Read William Morgan Bible 1588 original edition Esay 11 Bible Online

Esay 11 - William Morgan Bible 1588 original edition bible

Esay 11

¹Achau, rhinweddau, brenhiniaeth, a hedd Crist. 10 Galwedigaeth y cenhedloedd. Yna y daw allan wialen o gyff Isai: a blaguryn a dŷf oi wraidd ef.

²Ac Yspryd yr Arglwydd a orphywys arno ef: Yspryd doethineb a deall, Yspryd cyngor a chadernid, Yspryd gwybodaeth, ac ofn yr Arglwydd.

³Ei ddeall hefyd [fydd] yn ofn yr Arglwydd, ac nid wrth olwg ei lygaid y barn efe, nac wrth glywediad ei glustiau y cerydda efe.

⁴Ond efe a farn y tlodion mewn cyfiawnder, ac a argyoedda tros drueniaid y ddaiar mewn iniondeb: ac a deru y ddaiar â gwialen ei enau ef, ac ag anadl ei wefusau y lladd efe yr anwir.

⁵A chyfiawnder fydd gwregys ei lwynau ef, a ffydd yn wregys ei arennau.

⁶A’r blaidd a drig gyd a’r oen, a’r llewpard a orwedd gyd a’r mynn: y llô hefyd a chenew y llew a’r anifail brâs fyddant yng-hyd, a bachgen bychan ai harwain.

⁷Y fuwch hefyd a’r arth a borant yng-hyd, eu llydnod a [gyd] orweddant: y llew fel yr ŷch a bawr wellt.

⁸A’r [plentyn] sugno a chweru wrth dwll yr asp: ac ar ffau y wiber yr estyn yr hwn a ddiddyfnwyd ei law.

⁹Ni ddrygant ac ni lygrant yn holl fynydd fy sancteiddrwydd: canys y ddaiar a gyflawnwyd o ŵybodaeth yr Arglwydd, megis y dyfroedd y rhoi sydd yn toi y môr.

¹⁰Yn y dydd hwnnw gwreiddyn Isai fydd yr hwn a saif yn arwydd i’r bobloedd, ag ef yr ymgais y cenhedloedd: ai orphywysfa ef [fydd] yn ogoniant.

¹¹Bydd hefyd yn y dydd hwnnw i’r Arglwydd fwrw eilwaith ei law i feddiannu gweddill ei bobl, y rhai a weddillir gan Assyria, a chan yr Aipht a chan Pathros, a chan Ethiopia a chan Helam, gan Sinear hefyd, a chan Hamath, a chan ynysoedd y môr.

¹²Ac efe a gyfyd faner i’r cenhedloedd, ac a gynnull gyrwydriaid Israel: ac a gascl wascaredigion Iuda o bedair man byd.

¹³Cenfigen Ephraim a ymedu hefyd, a gwrthwynebwŷr Iuda a dorrir ymmaith: ni chenfigenna Ephraim wrth Iuda, ac ni chyfynga Iuda ar Ephraim.

¹⁴Ond hwy a ehedant ar yscwyddau y Philistiaid tua’r gorllewyn, yng-hyd yr yspeiliant feibion y dwyrain: Edom a Moab [fyddant dann] estynniad eu llaw hwynt, a meibion Ammon [mewn] vfudd-dod iddynt.

¹⁵Yr Arglwydd hefyd a ddifroda dafod môr yr Aipht, ac ai wynt nerthol efe a gyfyd ei law ar yr afon: ac ai teru hi yn saith o ffrydau, ac a wna rodio [ynddi] yn droed-sych.

¹⁶A bydd yn briffordd i weddill ei bobl ef, y rhai a adewir o’r Assyriaid, megis ag y bu i Israel yn y dydd y daeth efe i fynu o dir yr Aipht.