym mysc y llewod yr ymdeithiodd efe megis ym mysc mynnod: ac ym mysc yr eirth megis ym mysc ŵyn defaid.

⁴Oni laddodd efe gawr yn ei ieuengtid: ac oni thynnodd efe ymmaith wradwydd y bobl:

⁵Pan gyfododd efe ei law a charreg dafl: a bwrw i lawr falchder Goliah:

⁶Canys efe a alwodd ar yr Arglwydd goruchaf, ac yntef a roddes nerth iw ddeheulaw ef i ladd y dŷn cryf yn y rhyfel, fel y derchafe efe gorn ei bobl.

⁷Felly [y bobl] ai anrhydeddodd yntef â myrddiwn, ac ai canmolodd â chlôd fawr.

⁸Pan roddwyd iddo ef goron y gogoniant efe a drylliodd y gelynnion o amgylch, ac a ddifethodd y Philystiaid y rhai a oeddynt wrthwyneb-wyr [iddo] ac efe a ddrylliodd eu corn hwynt hyd onid yw efe felly etto.

⁹Yn ei holl waith y rhoddes efe glôdforedd i’r hwn sydd sanctaidd a goruchaf â geiriau anrhydeddus, ac âi holl galon y clodforodd,

¹⁰Ac y carodd efe yr hwn ai gwnaeth ef.

¹¹Ac efe a osododd gantorion o flaen yr allor, fel y cenio ei ganiadau ef yn felus ar dafod ac y clôdforent hwy [Dduw] bennydd âi caniadau.

¹²Efe a roddes drefn weddaidd am y gwiliau, ac a gymhwysodd yr amserau yn berffaith, fel y clôdforent hwy ei enw sanctaidd ef, ac y gwnaent iw gyssegr ef seinio yn foreu.

¹³Yr Arglwydd a ddeleuodd ei bechodau ef, ac a dderchafodd ei gorn ef byth, ac a roddes iddo ef gyfammod y frenhiniaeth, a gorseddfaingc gogoniant yn Israel.

¹⁴Ar ôl hwn y cododd mab doeth, ac a breswyliodd mewn ehangder trwyddo ef.

¹⁵Salomon a deyrnasodd mewn amser heddychlō, ac a oedd anrhydeddus: canys Duw a barase lonyddwch oi amgylch ef, fel yr adailade efe dŷ iw henw ef, ac y darpare gyssegr tros byth: mor ddoeth oedd efe yn ei ieuengtid:

¹⁶Ac mor llawn o synwyr fel llifeiriant:

¹⁷Dy enaid a orchguddiodd yr holl ddaiar ac ai llanwodd â chyffelybiaethau dammegol.

¹⁸Dy enw a aeth ym mhell i’r ynysoedd, a chu oeddit am dy heddwch.

¹⁹Ryfeddodd y gwledydd wrth dy ganiadau, a’th ddiharebion, a’th gyffelybiaethau, a’th ddeongliadau.

²⁰Trwy enw Arglwydd Dduw yr holl ddaiar, yr hwn a elwir dy Dduw di Israel,

²¹Y cesclaist ti aur fel alcam, ac y cefaist arian cyn amled a’r plwm, rhoddaist ormod serch ar wragedd,

²²Ti a orchfygwyd yn dy gorph.

²³Ti a anefaist dy ogoniant, ac a halogaist dy hiliogaeth, gan ddwyn digofaint yn erbyn dy blant, a dwyn gofid am dy ynfydrwydd: fel y rhannwyd y frenhiniaeth, ac y dechreuodd brenhiniaeth anufyddgar fod o Ephraim.

²⁴Er hynny ni adawe yr Arglwydd ei drugaredd, ac ni ddifethwyd ef am ei weithredoedd.

²⁵Ni ddeleue efe hiliogaeth ei etholedic, ac ni ddyge ymmaith eppil yr hwn ai care ef:

²⁶Eithr efe a adawodd weddill i Iacob, a gwreiddin i Ddafyd o honaw ef.

²⁷Yna Salomon a orphywysodd gyd ai dadau.

²⁸Ac a adawodd oi hiliogaeth ar ei ôl, ynfydrwydd y bobl, ac vn a difig synnwyr arno, yr hwn a yrrodd y bobl ymmaith âi gyngor:

²⁹Ac Ieroboam mab Nabat yr hwn a wnaethi Israel bechu, ac a roddes ffordd i Ephraim i bechu.

³⁰Ai pechodau hwynt a gynnyddasant mor ddirfawr hyd oni throdd efe hwynt allā o’r wlâd.

³¹[Ac] hyd oni ddaeth dig a dialedd arnynt hwy.