Read William Morgan Bible 1588 original edition Ecclesiasticus 7 Bible Online

Ecclesiasticus 7 - William Morgan Bible 1588 original edition bible

Ecclesiasticus 7

¹Bod yn rhaid cilio oddi wrth ddrwg heb ein cyfiawnhau ein hunain. 19 Y modd y mae i ni arfer cyfaill, gwraig, gweision, plant, tâd a mam, ac eglwyswyr. Na wna ddrwg, ac ni oddiwes drwg dy di.

²Ymado ag anwiredd, ac fe a gilia pechod oddi wrthit ti.

³[Fy] mab na haua ym mysc cwysau anghyfiawnder, rhag i ti eu medu yn saith ddyblyg.

⁴Na chais gan yr Arglwydd lywodraeth, na chadair gogoniant gan y brenin.

⁵Nac ymgyfiawnha ger bron yr Arglwydd, ac na chymmer arnat fod yn ddoeth yngŵydd y brenin.

⁶Na chais fod yn farn-wr rhag na allech dynnu anghyfiawnder ymmaith, rhag vn amser i ti ofni rhag y cadarn, a gosod o honot dramgwydd ar dy iniawn-ffordd.

⁷Na pecha yn erbyn torf dinas, ac nac ymmwthia i dyrfa.

⁸Na ymrwym â phechod ddwywaith, o herwydd ni byddi di ddifai o vn.

⁹Na ddywet, efe a edrych ar luosogrwydd fy rhoddion i, a phan offrymmwyf i’r goruchaf Dduw, efe a dderbyn: na fydd egwan yn dy weddi, ac nac esceulusa wneuthur elusen.

¹⁰Na watwar y dŷn a fyddo yn chwerwder ei enaid, o herwydd y mae gostyngudd a derchafudd.

¹¹Na ddychymmyg gelwydd ar dy frawd, ac na wna y fath beth i’th gyfaill.

¹²Na fyn ddywedyd dim celwydd, o herwydd ni [ddaw] mynych arfer o honaw ef i ddaioni.

¹³Na fydd siaradus ym mysc llawer o henuriaid, ac nac ail-draetha dy ymadrodd yn dy weddi.

¹⁴Na chasâ waith poenus, nac hwsmonnaeth yr hon a greodd y Goruchaf.

¹⁵Na chyfrif di dy hun ym mysc pechaduriaid.

¹⁶Cofia, nad oeda digofaint.

¹⁷Darostwng dy enaid yn ddirfawr: canys dialedd yr annuwiol fydd tân a phryf.

¹⁸Na newidia dy gyfaill am ddim cyffredinol, na’th wir frawd am aur da.

¹⁹Nac ymado â gwraig ddoeth dda: canys gwell ym ei grâs hi nag aur.

²⁰Na wna niwed i wenidog a fyddo yn gweithio mewn gwirionedd, na’r gwâs cyflog yr hwn sydd yn rhoddi ei enioes.

²¹Cared dy enaid, ei wenidog synhwyrol, ac na thwylla ef am ei rydd-did.

²²[Os] anifeiliaid sy gennit, edrych arnynt: ac os buddiol ydynt i ti, arhosant gyd â thi.

²³[Od] oes i ti blant dysc hwynt, a chrymma eu gyddfau hwynt oi hieuengtid.

²⁴[Od] oes merched i ti gwilia eu cyrph hwynt, ac na ddangos dy wyneb yn llawen wrthynt hwy.

²⁵Dôd dy ferch allan, a thi a fyddi wedi gwneuthur gwaith mawr: eithr dôd hi i wr synnhwyrol.

²⁶[Os] bydd i ti wraig wrth dy feddwl na fwrw hi ymmaith, ac na ddôd ti dy hun i [vn] atcâs.

²⁷Anrhydedda dy dad â’th holl enaid, ac na anghofia ofidiau dy fam.

²⁸Cofia mai trwyddynt hwy i’th anwyd ti, a pha beth a deli di iddynt hwy o’r fath [a wnaethant] hwy i ti:

²⁹Ofna yr Arglwydd â’th holl enaid, a pharcha ei offeiriaid ef: câr yr hwn a’th wnaeth di a’th holl nerth, ac na âd ei wenidogion ef.

³⁰Ofna yr Arglwydd, ac anrhydedda yr offeiriad:

³¹A dôd ti iddo ef ran fel y gorchymynnwyd i ti:

³²[Sef] y blaen ffrwyth, ac [aberth] tros gamwedd:

³³A rhodd y palfeisiau, ac aberth y cyssegriad, a blaen-ffrwyth y pethau sanctaidd.

³⁴Estyn hefyd dy law i’r tlawd fel y perffeithier dy fendith di.

³⁵Cymmwynas rhodd [a welir] o flaen pob vn byw, ac na orafyn di gymmwynas tros y marw.

³⁶Na phalla i’r ŵylofus: eithr ŵyla gyd a’r ŵylofus.

³⁷Na fydd ddiog i ofwyd y claf: canys trwy y cyfryw bethau i’th gerir di.

³⁸Yn dy holl eiriau meddwl am dy ddiwedd ac ni phechi di byth.