Read William Morgan Bible 1588 original edition Esay 10 Bible Online

Esay 10 - William Morgan Bible 1588 original edition bible

Esay 10

¹Trawsster swyddogion Israel. 5 Duw yn eu cospi hwynt trwy’r Assyriaid: y rhai hefyd a ddinistriwyd am eu creulondeb. 21 Iechydwriaeth gweddill Israel. Gwae y rhai sy yn gwneuthur deddfau anwir, a’r rhai sy yn peri iw scrifennyddion scrifennu blinder,

²I ymchwelyd y tlodion oddi wrth [eu] cyfiawnder, ac i dreisio barn anghenogion fy mhobl: fel y byddo y gweddwon yn yspail iddynt, ac yr anrheithiont yr amddifaid.

³A pha beth a wnewch yn nydd yr ymweliad, a’r destruw a ddaw o bell? at bwy y ffoiwch am gynhorthwy? a pha le y gedwch eich gogoniant?

⁴Hebo fi y cwympant tann yr hwn a rwymwyd, a thann y rhai a laddwyd y syrthiant: er hyn oll ni ddychwelodd ei lîd ef, onid etto [y mae] ei law ef yn estynnedic.

⁵Gwae Assur gwialen fy llîd, canys y ffon yn eu llaw hwynt [yw] fy nigofaint.

⁶At genhedlaeth druthiawc yr anfonaf ef, ac oddi ar bobl [wedi haeddu] fy nigter y gorchymynnaf iddo yspeilio yspail, ac ysclyfaethu ysclyfaeth, ai gosod hwynt yn sathrfa megis tom yr heolydd.

⁷Ond nid felly y tybia efe, ac nid felly y meddwl ei galon, eithr [bydd] yn ei fryd ddifetha, a thorri ymmaith genhedlaethau [lawer] nid ychydig.

⁸Canys efe a ddywed: onid [yw] fy nhywysogion eu gyd yn frenhinoedd?

⁹Onid fel Carcamis [yw] Calno? onid fel Arphad [yw] Hamath? onid fel Damascus [yw] Samaria?

¹⁰Megis y cyrhaeddodd fy llaw deyrnasoedd yr eulynnod: felly [y cyrraedd fy llaw i] eu delwau hwynt [allan] o Ierusalem, ac o Samaria.

¹¹Onid megis y gwneuthum i Samaria, ac iw heulynnod? felly y gwnaf i Ierusalem ac iw delwau hithe?

¹²A bydd pan gyflawno’r Arglwydd ei holl waith ym mynydd Sion, ac yn Ierusalem: yr ymwelaf â ffrwyth mawredd calon brenin Assur, ac â gogoniant vchelder ei lygaid ef.

¹³Canys dywedodd efe, drwy nerth fy llaw fy hun y gwneuthum [hyn] ac yn fy noethineb fy hun, o herwydd deallgar ydwyf: ac hynny y symmudais derfynau pobloedd, ai tryssorau a yspeiliais, ac a fwriais i’r llawr yn rymmus y trigolion.

¹⁴A’m llaw a gafodd gyfoeth y bobloedd fel nŷth, ac megis y cesclir ŵyau wedi eu gado y cesclais yr holl ddaiar, ac nid oedd a symmude aden, nac a agore safn, nac a yngene.

¹⁵A ymffrostia’r fwyall yn erbyn yr hwn a gymmyno â hi? a ymfawryga y llif yn erbyn yr hwn ai cyfodo? megis pe ymdderchafe gwialen yn erbyn y rhai ai codent hi i fynny, [neu] megis pe ymdderchafe ffon [na bydde] yn bren.

¹⁶Am hynny’r hebrwng Arglwydd Dduw y lluoedd ym mhlith ei freision ef gulni: a thann ei ogoniant ef y llysc llosciad megis llosciad tân.

¹⁷A bydd goleuni Israel yn dân, ai Sanct ef yn fflam: yna y llysc efe ef, ac yr yssa ei ddrain, ai fieri mewn vn dydd.

¹⁸Gogoniant ei goed hefyd, ai ddol-dir a yssa efe yn gwbl: a bydd megis [llu wedi] llesmeirio yr baner-wr.

¹⁹A phrennau gweddill ei goed ef a fyddant [o] rifedi: fel y rhifo plentyn hwynt.

²⁰A bydd yn y dydd hwnnw, na chwanega mwyach weddill Israel, a’r rhai a ddihangodd o dŷ Iacob ymgynnal ar yr hwn ai tarawodd: onid pwysant ar yr Arglwydd [sef] Sanct Israel mewn gwirionedd.

²¹Y gweddill a ddychwel [sef] gweddill Iacob at y Duw cadarn.

²²Canys pe bydde dy bobl di ô Israel fel tywod y môr, y gweddill a ddychwel atto ef: darfodiad terfynedic a lifa drosodd [o] gyfiawnder.

²³Canys darfodigaeth a [honno] yn derfynedic a wna Arglwydd Dduw y lluoedd yng-hanol yr holl dir.

²⁴Am hynny fel hynn y dywed Arglwydd Dduw y lluoedd: fy mhobl y rhai a bresswylia yn Sion nac ofna rhag yr Assyriaid: â gwialen i’th deru di, ac efe a gyfyd ei ffon i’th erbyn fel y gwnaeth yr Aiphtiaid [gynt.]

²⁵Canys [aros] etto ychydig bach, ac fe a dderfydd y llid, a’m digofaint [fydd] yn ddarfodigaeth iddynt hwy.

²⁶Ac Arglwydd y lluoedd a gyfyd ffrywill yn ei erbyn ef, megis * plâ Madian yng-hraig Horeb: fel [y cyfododd efe] ei wialen ar y môr, felly y cyfyd efe hi yn ffordd yr Aipht.

²⁷A bydd yn y dydd hwnnw symmudo ei faich ef oddi ar dy yscwydd di, ai iau ef oddi ar dy warr di: a dryllir y iau gan yr olew.

²⁸Daeth at Aiath, trammwyodd i Migron, ym Michmas y rhydd ei arfau i gadw.

²⁹Aethant trwy y rhŷd, yn Geba y lletteuasant [mewn] llettŷ: dychrynodd Rama, Gibea [eiddo] Saul a ffoes.

³⁰Bloeddia [a’th] lêf, merch Galim: gwrando [ar] Laisa, Anathoth druan.

³¹Ymbellhâodd Madmena, trigolion Gebim a ymgasclasant.

³²Etto y [bydd] dydd i sefyll yn Nob, yna efe a gyfyd ei law [tua] mynydd merch Sion, brynn Ierusalem.

³³Wele Arglwydd Dduw y lluoedd yn yscythru y gangen mewn dychryn: a’r rhai vchel o gyrph a dorrir ymmaith, a’r rhai goruchel a ostyngir.

³⁴Ac efe a dyr ymmaith frysclwyni y coed â haiarn: a Libanus drwy gryf a gwymp.