Read William Morgan Bible 1588 original edition Esay 14 Bible Online

Esay 14 - William Morgan Bible 1588 original edition bible

Esay 14

¹Dychweliad y bobl o gaethiwed. Dinistr y Babiloniaid, a’r Philistiaid. Canys yr Arglwydd a dosturia wrth Iacob, ac a ddethol Israel etto, ac a bar iddynt orphywys yn eu tîr eu hunain: a’r dieithr a ymgysyllta â hwynt, ac hwy a lynant wrth dŷ Iacob.

²Y bobl hefyd ai cymmer hwynt, ac ai dygant iw llê eu hun, a thŷ Israel ai meddianna hwynt yn nhŷ yr Arglwydd yn weision, ac yn forwynion: a hwynt a gaethiwant y rhai ai caethiwodd hwythau, ac a lywodraethant ar eu gorthrym-wŷr.

³A bydd yn y dydd y rhoddo’r Arglwydd lonyddwch i ti oddi wrth dy flinder, ac oddi wrth dy ddychryn, ac oddi wrth y caethiwed caled yr hon a wasanaethaist,

⁴Yna y cymmeri y ddameg hon yn erbyn brenin Babilon, ac y dywedi: pa wedd y peidiodd y gorthrymmwr? ac y peidiodd y dreth aur?

⁵Yr Arglwydd a ddrylliodd ffonn yr anwiriaid [a] theyrn-wialen y llywawd-wŷr.

⁶Yr hon sydd yn taro y bobloedd mewn digllonedd a phlâ gwastadol, yr hon sydd yn llywodraethu y cenhedloedd mewn llidiawgrwydd, heb luddio erllid [neb.]

⁷Gorphywysodd [a] llonyddodd yr holl dîr, canasant o lawenydd.

⁸Y ffynid-wŷdd hefyd [a] chedr-wŷdd Libanus a lawenhasant yn dy erbyn [gan ddywedyd:] er pan orweddaist ni ddringodd cymmynydd arnom.

⁹Uffern oddi tanodd a grynodd i’th erbyn wrth gyfarfod a’th ddyfodiad, cyfododd rhai meirw [a] holl dywysogion y tîr: cyfododd holl frenhinoedd y cenhedloedd oi gorseddfaon.

¹⁰Y rhai hynny oll a attebant, ac a ddywedant wrthit: a wanhauwyd tithe fel ninnau? a aethost ti yn gyffelyb i ni?

¹¹Discynnwyd dy falchder i vffern, [er] trwst dy nablau: tannat y tênir pryf, pryfed hefyd a’th doant.

¹²Pa fodd y syrthiaist o’r nefoedd Lusiffer mab y wawr ddydd? [ac] i’th dorrwyd ti i lawr yr hwn a wanheaist y cenhedloedd?

¹³Canys ti a ddywedasyd yn dy galon, mi a ddringaf i’r nefoedd, oddi ar sêr Duw y derchafaf fyng-orseddfa, ac mi a eisteddaf ym mynydd y gynnulleidfa ar ystlyssau y gogledd.

¹⁴Dringaf yn vwch na’r cwmylau, tebyg fyddaf i’r Goruchaf.

¹⁵Er hynny i vffern i’th ddescynnir i ystlysau yr ffôs.

¹⁶Y rhai a’th welant a edrychant arnat, [ac] a feddyliant am danat: ai dymma y gŵr a ddychrynnodd y tîr, gan gynhyrfu teyrnasoedd?

¹⁷A osododd y byd fel anialwch, ac a ddinistriodd ei ddinasoedd, heb ollwng ei garcharorion adref?

¹⁸Holl frenhinoedd y cenhedloedd a orweddasant mewn gogoniant bob vn yn ei dŷ ei hun.

¹⁹Eithr ty di a fwriwyd allan o’th fedd fel cangen ffiaidd [neu] wîsc y lladdedigion y rhai a drywanwyd â chleddyf: y rhai [hefyd] a ddescynnent ym mysc cerrig y ffôs, fel celen sathredic

²⁰Ni byddi mewn vn bedd â hwynt, o herwydd dy dîr dy hun a ddifethaist, a’th bobl a lleddaist: ni bydd hâd yr annuwiol enwog bŷth.

²¹Darperwch laddfa iw feibion ef, am anwiredd eu tadau, rhac codi o honynt a gorescyn y tîr, a llenwi wyneb y byd â gelynnion.

²²Minne a gyfodaf yn eu herbyn hwynt medd Arglwydd y lluoedd, ac a dorraf allan o Babilon henw a hiliogaeth, sef mab ac ŵyr medd yr Arglwydd.

²³Ac ai gosodaf hi yn feddiant draenogiaid, ac yn byllau dyfroedd: yscubaf hi hefyd, ag yscubau destruw medd Arglwydd y lluoedd.

²⁴Tyngodd Arglwydd y lluoedd gan ddywedyd: [nid geir-wir fi,] onid megis yr amcenais, felly y bydd: ac fel yr ymgynghorais, hynny a saif,

²⁵Am ddryllio Assur yn fy nhîr, canys sathraf ef ar fy mynyddoedd, fel y cilio ei iau ef oddi arnynt, ac y symmuder ei faich ef oddi ar eu hyscwyddau hwynt.

²⁶Dymma y cyngor a gymmerwyd am yr holl ddaiar, ac dymma y llaw a estynnwyd ar yr holl genhedloedd.

²⁷O herwydd Arglwydd y lluoedd a ymgynghorodd, a phwy ai diddymma? ei law ef hefyd a estynnwyd, a phwy ai detry.

²⁸Yn y flwyddyn y bu farw y brenin Ahaz, y bu y bygwth hwn.

²⁹Palestina na lawenycha di yn hollawl er torri gwialen dy darawydd: o herwydd o wreiddyn y sarph y daw gwiber allan, ai ffrwyth hi fydd sarph danllyd hedegoc.

³⁰Yna y porthir cyn-blant y tlodion, a’r rhai anghenus a orweddant mewn diogelwch: eithr lladdaf dy wreiddyn di â newyn, yntef a ladd dy weddill.

³¹Uda borth, gwaedda ddinas, Palestina ti oll a doddwyd: canys mwg sydd yn dyfod o’r gogledd, ac ni [bydd neb] neulltuol yn ei amseroedd nodedic ef.

³²A pha beth a attebir i gennadau y cenhedloedd? eithr seilio o’r Arglwydd Sion, ac y gobeithia trueniaid ei bobl ef ynddi.