Read William Morgan Bible 1588 original edition Esay 17 Bible Online

Esay 17 - William Morgan Bible 1588 original edition bible

Esay 17

¹Prophwydoliaeth yn erbyn Damascus. Baich Damascus. Wele Ddamascus wedi symmud o [fod] yn ddinas, a charnedd wedi ei syrthio a fydd hi.

²Gwrthodedic ddinasoedd Aroer a fyddant eiddo’r preiddiau: yno y gorweddant, ac ni [bydd] dychrynnudd.

³Yna y derfydd amddeffynfa o Ephraim, a brenhiniaeth o Ddamascus, a gweddill Syria: fel gogoniant meibion Israel y byddant medd Arglwydd y lluoedd.

⁴Ac ar y dydd hwnnw y bydd i ogoniant Iacob feinhau, a brasder ei gîg ef a gulhâ.

⁵Ac efe a fydd fel pan cascle [vn] gynhaiaf ŷd, ac pe mede ei fraich dwysennau: a bydd fel casgludd twyssennau yng-lynn Rephaim.

⁶Ac ynddo y gadewir grawn-wîn, fel escydwad oliwŷdden, [sef] dau [neu] dri o rawn ym mlaen y brig, [a] phedwar [neu] bump yn ei changhennau ffrwythlawn, medd Arglwydd Dduw Israel.

⁷Yn y dydd hwnnw yr edrych dŷn am ei wneuthur-wr, ai lygaid a edrychant am Sanct Israel.

⁸Ac nid edrych am yr allorau [y rhai ydynt] waith ei ddwylo; îe nid edrych am yr hyn a wnaeth ei fyssedd, sef llwyni a delwau.

⁹Yn y dydd hwnnw y bydd eu dinasoedd cedyrn fel y blagur a’r brîg gwrthodedic y rhai a adawsant o herwydd meibion Israel: felly y bydd [y wlad] yn ddiffaethwch.

¹⁰O herwydd anghofio o honot Dduw dy iechydwriaeth, ac na chofiaist graig dy gadernid: am hynny y plenni blanhigion hyfryd, ac yr impi hwynt a changhennau dieithr.

¹¹Y dydd y gwnei i’th blanhigin dyfu, a’r boreu y gwnei i’th hâd flodeuo, cogwrn cynhaiaf [fydd] ar ddydd llescedd, a dolur gofidus.

¹²Gwae dyrfa pobloedd lawer, fel twrwf y môr y trystiant, îe twrwf y bobloedd a drystiant fel sŵn dyfroedd lawer.

¹³Fel sŵn dyfroedd lawer y trystia y bobl, a [Duw] ai cerydda hwynt, yna y ffoant ym mhell, ac yr erlidir hwynt fel peiswyn mynydd o flaen y gwynt, ac fel troeth ymlaen corwynt.

¹⁴Ac wele ddychryn ar bryd nawn, a chynn y boreu ni bydd: Dymma rann y rhai a’n sathrant ni, a choel-bren y rhai a’n yspeiliant ni.