Read William Morgan Bible 1588 original edition Esay 15 Bible Online

Esay 15 - William Morgan Bible 1588 original edition bible

Esay 15

¹Prophwydoliaeth yn erbyn Moab. Baich Moab. Diau mai mewn noswaith y dinistriwyd [ac] y destruwiwyd Ar Moab: diau mewn noswaith y dinistriwyd, ac y destruwiwyd Cir Moab.

²Aeth i fynu i Baitha, Dibon, i’r vchelfaon i ŵylo: am Nebo, ac am Medba yr vda Moab, [bydd] moelni ar eu holl bennau, a phob barf wedi ei heillio.

³Yn ei heolydd hi yr ymwregysant â sachliain, ar ei thai hi, ac yn eu heolydd yr vda hi oll: mewn wylofain y mae yn descyn.

⁴Gwaedda Hesbon hefyd, ac Eleale, hyd Iahaz y clywir eu llefain hwynt: am hynny arfogion Moab a floeddiant, [pob vn] a flina oi enioes.

⁵Fyng-halon a waedda am Moab, ei ffoaduriaid hi a ânt hyd Zoar [fel] anner deir-blwydd, mewn wylofain y dring hi hyd allt Luith: canys codant waedd dinistr [a’r hŷd] ffordd Horonaim.

⁶O herwydd dyfroedd Nimrim a fyddant yn anrhaith, canys gwywodd y llyssiau, darfu y gwellt, nid oes gwyrdd-lesni.

⁷Am hynny yr hynn a weddillwyd, ai golud a ddygant i afon yr helyg.

⁸Canys y gweiddi a amgylchynodd derfyn Moab, eu hudfa [ydoedd] hyd Eglaim, ai hochain [hyd] Beer-Elim.

⁹Dyfroedd Dimon a lawnwyd o waed, canys gosodaf ychwaneg ar Dimon: llewod [fyddant] yn erbyn y rhai ddiangant ym Moab, ac yn erbyn weddill y wlad.