Read William Morgan Bible 1588 original edition Esay 1 Bible Online

Esay 1 - William Morgan Bible 1588 original edition bible

Esay 1

¹Aniolchgarwch a chyndynrwydd y bobl. 11 Eu llygredic wasanaeth i Dduw. 14 A dialedd Duw am hynny. Gweledigaeth Esay fab Amos yr hon a welodd efe am Iuda, ac Ierusalem yn nyddiau Uzia, Iotham, Ahas, [ac] Hezecia brenhinoedd Iuda.

²Gwrandewch nefoedd, clyw dithe ddaiar, canys yr Arglwydd a lefarodd: megais a meithrinais feibion, a hwynt a wrthryfelasant i’m herbyn.

³Yr ŷch a edwyn ei feddiannudd, a’r assyn breseb ei berchennog: [ond] Israel nid edwyn, fy mhobl ni ddeall.

⁴Oh genhedlaeth bechadûrus, pobl lwythoc o anwiredd, hâd y rhai drygionus, meibion llygredic, gwrthodasant yr Arglwydd, dirmygasant Sanct Israel, [a] chiliasant yn ôl.

⁵I ba beth i’ch tarewir mwy? cildynrwydd a chwanegwch: y pen oll [sydd] glwyfus, a’r holl galon yn llesc.

⁶O wadn y troed hyd y pen, nid [oes] ddim cyfan ynddo [onid] archollion, a chleisiau, a gweliau crawnllyd: [y rhai] ni wascwyd, ac ni rwymwyd, ac ni thynêrwyd ag olew.

⁷Y mae eich gwlâd yn anrhaithiedic, eich dinasoedd wedi eu llosci â thân, eich tîr a dieithriaid yn ei yssu yn eich gŵydd, ac wedi ei anrheithio fel pe ymchwele estroniaid ef.

⁸A merch Sîon a adewir megis lluestŷ mewn gwinllan, megis lletŷ mewn gardd cucumerau, megis dinas warchaedic.

⁹Oni buase i Arglwydd y lluoedd adel i ni megis ychydig weddill: fel Sodoma y buasem, a chyffelyb fuasem i Gomorra.

¹⁰Gwrandewch air yr Arglwydd tywysogion Sodoma: clywch gyfraith ein Duw ni pobl Gomorra.

¹¹Beth [a fuddia] lluosogrwydd eich aberthau i mi medd yr Arglwydd? llawn ydwyf o boeth aberthau hyrddod, ac o frasder [anifeiliaid] breision: gwaed bustych hefyd, ac ŵyn, a bychod ni ewyllysiais.

¹²Pan ddeloch i ymddangos ger fy mron, pwy a geisiodd hyn ar eich llaw [sef] sathru fy llysoedd?

¹³Na chwanegwch ddwyn offrwm yn ofer, arogl-darth sydd ffiaidd gennif: ni allaf oddef [eich] newydd-loerau na’r Sabbothau gan gyhoeddi cymanfa, ac vchel-ŵyl, [canys] anwiredd ydynt.

¹⁴Eich lleuadau newydd, a’ch gwylau gosodedic a gasaodd fy enaid, y maent yn faich arnaf, blinais yn eu dwyn.

¹⁵A phan estynnoch eich dwylo y cuddiaf fy llygaid rhagoch: hefyd pan weddioch lawer ni wrandawaf: eich dwylo ydynt lawn o waed.

¹⁶Ymolchwch, ymlanhewch, bwriwch ymmaith ddrygioni eich gweithredoedd oddi ger bron fy llygaid: peidiwch a gwneuthur drwg.

¹⁷Dyscwch wneuthur daioni, ceisiwch farn, cyfarwyddwch y gorthrymmedic, bernwch [gyd a’r] ymddifad, dadleuwch [tros] y weddw.

¹⁸Deuwch yr awr hon, ac ymresymmwn medd yr Arglwydd, pe bydde eich pechodau fel porphor, ânt cyn wynned a’r eira, pe chochent fel scarlat, byddant fel gwlân.

¹⁹Os mynnwch, ac os gwrandewch: daioni y tîr a fwyttewch.

²⁰Ond os gwrthodwch, ac [os] anufyddhewch, â chleddyf i’ch yssir: canys genau yr Arglwydd ai llefarodd.

²¹Pa wedd yr aeth y ddinas ffyddlawn yn buttain? cyflawn [fu] o farn, lleteuodd cyfiawnder ynddi: ond yr awr hon lleiddiaid [sydd ynddi.]

²²Dy arian a aeth yn sothach, dy wîn sydd gymmysclyd a dyfroedd.

²³Dy dywysogion [ydynt] gyndyn, ac yn gyfrannogion â lladron, pob vn yn caru rhoddion, ac yn dilyn gwobrau: ni farnant yr ymddifad, a chwyn y weddw ni chaiff ddyfod attynt.

²⁴Am hynny medd Arglwydd Dduw y lluoedd [sef] cadarn [Dduw]’r Israel: aha, ymgyssuraf yn erbyn fyng-wrthwyneb-wŷr, ac dialaf ar fyng-elynnion.

²⁵Yna y dychwelaf fy llaw arnat, ac a loscaf hefyd dy sothach fel pureiddfa: ac a baraf ymmaith dy holl alcam.

²⁶Cyweiriaf hefyd dy farn-wŷr fel cynt, a’th gynghoriaid megis yn y dechreu: wedi hynny i’th elwir yn ddinas gyfiawn, ac yn dref ffyddlon.

²⁷Sîon a ryddheuir mewn barn, a’r rhai a ddychwelant ynddi mewn cyfiawnder.

²⁸Destruw y trawsion, a’r pechaduriaid [fydd] yng-hyd: a gwrthod-wŷr yr Arglwydd a ddarfyddant.

²⁹Canys cywilyddiant o achos y prennau y rhai a chwennychasoch: a gwarthruddir chwi am y gerddi y rhai a ddetholasoch.

³⁰Canys byddwch fel pren wedi syrthio ei ddalen, ac fel gardd yr hon nid [oes] ddyfroedd ynddi.

³¹A’r cadarn fydd fel sofl, ai weithudd fel gwreichionen: lloscant ill dau yng-hyd, ac ni [bydd] diffoddudd.