Read William Morgan Bible 1588 original edition Esay 16 Bible Online

Esay 16 - William Morgan Bible 1588 original edition bible

Esay 16

¹Achosion dinistr Moab. Anfonwch oen i lywodraeth-wr y tir o graig yr anialwch, i fynydd merch Sion.

²Ac fel y bydd aderyn yn gwibio wedi ei ollwng [o’r] nŷth, y bydd merched Moab [wrth] rydau Arnon.

³Dŵg gyngor, gwna farn, gosot yng-halon hanner dydd dy gyscod fel nôs: cuddia y rhai gwascaredic, na ddatcuddia y cyrwydrad.

⁴Triged fyng-wascaredigion yn dy fysc di, Moab bydd di loches iddynt rhag y dinistrudd, canys diweddwyd y gorthrymmudd, yr anrheith-wŷr a ballasant, y mathr-wŷr a ddarfuant o’r tir.

⁵A gorsedd-faingc a ddarperir mewn trugaredd, ac arni yr eistedd mewn gwirionedd o fewn pabell Dafydd vn yn barnu, ac yn ceisio barnedigaeth, ac yn pryssuro at gyfiawnder.

⁶Clywsom falchder Moab, balch iawn [yw, er] ei falchder, ai draha, ai ddigllonedd nid felly [y daw] ei gelwyddau.

⁷Am hynny’r vda Moabiad wrth Moabiad, pob vn a vda: am sylfeini Cir Hareseth y griddfenwch, er hynny hwynt a darewir.

⁸Canys gwin-wŷdd Hesbon a dorrwyd i lawr, [ac am] win-wydden Sibma arglwyddi y cenhedloedd a escydwasant ei phêr winwydd hi, hyd Iazer y cyrhaeddasant, cyrwydrasant ar hŷd yr anialwch, ei changhennau a ymestynnasant, [ac] a aethant tros y môr.

⁹Am hynny’r wylaf tros Iazer, [a] gwinwydden Sibma, dwfrhaf dithe Hesbon, ac Eleale a’m dagrau: canys ar dy ffrwythydd haf, ac ar dy gynhaiaf y syrthiodd bloedd.

¹⁰Y llawenydd hefyd a’r gorfoledd a dderfydd o’r dolydd, ni chenir, ac ni chrechwenir yn y gwinllannoedd, ni sathr sathrudd wîn yn y gwryfoedd: gwnaf i gân hyfrydaidd beidio.

¹¹Am hynny y rhûa fy emyscaroedd am Moab fel telyn, a’m perfedd am Cir Hares.

¹²A phan weler blino o Moab ar yr vchel fann, yna y daw efe iw gyssegr i weddio, ond ni thyccia.

¹³Dymma yr gair yr hwn a lefarodd yr Arglwydd yn erbyn Moab yr amser hwnnw.

¹⁴Llefarodd yr Arglwydd yr awr hon hefyd gan ddywedyd: o fewn tair blynedd fel blynyddoedd gwâs cyflog y dirmygir gogoniant Moab ym mhôb tyrfa fawr, a’r gweddill [fydd] ychydig bach, [a] dirym.