Read William Morgan Bible 1588 original edition Ecclesiasticus 5 Bible Online

Ecclesiasticus 5 - William Morgan Bible 1588 original edition bible

Ecclesiasticus 5

¹1 Ni ddylid gobeitho mewn golud. 7 Nac oedi edifeirwch. Nac edrychar dy olud, ac na ddywet, y mae gennif ddigon i fyw.

²Na ddilyn dy ewyllys dy hun, a’th gryfder dy hun i rodio yn ffyrdd dy galon dy hun.

³Na ddywet, pwy a’m darostwng i o herwydd fyng-weithredoedd, o blegit yr Arglwydd gan ddial a ddial dy draha di.

⁴Na ddywet, mi a bechais, a pha dristwch fu i mi, o blegit y mae yr Arglwydd yn ymarhous, [eithr] ni faddeu efe i ti.

⁵Na fydd ry ddifraw o herwydd maddeuant, i chwanegu pechodau ar bechodau.

⁶Ac na ddywet, aml yw ei drugaredd ef: efe a faddeu luosogrwydd fy mhechodau i.

⁷O blegit trugaredd a digofaint a fryssia ganddo ef, ai ddigofaint ef a orphywys ar bechaduriaid.

⁸Na fydd hwyrfrydig i droi at yr Arglwydd, ac nac oeda o ddydd i ddydd.

⁹O blegit yn ddisymmwth y daw digofaint yr Arglwydd a thra y byddech di yn ddifraw i’th ddryllir, a thi a ddifethir yn amser dialedd.

¹⁰Nac edrych ar olud anghyfiawn, o blegit ni fuddiant hwy yn amser cospedigaeth.

¹¹Na ymdro gyd â phob gwynt, ac na ddos ym mhob llwybr, felly [y gwna] y pechadur dau dafodioc.

¹²Bydd ddianwadl yn dy ddeall siccr, a bydded dy ymadrodd di yn gydtun.

¹³Bydd fuan i glywed pethau da, a bydded dy fywyd mewn gwirionedd, a thraetha atteb iniawn yn ddioddefgar.

¹⁴Od oes deall gennit atteb dy gymmydog: ac onid oes, bydded dy law di ar dy safn.

¹⁵Yn yr ymadrodd [y mae] gogoniant a gwarth: a thafod dŷn fydd cwymp iddo ef.

¹⁶Na alwer di yn siaradus, ac na chynllwyn a’th dafod.

¹⁷O blegit i leidr y mae anniwarthrwydd blin, a damniad drwg i’r ddau dafodiog.

¹⁸Na fydd ddiwybod o ddim na mawr na bychan.