Read William Morgan Bible 1588 original edition Ecclesiasticus 8 Bible Online

Ecclesiasticus 8 - William Morgan Bible 1588 original edition bible

Ecclesiasticus 8

¹Y modd y mae i vn ein ymddwyn ei hun tu ag ar amryw fath a’r ddynion. Nac ymgynhenna â dŷn cadarn, rhag syrthio o honot ti yn ei law ef.

²Nac ymsywyn â dyn cyfoethog, rhag iddo roddi pwys i’th erbyn di.

³Oblegit aur a ddifethodd lawer, ac a ŵyrodd galonnau brenhinoedd.

⁴Nac ymgynhenna â gŵr siaradus, ac na osod goed ar ei dân ef.

⁵Na chware a’r annyscedig, rhag amherchi dy rieni di.

⁶Na ddannod i’r dŷn a drôdd oddi wrth bechod, cofia ein bod ni oll tan gerydd.

⁷Nac amharcha ddŷn yn ei henaint: canys y mae [rhai] o honom ninnau yn heneiddio.

⁸Na lawenycha am farw yr hwn sydd fwyaf gelyn i ti: cofia ein bod ni oll yn darfod.

⁹Na ddiystyra draethiad y doethion: eithr ymdroa di ym mysc eu diharebion hwynt.

¹⁰O blegit ganddynt hwy y dysci di addysc, a gwasanaethu pendefigion yn hawdd.

¹¹Nag ymado a thraethiad henuriaid: o blegit hwynt hwy a ddyscasant gan eu tadau.

¹²Canys ganddynt hwy y dysci di ddeall, a rhoddi atteb pan fyddo rhaid.

¹³Na chynneu farwor pechadur, rhag dy losci yn ei flam dân ef.

¹⁴Na chyfot o flaen y trahaus, thag iddo eistedd fel cynllwyn yn erbyn dy enau.

¹⁵Na echwyna i ddŷn cryfach nâ thi, ac os echwyni bydd fel vn yn colli.

¹⁶Na fachnia am fwy nag a allech, ac os machnii, meddwl am dalu.

¹⁷Nag ymgyfreithia ag vstus, o blegit wrth ei feddwl ei hun y barnant hwy ef.

¹⁸Na ddos ar hŷd y ffordd gyd a’r ffrom rhag iddo fod yn drwm wrthit ti, oblegit wrth ei ewyllys ei hun y gwna efe, a thrwy ei anghallineb ef y derfydd am danat tithe.

¹⁹Na wna gynnen a’r dillon, ac na ddos gyd ag ef i anialwch, felly diddim [y gwelid] gwaed yn ei olwg ef, ac efe a’th gwympe di yno lle nid oes help.

²⁰Nac ymgynghora a’r ffôl, o herwydd ni all efe gelu [vn] gair.

²¹Na wna beth cyfrinachol o flaen y dieithr: o blegit ni ŵyddost ti beth a escor efe.

²²Na amlyga dy galon i bob dŷn, rhag iddo roddi gau ddiolch i ti.