Read William Morgan Bible 1588 original edition Esay 13 Bible Online

Esay 13 - William Morgan Bible 1588 original edition bible

Esay 13

¹Dinistr Babilon trwy’r Mediaid. Baich Babilon yr hwn a welodd Esay mab Amos.

²Derchefwch faner ar y mynydd goruchel, derchefwch lef attynt, cyfodwch law, ac ânt i fewn pyrth y pendefigion.

³Myfi a orchymynnais i’m rhai sancteiddiol, gelwais hefyd fyng-hedyrn yn fy nigter, y rhai a ymhyfrydant yn fy mawredd.

⁴Llêf tyrfa [sydd] yn y mynyddoedd, yn gyffelyb i bobl lawer: sŵn twrwf teyrnasoedd y cenhedloedd wedi ymgynnull, Arglwydd y lluoedd sydd yn cyfrif llu y rhyfel.

⁵Dyfod y maent o wlâd bell, o eithaf y nefoedd: [sef] yr Arglwydd, ac arfau ei lidiawgrwydd ef i ddifa’r holl dîr.

⁶Udwch, canys agos yw diwrnod yr Arglwydd: megis anrhaith oddi wrth yr Holl-alluog y daw.

⁷Am hynny’r holl ddwylo a laesi: a phob calon dyn a dawdd.

⁸A hwynt a ddychrynir, gwewyr, a doluriau ai deil hwynt, megis [gwraig] yn escor yr ymofidiant, pawb wrth ei gyfaill a ryfeddant, ai hwynebau [fyddant] wynebau fflamllyd.

⁹Wele ddydd yr Arglwydd yn dyfod yn greulon, a digofaint, a digter llidiog, i osod y wlâd yn ddiffaethwch: ai phechaduriaid a ddifa efe allan o honi.

¹⁰Canys sêr y nefoedd ai planedau ni roddant eu llewyrch: yr haul a dywyllir yn ei godiad, a’r lloer ni oleua ai llewyrch.

¹¹A mi a ymwelaf a’r byd [am ei] ddrygioni, ac a’r annuwiolion [am] eu hanwiredd: a gwnaf i falchder y rhai rhyfygus beidio: gostyngaf hefyd vchter y rhai ofnadwy.

¹²Gwnaf ddŷn yn werthfawrocach nag aur coeth, ie dŷn [yn werthfawrysach] nâ chun o aur Ophir.

¹³Am hynny y cyffroaf y nefoedd, a’r ddaiar a gryna oi lle gan ddigofaint Arglwydd y lluoedd, ac yn nydd llîd ei ddigter ef.

¹⁴A [Babilon] fydd megis ewig darfedic, ac fel dafad heb neb ai coleddo: pawb a wynebant at eu pobl eu hun, a phawb iw gwlad eu hun a ffoant.

¹⁵Pob vn a geffir ynddi a drywenir: a phawb a chwaneger [atti] a syrth drwy’r cleddyf.

¹⁶Eu plant hefyd a ddryllir o flaen eu llygaid: eu tai hwynt a yspeilir, ai gwragedd a dreissir.

¹⁷Wele fi yn cyfodi y Mediaid yn eu herbyn hwy: y rhai ni roddant frî ar arian: a’r aur ni hyfrydant ynddo.

¹⁸Eu bwâu y drylliant y plant, ac [wrth] ffrwyth bru ni thosturiant: eu llygad nid eiriach morr meibion.

¹⁹Yna Babilon (prydferthwch y teyrnasoedd, gogoniant [a] rhyfyg y Caldeaid) fydd megis y dinistr [a wnaeth] Duw ar Sodoma, a Gomorra.

²⁰Ni chyfanneddir hi yn dragywydd, ac ni phresswylir hi o genhedlaeth i genhedlaeth: ac ni phabella yr Arabiad yno, a’r bugeiliaid ni chorlannant yno.

²¹Onid anifeiliaid gwylltion a orweddant yno, ai tai hwynt a lenwir o ormessiaid, a chywion yr estris a drigant yno: a’r ellyllon a lammant yno.

²²A’r cathod a gydattebant yn ei gweddwdai hi, a’r dreigiau yn y palasoedd hyfryd: ai hamser [sydd] yn agos i ddyfod, ai dyddiau nid oedir.