Read William Morgan Bible 1588 original edition Ecclesiasticus 51 Bible Online

Ecclesiasticus 51 - William Morgan Bible 1588 original edition bible

Ecclesiasticus 51

¹Gweddi Iefus fab Sirach. Clôdforaf di ô Arglwydd Frenin, a moliannaf di fy Nuw a’m iachawdwr.

²Dy enw di a glôdforaf, o blegit ti ydwyt yn amddeffynnudd ac yn help i mi, ac a waredaist fyng-horph i rhag ddinistr.

³Ac rhag rhwyd enlib tafod, rhag gwefusau y rhai a weithredant gelwydd, ie yn erbyn y rhai a ydynt yn cyfodi i’m herbyn yr ydwyt ti yn help.

⁴Gwaredaist fi yn ôl amldra trugaredd dy enw rhag y rhai rhuadwy a oeddynt barod im bwyta:

⁵Ac o law y rhai a oeddynt yn ceisio fy enaid i, ac o lawer o flinderau, y rhai a gefais i.

⁶Rhag i’r tân fy mygu o amgylch, [ac] o ganol y tân rhag fy llosci.

⁷Felly [i’m gwaredaist] o waelod y dyfnder, ac rhag tafod aflan, ac rhag chwedl celwyddoc, ac rhag anair gyd â’r brenin trwy dafod anghyfiwn.

⁸Fy enaid a aethe yn agos i farw.

⁹Am heinioes a oedd agos i vffern isaf.

¹⁰Hwy a’m hamgylchynasant i o amgylch, ac nid oedd a helpie: mi a edrychais am help dyn ac nid oedd [dim.]

¹¹Am hynny mi a gofiais dy drugaredd di oh Arglwydd, ai grym hi er ioed.

¹²Dy fod ti yn achub y rhai dioddefgar, ac yn eu hachub hwynt o law y gelynnion.

¹³Ac mi a dderchefais fyng-weddi rhag digter, ac a ddeisyfiais [gael] ymwared yn lle marwolaeth.

¹⁴Ac mi a ddeisyfiais ar yr Arglwydd tâd fy Arglwydd, na adawe efe fyfi yn amser trallod, y prŷd ni cheid help gan y beilchion.

¹⁵Mi a foliannaf dy enw di yn wastadol, ac a’th glôdforaf di yn fyng-hyffes, am wrando fyng-weddi.

¹⁶O blegit ti a’n cedwaist ni rhag dinistr, ac a’n gwaredaist ni o’r amser drwg:

¹⁷Am hynny y clôdforaf, ac y molianaf di ô Arglwydd ac y canmolaf dy enw.

¹⁸Am fi etto yn ieuangach cyn fy nhwyllo mi a ofynnais ddoethineb yn eglur yn fyngweddi.

¹⁹O flaen y Deml y gweddiais i am dani hi, ac hyd y diwedd y ceisiaf hi.

²⁰Mor llawen a oedd fyng-halon o honi hi, ac o rawnwin yn addfedu o’r blodau, fy nrhoed a rodiodd yn iniawn, mi ai holrheiniais hi o’m hieuengtid.

²¹Mi a ostyngais ychydig ar fyng-hlust, ac ai derbyniais [hi.]

²²Ac mi a gefais im fy hun lawer o athrawiaeth: mi a euthym rhagof ynddi hi.

²³I’r hwn a roddes i mi ddoethineb, y rhoddaf fi y gallu.

²⁴O blegit mi a feddyliais am ei gwneuthur hi, a dilyn daioni, ac ni’m gwradwyddir.

²⁵Fy enaid a ymderchodd am dani hi, ac mi a fum ddiwyd yn peri chwant [iddi hi.]

²⁶Mi a estynnais fy nwylo i fynu, pan ddehallais i beth a oedd bod heb ei hadnabod hi.

²⁷Mi a gyfarwyddais fy enaid atti hi, ac ai cefais hi mewn puredd.

²⁸O’r dechreuad yr ydwyf yn berchen calon wedi ei chyssylltu â hon, am hynny ni’m gwrthodir.

²⁹Fyng-halon a gafodd helbul yn ei cheisio hi: felly mi a gefais gyfoeth da.

³⁰Yr Arglwydd a roddes dafod yn wobr i mi ac mi ai moliannaf ef â hwnnw.

³¹Nessewch attafi (ô annyscedic,) ac arhoswch yn nhŷ athrawiaeth.

³²Pan ham yr ydych chwi yn oedi: neu beth a ddywedwch chwi am hyn, gan fod ar eich eneidiau chwi syched mor ddirfawr:

³³Mi a egorais fy safn, ac a leferais: prynwch [hi] i chwi heb arian.

³⁴Gostyngwch eich gyddfau tann yr iau, a derbynied eich enaid athrawiaeth, hawdd yw ei chael hi.

³⁵Gwelwch âch llygaid gymeryd o honofi boen: a chael o honofi i’m fy hun esmwythdra mawr.

³⁶Mynnwch gyfran o athrawiaeth, am nifer mawr o arian meddiennwch aur lawer trwyddi hi.

³⁷Llawenyched eich calon am ei drugaredd ef, ac na fydded yn gywilydd gennych ei foliannu ef.

³⁸Gwnewch eich gwaith cyn yr amser, ac efe a rydd eich gwobr yn ei amser. Terfyn llyfr Iesus fab Sirach yr hwn a elwir yn Lladin Ecclesiasticus.